ЯҢАЛЫКЛАР
Ватанны саклаучылар елы һәм Җиңүнең 80 еллыгы кысаларында, патриотик тәрбия максатларында 29 мартта Яна Мичән мәдәният йорты хезмәткәрләре “Геройлар безнең хәтердә яши” дип исемлэнгэн патриотик сәгать үткәрделәр. Анда солдатларыбызның батырлыгы һәм Ватанга карата патриотизмы турында, Донбасста махсус хәрби операция башлану сәбәпләре һәм анда катнашкан хәрби хезмәткәрләрнең батырлыгы турында сөйләнде. Авыл җирлегенең СВО да катнашучы һәр кешесенэ төзелгән альбомнар балалар игътибарына тәкъдим ителде. Балалар безнең геройларның биографияләре, тормышлары белән таныштылар, фоторәсемнәрен кызыксынып карадылар. Патриотизм хисе, Донецк халык республикасы һәм Луганск халык республикасында һәм Украина территориясендә тыныч халыкны яклау буенча хәрби бурычны үтәүчеләргә ярдәм итү теләге күпләрне берләштерде. Чара азагында махсус операцияләр барышында һәлак булганнарның барысын да бер минутлык тынлык белән искә алдылар.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
27 март - Халыкара театр көнендә Яңа Мичән мәдәният йорты хезмәткәрләре балалар өчен “Үзем белән узем” спектакленә культпоход оештырдылар. Кызыклы сюжет, рольләрне оста башкару, искиткеч балалар актер составы — балалар тамашаны бик яратып карадылар. Юл буе өйгә кайтканда, балалар тәэсирләре белән уртаклаштылар һәм, әлбәттә, яхшы кәеф өчен оештыручыларга рәхмәтле булып калдылар.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
30 мартта Саба районының Шәмәрдән авылында «СМЭШ» өстәл теннисы үзәген ачу тантанасы булды. Ачылу тантанасы Татарстан Республикасы Рәисе Р.Н.Минниханов, РФ Президенты киңәшчесе И.Е.Левитин һәм Саба муниципаль районы Башлыгы Р.Н.Минниханов катнашында башланды. Чарада Шәмәрдән мәдәният йорты хезмәткәрләре, Шәмәрдән филиалы Х. һәм А. Вәлиуллиннар исемендәге сәнгать мәктәбенең балалар тынлы оркестры, Саба районы мәдәният йорты хезмәткәрләре катнашты. Бу чара спортның бу төрен яратучылар һәм авыл халкы өчен чын бәйрәмгә әверелде. «СМЭШ» өстәл теннисы үзәген ачу авылда спортны үстерүдә мөһим адым булды һәм спорт белән шөгыльләнү өчен яңа мөмкинлекләр бирде. Татарстан Республикасы Рәисе Р.Н.Минниханов яшь музыкантларга якты чыгышлары өчен рәхмәт белдерде һәм киләчәктә дә иҗади уңышлар теләде.
Бүген яшьләр арасында яңа мавыгу — спайс дип аталган химик катнашмалар тарту таралган. Балаларга төрле тәмәке катнашмалары һәм аларның кеше организмына тәэсире турында презентация күрсәтелде. Балалар спайслар куллану нәтиҗәсендә исерүнең клиник картинасын ачык күрэ алдылар. Чараны алып баручы наркотикларның кешенең психикасына һәм үз-үзен тотышына ничек йогынты ясавы, наркотикларны куллану һәм таратуның нинди административ җәзаларга китерүе турында сөйләде. Чара барышында яшүсмерләргә спайслар куллану нәтиҗәләре турында беләләрме һәм авылда тәмәке катнашмалары рекламасы белән очрашканнармы дигән сорау бирелде. Чара азагында барлык катнашучыларга «тәмәке катнашмалары: спайс»мәгълүмати буклетлары бирелде.
30 март көнне Өтернәс авыл клубында "Нәүрүз" бәйрәме узды. Бу көнне кешеләр чын күңелдән күңел ачтылар, яз килүгә шатландылар, Нәүрүзбикәне каршыладылар. Яз бәйрәме милли җырлар, биюләр, спорт ярышлары һәм күңелле уеннар белән дәвам итте. Кунакларның барысы да тәмле ботка, коймак һәм хуш исле чәй белән сыйландылар. Чара бәйрәм рухы һәм яхшы кәеф тудырды.
30 март Ураза гаете уңаеннан Лесхоз мәчетендә балалар өчен ел саен матур бәйрәм чарасы үткәрелә. Лесхоз мәдәният йорты хезмәткәрләре әлеге чараны оештыруда катнашып киләләр. Быел да шулай булды. Бәйрәм мәчеттә өйлә намазы уку белән башланып китте. Аннары балалар белгән сүрәләрен сөйләп күрсәтеп, лоторея билетлары алдылар. Иң күп сүрә белүчеләр аерым бүләкләп кителде. Бер төркем балалар сүрәләр сөйләгән арада, икенчеләре өчен күңелле уеннар оештырылды. Лотерея уенында һәр бала матур, истәлекле бүләкләргә ия булды. Аннары төсле акбурлар белән асфальтка дини темага багышланган рәсемнәр ясадылар. Шулай итеп, балалар рәхәтләнеп күңел ачтылар, бүләкләр җыйдылар. Бәйрәм чарасы тәмле ризыклар белән балаларны сыйлау белән тәмамланды. Чарада барлыгы 80 нән артык бала катнашты. Киләсе елга да шушындый күркәм чараларда җыелырга насыйп булса иде.
Ватанны саклаучылар елы һәм Бөек Ватан сугышында Җиңүнең 80 еллыгы кысаларында Чабья - Чурчи авыл клубында «Безнең патриотлар " күргәзмәсе оештырылды һәм «Батырлык ул - мәңгелек» дигән темага Бөек Ватан сугышы чорындагы вакыйгалар турында әңгәмә үткәрелде. Бүгенге балаларга бу бәйрәмнең әһәмиятен, Бөек Ватан сугышы белән бәйле күп кенә сүзләрнең, төшенчәләрнең әһәмиятен аңлау катлаулырак булганлыктан, әлеге датага багышланган күргәзмә үткәрелде. Шулай ук СВОда катнашучылар, якташларыбызнын күргәзмәдә медальләре, фотолары тәкъдим ителде, төрле мәгълүматлар урнаштырылды. Без Ватанны саклау буенча үз бурычын намус белән һәм фидакарьлек белән үтәүчеләргә рәхмәт белдерәбез. Әлеге күргәзмә аша без үзебезнең геройларыбызга хөрмәт һәм рәхмәтебезне белдерәбез. Бигрәк тә батырларча һәлак булганнар турында истәлекне сакларга телибез
Күпчелек кешеләр өчен уен дуслар даирәсендә вакытны яхшы үткәрү һәм эш көненнән соң ял итү ысулы булып тора. Бильярд өстәле артында актив ял итү рәхәтлек китерә, якты тәэсирләр бирә, мавыктыргыч көрәштә көндәлек мәшәкатьләрдән арынырга ярдәм итә.
Язгы каникул көннәрендә 26 март көнне Чабья-Чручи авыл клубында балалар белән бильярд уеннары оештырылды. Балалар бу мавыктыргыч уенны уйнарга яраталар. Бильярд аларны белем алу мөмкинлеге белән җәлеп итә. Балаларга уенның яңа техникасын өйрәнү, хәрәкәтләрнең төгәл һәм координациясен, тиз реакцияне эшләү, шулай ук сабырлыкка һәм салкын канлылыкка өйрәнергә ошады. Уен барышында алар кызыклы аралаштылар, бер-берсеннән өйрәнделәр һәм вакытларын кызыклы уздырдылар.
29 март көнне Чабья- Чурчи авыл клубында «Терроризм-кешелеккә каршы җинаять "дигән темага мәгълүмат сәгате узды.
Катнашучы балаларга террорчылык, аның төрләре һәм максатлары, террор шартларында үз-үзеңне тоту кагыйдәләре турында сөйләнелде. Террорчылыкның методлары һәм формалары даими рәвештә киңәя баруына аерым игътибар бирделәр. Хәзер инде компьютер терроризмы турында да сөйлиләр. Балалар кешеләрнең күпләп җыела торган урыннарыннан качарга һәм саклык һәм гражданлык уяулыгы күрсәтергә, шулай ук шикле предметлар табылганда кирәкле гамәлләр, террорчылык акты янаган очракта үз-үзеңне тоту кагыйдәләрен белделәр.
Кешене гомер буе кошлар - зур һәм кечкенә, кыргый һәм йорт кошлары чолгап ала. Алар безне үзләренең җырлары белән шатландыра, бакча һәм яшелчә бакчаларын саклыйлар, зарарлы бөҗәкләрне юк итәләр.
Беренче апрельдә бөтен планета Халыкара кошлар көнен билгеләп үтә. 29 март көнне Бигәнәй мәдәният йортында китапханә белән берлектә укучылар өчен “Безнең канатлы дусларыбыз” дигән викторина үткәрелде. Балаларга кошларның файдасы, елның төрле вакытында аларга карата сакчыл мөнәсәбәт, табигатькә һәм әйләнә-тирә дөньяга мәхәббәт турында сөйләделәр. Чарага «Кошлар -безнең дуслар» дигән китап күргәзмәсе әзерләнгән иде һәм китапханәче бу китапларга күзәтү үткәрде. Балалар кошлар турында ничек кайгыртырга кирәклеген, күп кенә кошларның юкка чыгу чигендә булуын белделәр, шуңа күрә алар Кызыл китапка кертелгән дә инде.