ЯҢАЛЫКЛАР

   Россиядә Укытучы һәм остаз елы, Татарстанда Милли мәдәниятләр һәм гореф-гадәтләр елы уңаеннан 30 апрель көннне Югары Шытсу мәдәният йорты хезмәткәрләре “Алар һәрберебезнең язмышында” дигән тематик кичә үткәрделәр. Кичә сугыштан соң безнең районга укытучы итеп билгеләнеп, 40 елга якын Югары Шытсу башлангыч мәктәбендә белем биргән Мария һәм Иван Гордеевларга багышланды. Алар Югары Шытсу халкының бөтенесенең диярлек беренче укытучылары булганнар. Безнең авылда алар өйләнешәләр, 6 балалары туа, 5 балалары бүгенге көндә исән-сау, Казанда һәм Татарстанның төрле районнарында яшиләр, һәм алар гаиләләре белән бүгенге кичәнең кунаклары булдылар. Җирлек җитәкчеләре, Түбән Шытсу төп мәктәбе коллективы, “Саба таңнары” газетасы корреспонденты Ф.Вилданова, Гордеевларның балаларының дуслары, якыннары, сыйныфташлары катнашты. Кичәдә шулай ук Мария һәм Иван Гордеевларның укучылары да чыгыш ясады. Укытучы Гордеевларның документлары, казанышлары, мактау кәгазьләреннән торган күргәзмә дә әзерләнде. Иван Гордеев районда “Халык мәгарифе отличнигы” билгесе алган икенче кеше була. Мария һәм Иван Гордеевларның РСФСРның Мәгариф министрлыгы бүләкләре дә байтак. Ике кызлары һәм бер уллары әти-әниләренең юлын дәвам итеп, укытучылык һөнәрен сайлаганнар. Тематик кичә истәлекләргә, җыр-биюләргә, шигырьләргә бик бай булды.Чөнки Гордеевларның балалары үзешчән артистлар да: композитор, шагыйрь, җырчы, биючеләр. Шулай ук алар мәдәният йортыбызның музей-почмагына махсус ясаткан фотолар да бүләк иттеләр. Кичә бик җылы, күңелдә калырлык булды. Ахырдан зал басып алкышлады. Чара чәй табыны белән тәмамланды. 

1 май - тынычлык, үзара татулык, илебез байлыгын булдыруда хезмәт иткән бөтен халык бәйрәме. Бу ай табигатьнең яшәрүен, яз белән бергэ жылы килүен, киң кырларда, бакчаларда эш башлануын аңлата. Халыкның йола- бәйрәмнәре -яшь буынга белем һәм тәрбия бирүдә кыйммәтле чыганак, чөнки ул халыкның рухи байлыгын, милли үзенчәлекләрен, гореф-гадәтләрен буыннан-буынга җиткерә. Халкыбызның милли йолаларын балаларга тапшыру максатыннан,1 май көнне Тимершык мәдәният йорты, китапханә хезмәткәрләре Тимершык авылының Комарова, Ак чишмә урамнарында “Йомырка җыю” бәйрәме оештырдылар. Әлеге бәйрәмнәр авылны берләштерә, бәйрәм рухы өсти, күңелләрне күтәреп җибәрә.

1 Май-Яз һәм хезмәт бәйрәме-язгы кояш җылысын, яңа көч һәм илһам алып килүче бәйрәм.  Бу көнне Кызыл мәшә мәдәният йорты һәм китапханә хезмәткәрләре балалар өчен табигатьтә «Язгы күңеллелек» дигән ял оештырды. Балалар белән табигатьтә ял итүдән дә яхшырак нәрсә булырга мөмкин?! Майның кояшлы көне-балалар белән ачык һавада ял итү өчен менә дигән вакыт. Табигать безне саф һава, чәчәк исе һәм кошларның матур җырлавы белән җәлеп итә. Саф һавада ял итү балаларны күзаллауларын баетты һәм  компьютер артында даими вакыт үткәрүдән аерды. Балалар вакытны искиткеч күңелле итеп үткәрделәр, хәрәкәтле уеннар уйнадылар. Барсы да күтәренке һәм уңай эмоцияләр алды.

1 май көнне Килдебәк авыл мәдәният йорты хезмәткәрләре, китапханәче белән берлектә балалар өчен табигатьтә «Яз һәм Хезмәт бәйрәме» дигән уен программасы үткәрделәр. Балалар бик теләп хәрәкәтле уеннарда катнаштылар, язгы кояшлы һава торышыннан ләззәтләнделәр. Барысы да күтәренке күңел, аралашу һәм яхшы кәеф алдылар. Барлык катнашучыларга да бүләкләр тапшырылды.

 Татарстанда  милли мәдәниятләр һәм гореф-гадәтләр елы кысаларында, 1 май көнне Килдебәк авыл мәдәният йорты хезмәткәрләре, китапханәче белән берлектә «Беренче май дөнья буйлап атлый!!!» - исеме астында балалар белән йомырка, кәнфит, прәник һәм башка тәм-томнар җыю оештырдылар. Иртә таңнан балалар мәдәният йорты каршысына җыелдылар, һәм авылыбызның һәр йортына бәйрәм такмаклары әйтеп йорт хуҗаларын котлап йөрделәр. Балалар барысы да бик канәгать калдылар.

1 майда Эзмә мәдәният йорты ишегалдында «Яз һәм Хезмәт бәйрәме» хөрмәтенә «Чәчәкле май»дип аталган асфальтта акбур белән рәсемнәр конкурсы узды. Яз елның иң матур вакытларының берсе, ләкин май ае аеруча яхшы. Безнең әби-бабайлар бу көннең килүенә шатланыр өчен күп нәрсә эшләделәр. Барысы да җылы, кояш һәм чын яз килүенә шатлана. Язның өченче ае җәйгә иң якын, ул вакытта яхшы һава торышы гына түгел, кәеф тә яхшыра. Балалар тагын бер тапкыр 1 май кебек матур бәйрәмне искә төшерделәр. Чөнки 1 Май шундый якты һәм игелекле бәйрәм.

1 май конне Сулэ авыл клубында Курсабаш мэдэният йорты белгечләре белән берлектә "Куян белэн толке"курчак театры уздырылды. Курчак театрын безгә кечкенә дусларыбыз, "Йолдыз"кызыксыну клубына йөрүче яшь артистлар эзерләде. Балалар бик нык борчылдылар, ләкин алар тырыштылар һәм барысы да уңышлы килеп чыкты.Тамашачылар аларга үз алкышлары белән ярдәм иттеләр.

 Балаларның тормышын күңелле яллар һәм күңел ачулар, шау-шулы бәйрәмнәр, кызыклы уеннар һәм мавыктыргыч сәяхәтләрсез күз алдына китерү мөмкин түгел. Кайберләре - акыллылык, икенчеләре – зирәклек, өченчеләре-фантазия һәм иҗат үстерә. Ләкин аларның уртак тәрбиясе балаларда эмоцияләрне кабул итү ихтыяҗларын берләштерә. Театр балаларны тәрбияләү һәм үстерү белән бәйле бер якты, төсле эшчәнлек булып тора. 

Татарстан Республикасында милли мәдәниятләр һәм традицияләр елы кысаларында, 01 май көнне “Буялган йомырка җыю” йоласы уздырылды.. Мәдәният  хезмәткәрләре балалар белән бергә авылдашларны  Яз һәм Хезмәт бәйрәме белән котладылар, иминлек, тыныч күк теләделәр. Ә алдан хәбәр ителгән олылар, хуҗалар һәм хуҗабикәләр балаларга тәм-томнар, бүләкләр һәм буялган йомыркалар әзерләгәннәр. Балалар да, олылар да канәгать калдылар. Мондый чаралар үсеп килүче буынны татар халкының гореф-гадәтләренә һәм йолаларына җәлеп итәргә ярдәм итә.

1 майда Туктар авыл клубында китапханә белән берлектә «Яз һәм хезмәт бәйрәме тарихы»дигән мәгълүмат сәгате үткәрелде. Чара барышында Беренче май-күпьеллык традицияле һәм тарихлы бәйрәм дип сөйләделәр. Беренче майны һәрвакыт аерым хисләр белән каршы алалар, халык өчен бу яз, тынычлык һәм иҗат символы. Бу бәйрәм көненә «Беренче Май планета буйлап атлый»дигән стена газетасы рәсмиләштерелгән.

Бусагада Беренче Май бәйрәме-тынычлык, хезмәт, дуслык, якты яз бәйрәме. Кояшның язгы нурлары белән ул һәр йортка, һәр йөрәккә, салкын җилне узып, җылы һәм шатлык алып килә. Бу матур бәйрәмдә Иштуган авыл мәдәният йорты һәм китапханә белгечләре балалар белән "Һәрвакыт булсын кояш"дигән күңел ачу программасы үткәрделәр. Программа башында балалар бәйрәмнең традицияләре, Беренче Май тарихының иң якты һәм кызыклы сәхифәләре, хезмәт ияләренең халыкара бердәмлеге көне ничек барлыкка килгән, аның төп этаплары турында белделәр. Программа команда уеннарында төзелде һәм үз эченә күңелле эстафеталар, конкурслар, бию биремнәре, сораулар һәм табышмаклар алды. Катнашучылар каршылыкларны җиңделәр, үзләрен ныклык һәм төгәллек белән күрсәттеләр, биремнәрне үз көндәшләреннән тизрәк үтәделәр, ә иң мөһиме – күңел күтәренкелеге һәм күп уңай эмоцияләр алдылар. Чара ахырында балаларны татлы бүләкләр көтте.