ЯҢАЛЫКЛАР
17 ноябрь көнне Сәрдә авыл клубында Сәрдә авыл клубы һәм Шекше авыл китапханәсе мөдирләре балалар язучысы Николай Носовның тууына 115 ел тулуга багышланган «Ни өчен без әкиятләр яратабыз?» дип исемләнгән әдәби сәгать үткәрделәр. Н. Носов китаплары әлегә кадәр актуальлеген югалтмаган, алар буенча мультфильмнар, кинофильмнар төшергәннәр һәм төшерәләр, аудиокитаплар яздыралар. Чара барышында балалар язучының тормышы һәм иҗаты белән таныштылар, аның күңелле хикәяләрен искә төшерделәр һәм аларны кычкырып укыдылар. Аннары кызлар һәм малайлар әдәби викторина сорауларына актив рәвештә җавап бирделәр һәм табышмакларны чиштеләр.
Татар милли орнаменты, декоратив-кулланма сәнгатьнең төп чарасы буларак, татар халыкының мәдәниятенең һәм сәнгатенең формалашу һәм үсешенең катлаулы тарихын чагылдыра. 16 ноябрь көнне Шекше мәдәният йорты һәм китапханә хезмәткәрләре Татарстанда милли мәдәниятләр һәм гореф- гадәтләр елына багышланган «Татар милли орнаменты» исемле брошка һәм фигуралар ясау буенча мастер-класс үткәрделәр. Катнашучыларга татар халкы арасында нинди орнаментлар һәм үрнәкләр популяр булганын сөйләделәр һәм күрсәттеләр. Кызлар залны бизәр өчен фетр һәм фоамираннан брошкалар н һәм зур орнаментларын бик теләп ясадылар.
18 ноябрьдә Кыш бабайның туган көне билгеләп үтелә. Бәйрәм традицион рәвештә илдәге барлык яңа ел вакыйгаларына старт бирә. 17 ноябрь конне мәдәният хезмәткәрләре-Курсабаш авыл китапханәсе китапханәчесе, Сулэ авыл клубы һәм Курсабаш мэдэният йорты хезмәткәрләре, "Кояшкай" балалар бакчасы тәрбияләнүчеләре өчен "Кыш бабайның күңелле туган көне"уен программасын үткәрделәр. Чара барышында балалар Кыш бабайның да туган көне барлыгын белделәр. Алар сорауларга җавап бирделәр, табышмакларны чиштеләр. Чарага Кар Кызы һәм клоун белән Кыш бабай үзе дә килде. Балалар Кыш бабайны туган көне белән котладылар, шигырьләр сөйләделәр, җырлар җырладылар, "Снежки", "Морозные узоры" һәм башка уеннар уйнадылар. Чара ахырында балалар татлы призлар алдылар.
16 ноябрьдә Килдебәк мәдәният йортында яшүсмерләр белән тәмәке тартудан баш тарту көненә багышланган әңгәмә узды.» . Ел саен ноябрьнең өченче пәнҗешәмбесендә дөньяда Халыкара тәмәке тартудан баш тарту көне билгеләп үтелә. Аның максаты җәмгыятьнең игътибарын Тәмәкегә бәйлелек проблемасына җәлеп итү, тәмәке тартуны профилактикалау, тәмәкенең сәламәтлеккә зыянлы йогынтысы турында мәгълүмат бирү. Табиблар тәмәке тартучыларга бу көнне булса да начар гадәттән баш тартырга тәкъдим итә. Күпчелек тәмәке тартучылар беренче тапкыр тәмәке продукциясен яшүсмер чакта ук сынап карыйлар. Шуңа күрә Халыкара тәмәке тартудан баш тарту көне яшь буынны тәмәке тарта башлау теләгеннән сакларга тиеш, чөнки никотинның организмга тәэсире бик җимергеч һәм беркайчан да эзсез үтми.Барысы бергә бу темага стена газетасы чыгардылар..
16 ноябрь көнне Килдебәк мәдәният йорты хезмәткәрләре , авыл китапханәчесе белән берлектә балалар өчен "Безнең бөтен планетада дусларыбыз бар!»исеме астында мәрхәмәтлелек дәресе үткәрде.
Мәдәният хезмәткәрләре ,китапханәче белән балаларга планетабызда төрле ил һәм милләт балалары яшәвен, чәч төсе, характеры, мәдәнияте, белеме, кием-салымы белән аерылып торуларын сөйләде. Һәркемнең үз мәнфәгатьләре һәм өстенлекләре бар, һәркем үзенчә үзенчәлекле, һәрберсе хөрмәткә лаек. Толерантлык - ул башка кешеләргә карата дустанә мөнәсәбәт, аларны ничек бар-шундый итеп кабул итү. Без барыбыз да кешеләргә, төрле халыкларга һәм аларның мәдәниятенә хөрмәт белән карарга тиеш.
Җәмгыятьтә сәламәт, авыру балалар да, мөмкинлекләре чикләнгән балалар да була. Барысы белән дә аралашырга һәм тату яшәргә кирәк. Китапханәче балаларга дуслык турында шигырьләр укыды. Шулай ук балалар белән «Без барыбыз да төрле-һәм бу искиткеч!»исемле стенгазета чыгарылды. Дуслык турында җыр җырладык.
16 ноябрь конне Сулэ авыл клубында "Тылсымлы куллар" кул эшләре буенча дәрес узды.Катнашучылар өчен дәресне Нигъмәтҗанова Алсу үткәрде. Ул инде озак вакыт кул эшлэре белән шөгыльләнә, һәм һәр буш минутын үз мавыгуына багышлый. Оста үз эшләнмәләрен күрсәтте, бәйләүнең иң гади элементларын рәхәтләнеп аңлатты, осталык хәйләләре белән уртаклашты, эшләнмәләрне ясаганда үзенең кечкенә серләрен ачты.Безнең шөгыльләр халык уеннары белән чиратлашып барды. Эш вакыты сизелмичә үтте. Катнашучылар яңа очрашуларга өметләнеп киттеләр.
Югары Симет мәдәният йортында «Яшьләр терроризмга һәм экстремизмга каршы» дип исемләнгән мәгълүмат сәгате уздырылды. Чара барышында яшьләр терроризмның нәрсә икәнен һәм нәрсәгә каршы юнәлдерелгәнен белделәр. Террорчылык корбаны булмау, шикле әйберләр табылганда нәрсә эшләргә кирәклеге турындагы сорауларга җавап биреп «Терроризмга юк! " дигән күргәзмә буенча әдәбиятка күзәтү ясадылар. Күргзмәдә китаплар, тематик папкалар һәм вакытлы басмалардан материаллар тәкъдим ителде. Чара ахырында яшьләргә «Терроризм — җәмгыятькә куркыныч» дигән буклетлар таратылды.
15 ноябрь көнне Эзмә мәдәният йортында «Телефон терроризмы» дип аталган терроризмны профилактикалау буенча тематик сәгать узды. Телефон терроризмы әзерләнә торган терроризм акты, җинаять яки җәмәгать урынында шартлаткыч җайланма булу турында белә торып ялган хәбәр тарату. Террорчылык турында белемнәр, бүгенге көннең иң куркыныч җинаятьчел күренеше буларак, кисәтә белү, куркыныч янаган вакытта дөрес алып бару тирә-юньдәгеләрне теракт нәтиҗәләреннән саклау мөмкинлеге бирә. Әңгәмә ахырында балаларга ашыгыч хезмәтләрнең телефоннарын тагын бер кат искә төшерделәр.
Бөтендөнья изгелек көне уңаеннан ,14 ноябрь көнне Иштуган авыл мәдәният йорты һәм китапханә белгечләре балалар белән «Яхшы эшләр көне” акциясендә катнаштылар . Истәлекле урынны төзекләндерү-ул безнең эшләребезнең шундый аз өлеше, алар ярдәмендә без киләчәктә тыныч күк йөзе хакына үз тормышларын калдырган һәркемгә рәхмәт белдерәбез. Һәм безнең төп бурыч-бу истәлекне мөмкин кадәр озаграк күтәреп бару, безгә тынычлык һәм ирек бүләк иткән кешеләрне искә алу. Кирәкле инвентарь белән коралланып, балалар бик теләп обелиск территориясен тәртипкә китерделәр. Барысы да күтәренке рух белән эшләделәр. Арысак та, яхшы кәеф белән эшне тәмамладык. Үз хезмәтеңнең нәтиҗәсен күрү күңелле булды, һәркем бу эшкә үз җылысыннан бер өлешен кертте, һәлак булган сугышчылар һәйкәле янындагы чиста территория тирә-юньдәгеләрнең күзләрен сөендерә, һәркайда чиста һәм матур. Өмә бик җанлы һәм актив узды, барысы да күтәренке кәеф белән үтте.
13 нче ноябрь көнне Шәмәрдән мәдәният йортында укучы балалар өчен Бөтендөнья буенча яхшылык көненә багышланган «Сердце полное добра» дип исемләнгән хәйрия акциясе уздырылды. Әлеге хәйрия акциясе яхшылык дулкыны булдыру һәм балаларны кешеләргә ярдәм итәргә өйрәтү, шулай ук аларның игътибарын игелекле эшләрнең әһәмиятенә һәм җәмәгатьчелеккә ярдәм итүгә җәлеп итү өчен юнәлдерелгән иде. Балалар өчен төрле уеннар оештырылды: яхшы сүзләр тарату, якын һәм таныш булмаган кешеләр өчен рәхмәтләр, уеннар, яхшылык төшенчәсен ныгыту өчен викториналар булдыру. Шулай ук бу чарага багышлап плакат ясалды, анда балалар үзләренең яхшы теләкләрен төсле буяулар белән бергәләп яздылар. Бу чара балаларга акция генә түгел, ә яшәү принцибы буларак – кешеләргә ярдәм итү, якыннарына җылылык, шатлык һәм елмаю бүләк итәргә кирәклеген исләренә төшереп, дөрес нәтиҗә ясарга мөмкинлек бирде.