ЯҢАЛЫКЛАР
6 февраль көнне Лесхоз мәдәният йортында "Солдатка аш" акциясе кысаларында Лесхоз бистәсе халкы белән токмач кисү оештырылды. Һәр катнашучы үз көчен, вакытын җәлләмичә, кирәк-яракларны өеннән алып килеп, изге теләкләрен тели-тели, җан җылысын салып башкарды бу эшне. Алар арасында солдат аналары да бар иде. Һәркем үз хис-кичерешләрен, яңалыкларын сөйләп, вакытның үткәне дә сизелмәде. Үз күңелен биреп, туган җир җылысын салып әзерләнгән ризыгыбыз солдатларыбызга аш булсын. Һәрберебез ил афәтенә битараф булмыйча, бердәм булып, җиңүне якынайтыйк! Барлык катнашучыларга зур рәхмәтебезне белдерәбез. Изге эшебез дәвамлы булсын.
2025 елның 5 февралендә Иске Мичән мәдәният йортында ООО «Мичән» филиалының еллык хисап җыелышы булды. Хисап җыелышыннан соң Иске Мичән мәдәният йорты, Керэнне авыл клубы, Яңа Мичән авыл мәдәният йорты, Түбән Симет авыл клубы хезмәткәрләре көче белән әзерләнгән «Җырларыбыз сезгә буләгебез» концерт программасы тәкъдим ителде. Тантаналы котлаулар күңелләрне нечкәртеп җибәрде, матур музыкаль номерлар белән ныгытылды, тамашачылар, үз чиратларында, көчле алкышлар белән алкышладылар. Концерт безнең йөрәкләрдә матур тәэсирләр калдырды.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
Яңа Мичән мәдәният йорты хезмәткәрләре авылдашлары белән берлектә «Тимершык авыл җирлегенең оста куллары һәм рәссамнары» дип исемләнгән иҗат күргәзмәсенә поход оештырдылар. Күргәзмәдә Камалов Фәйзрахман Гафур улы, Габтрахимов Марат Наил улы, Габидуллина Раушания Фирдәвес кызының хезмәтләре тәкъдим ителде. Очрашу бик җылы атмосферада узды. Килүчеләр күп кенә яңалыкларны белделәр - татар сүзләренең килеп чыгышы, картиналарның язылу тарихы һәм рәссамнар тормышыннан автобиографик нечкәлекләрен бик җылы кабул иттеләр.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
5 февральдә Питрәч районында " Ел хатын-кызы. Ел ир-аты: хатын-кыз карашы». «Минем язмышым – минем һөнәрем» номинациясендә «Игенче» ҖЧҖ Авыл хуҗалыгы предприятиесе хезмәткәре Рушания Сабирҗанова чыгыш ясады. Ул күп балалы гаиләдә үскән, аларның әтиләре Рәшит һәм әниләре Нурия Гыйләҗетдиновлар унике бала үстергәннәр, улларын һәм кызларын хезмәт сөючән, тырыш, кече ватаннарын һәм туган җирләрен яратучы итеп тәрбияләгәннәр. Күп кенә балалар үз язмышларын авыл хуҗалыгы тармагы белән бәйләделәр. Рушания унтугыз яшеннән сыер савучы булып эшли башлый, хәзер ул савымчылар бригадасын җитәкли, ире белән бергә аеруча җаваплы участокта - «Игенче»ҖЧҖ терлекчелек комплексының саву бүлегендә эшли. «Эшне шулкадәр яратам, җырлап фермага гүзәлләрем янына барам", - ди ике бала анасы. Үзенең чыгышында ул үз һөнәренә мәхәббәт һәм горурлык хисен жюри әгъзалары, тамашачылар йөрәгенә җиткерә алды. Рушания Сабирҗанова үзенең мавыгулары турында да сөйләде, ул спорт белән шөгыльләнә, Шекше җирлегендә оештырылган мәдәни чараларда һәм халык бәйрәмнәрендә актив катнаша, туган предприятиесе «Игенче»дә төрле чараларда катнаша. Аны хезмәттәшләре, туганнары, яратучы һәм хөрмәт итүче ире хуплады. Сценарийны, конкурс чыгышы программасын, куелышны Шекше мәдәният йорты мөдире Л.А. Хисмәтова әзерләде, чыгышта Шекше авыл китапханәсе мөдире Л.Хәертдинова, Сәрдә авыл клубы мөдире Л.Ибәтуллина катнашты.. Рушания Сабирҗанова «Минем язмышым – минем һөнәрем» номинациясендә җиңүче булды.
5 февраль көнне Эзмә мәдәният йортында «Туган Армиягә дан» дип исемләнгән рәсем конкурсы узды. Безнең армия ватаныбызның горурлыгы, даны һәм көче. Рус солдаты-Азат итүче, яклаучы һәм киләчәк буыннар өчен үрнәк. Авыр сынау көннәрендә Ватанны саклаучылар саны кими бара, Бөек сугыш ветераннары сафы елдан-ел сирәгәя бара. Ләкин алар безнең арада. Моны онытырга ярамый. Еллар уза, буыннар бер-бер артлы алмашына, ә рус солдаты үз бурычына тугрылык символы булып кала. Балалар үзләренең рәсемнәре белән Россия армиясе темасына кызыксыну күрсәттеләр.
5 февраль көнне Килдебәк мәдәният йортында Килдебәк бригадасының еллык хисап җыелышы узды.
Хисап җыелышыннан соң Килдебәк мәдәният йорты, Сабабаш , Туктар авыл клублары хезмәткәрләре һәм Килдебәк урта мәктәбе укучылары көче белән әзерләнгән "Хезмәте барның-хөрмәте бар ", исемле концерт программасы тәкъдим ителде. Концертта катнашучылар бию номерларын, җырларны ,туган як турында шигырьләрне үз эченә алган программа әзерләделәр. . Артистларның чыгышлары тамашачылар тарафыннан зур куаныч һәм җылы алкышлар белән кабул ителде.
5 февральдә Питрәч районында «Ел хатын-кызы. Ел ир-аты: хатын-кыз карашы» Республика күләм конкурсының зона туры узды. Конкурсның максаты-эшчәнлекнең төрле өлкәләрендә күренекле нәтиҗәләргә ирешкән хатын-кызларны ачыклау һәм бүләкләү иде. Саба муниципаль районының Шәмәрдән мәдәният йорты мөдире Г.М. Әхмәтшина конкурста «Хатын – кыз-мәдәният һәм рухият» номинациясендә катнашты. Г.М. Әхмәтшина сәнгать, мәдәният һәм мәгариф өлкәсендәге казанышларын күрсәтте. Үзенең чыгышы белән ул югары һөнәри осталыгын һәм конкурсларда катнашуда бай тәҗрибәсен күрсәтте. Зона туры йомгаклары буенча Г.М.Әхмәтшина зона турында «Хатын – кыз-мәдәният һәм рухият» номинациясендә җиңеп, Саба муниципаль районының горурлыгы булды.
5 февраль көнне Килдебәк мәдәният йортында «Юлбат «АХП " ҖЧҖ Килдебәк бригадасының еллык хисап җыелышы булды. Хисап җыелышыннан соң Килдебәк мәдәният йорты, Сабабаш , Туктар авыл клублары хезмәткәрләре көче белән әзерләнгән "Хезмәте бар-хөрмәте бар" концерт программасы тәкъдим ителде һәм Килдебәк урта мәктәбе укучылары кабул итте. Концертта катнашучылар бию номерларын, җырларны, туган як турында шигырьләрне үз эченә алган төрле-төрле программа әзерләделәр. Артистларның чыгышлары тамашачылар тарафыннан зур куаныч һәм җылы алкышлар белән кабул ителде.
4 февраль көнне Олы Нырты авыл мәдәният йорты хезмәткәрләре балалар өчен «Кыш көне күңелле» исемле уен программасы үткәрделәр. Барлык балалар да күңел ачу, уйнау өчен җыелдылар. Өстәвенә, һава торышы бик җылы булды. Балалар рәхәтләнеп уйнадылар, Кыш бабайга без салкыннардан курыкмыйбыз, дип исбатладылар. Балалар тизлектә, көчтә, чыдамлылыкта, җитезлектә һәм зирәклектә ярыштылар. Катнашучыларга йөгерү, сикерүләр бик кызык булды, анда алар үзләренең спорт күнекмәләрен күрсәтә алдылар. Соңыннан барысы да кышны озату турында табышмаклар чиштеләр. Чараны карда хәзинә эзләү белән төгәлләделәр.
Сталинград өчен барган сугышнын тарихи әһәмияте бик зур була. 1942 елнын 17 июлендэ башланган сугыш 200 көн дәвам итеп, 1943 елнын 2 февралендә совет гаскарләренен җиңүе белән тәмамлана. Бу көн хөрмәтенә, 2 февральдә Олы Нырты мәдәният йортында "Сталинградның кайнар карлары"дигән әңгәмә уздырылды. Катнашучылар Сталинград сугышының оборона этабы, совет халкының фашизмга каршы көрәштә ныклыгы һәм батырлыгы турында тарихи фактлар ишеттеләр. Әңгәмә барышында шушы датага багышлап эшләнгән буклетлар, тарихи истәлекләр кулланылды. Соңыннан шәмнәр кабызылды, һәм Бөек Ватан сугышында һәлак булганнарның барысын бер минут тынлык белән искә алдылар.