ЯҢАЛЫКЛАР
«Самовар янында кышкы очрашулар» ял кичәсе. Бу чара бик матур традициягә әверелде, анда клуб берләшмәләренә йөрүчеләр җылы дустанә атмосферада сөйләшергә, уйнарга һәм ял итәргә җыела. Катнашучыларны чәй янында ял итәргә чакырдылар, ә самовар өстәл уртасына куелды, тирә-якта уңай мохит тудырылды. Кичә барышында катнашучылар кышкы ял һәм бәйрәмнәр турындагы истәлекләре белән уртаклаштылар. Уеннар һәм конкурслар оештырылды. Бу кичне һәркем үзе өчен нәрсәдер таба, кызыклы кешеләр белән аралаша һәм күңелле итеп вакыт үткәрү белән ләззәтләнә алды.
Шекше мәдәният йортында һәм китапханәдә балалар белән "Ватан нәрсәдән башлана?" дигән тематик әңгәмә оештырылды. Ватан - «җир», «тормыш»кебек гадәти сүз. Ватан-төшенчә генә түгел, ул хис тә. Туган иле булу кешедә хөрмәт, мәхәббәт, горурлык хисе уята. Бу ата-ана, йорт, син яшәгән урын, район, республика, ил. Балалар туган ил төшенчәсе, авыл тарихы, үзләренең кече ватаннары, урамнары һәм кешеләрнең язмышлары белән таныштылар. Ватанны ярату өчен тарихны, телне, фольклорны, мәдәниятне, авылның һәм районның чәчәк атуы өчен күп эшләр башкарган якташларыбызны белергә кирәк дигән нәтиҗә ясалды.
Балаларны зур спорт традицияләренә җәлеп итү, шулай ук балалар спортын популярлаштыру максатыннан 26 гыйнварда Яңа Мичән мәдәният йорты хезмәткәрләре "Нарат" боз сараена культпоход оештырдылар. Тимераякта шуу - ләззәт! Тәҗрибә булмаган очракта да,бик күңелле итеп вакыт уздырырга мөмкин. Моннан тыш, мондый сәяхәтләр сәламәтлекне ныгыталар, сәламәт яшәү рәвешенә күнектерәләр, физик сыйфатларны һәм күнекмәләрне үстерәләр, ә иң мөһиме, балаларны һәм өлкәннәрне якынайталар, үзара аңлашу һәм хезмәттәшлек атмосферасын тудыру өчен менә дигән мөмкинлек бирәләр. Вакыт күңелле һәм сәламәтлек өчен файдалы узды. Балалар һәм өлкәннәр бик күп уңай хис-кичерешләр, күңел күтәренкелеге һәм якты тәэсирләр алдылар.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
Әле берничә дистә ел элек кенә кич утырмаган авыл юк иде. Мондый «кичәләргә» бер авылдан гына түгел, күрше авыллардан да килгәннәр. Анда танышканнар, аралашканнар, файдалы эш белән шөгыльләнгәннәр: кемдер эрләгән, кемдер чиккән яки бәйләгән. Шул ук вакытта җырлар җырлаганнар, төрле вакыйгалар сөйләгәннәр, күп шаяртканнар һәм көлгәннәр, төрле уеннар уйнаганнар. 25 гыйнварда халыкны мәдәнияткә тарту, тарихка мәхәббәт һәм хөрмәт тәрбияләү, ата-бабаларыбыз традицияләренә, эстетик зәвык формалаштыру максатларында Яңа Мичән мәдәният йорты хезмәткәрләре «Кич утыру» оештырдылар. Борынгы замандагы кебек үк, хатын-кызлар да кул эше белән шөгыльләнделәр - бәйләделәр, чиктеләр. Эшсез утырмадылар. Ә аннары эшне куеп торып чын күңелдән җырладылар, шаярдылар, төрле тарихлар сөйләделәр, табышмакларга җаваплар таптылар, рецептлар белән уртаклаштылар. Йорт хуҗабикәсе Рәзилә апа үзенең соңгы кул эше -урындык япмаларын күрсәтте. Әзер эшләнмәләр барысына да бик ошады, чөнки кул эше һәрвакытта да күбрәк бәяләнә, индивидуаль булу символы һәм яхшы зәвык билгесе булып тора. Кич утыру чәй табыны артында дәвам итте. Чәй эчеп утырганда, рәхәтләнеп балачакларын искә төшерделәр, яшь чакта, үзләрен дә күрсәтү, башкаларны да күзәтү, такмак әйтешу, халык җырларын җырлау, күңел ачу өчен, утырмаларга ничек килүләре турында искә алдылар. Бу кичтә күңелле аралашу өчен җыелган катнашучылар яхшы кәеф, уңай хис-кичерешләр һәм рәхмәт сүзләре белән таралыштылар. Кунаклар да, хуҗалар да бик күп уңай хис-кичерешләр һәм тәэсирләр алдылар.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
27 нче гыйнварь көнне Шәмәрдән мәдәният йорты белгече югары сыйныф укучылары өчен «Город мужества и славы» дигән патриотик сәгать үткәрде. Бу чараның төп максаты-геройларны искә алу һәм үсеп килүче буынны шул еллардагы фаҗигале вакыйгалар белән таныштыру иде. Чара барышында блокададагы Ленинград тормышы турында сөйләүче документаль кадрлар күрсәтелде, шаһитларның истәлекләре һәм шәһәр халкының батырлыгына һәм ныклыгына багышланган шигырьләр яңгырады. Укучылар белгечнең сөйләгәннәрен зур игътибар белән тыңладылар, фикер алышуда актив катнаштылар, шул еллардагы вакыйгаларга үзләренең ихтирамнарын һәм теләктәшлекләрен белдерделәр. Патриотик сәгать өлкән сыйныф укучыларында халыкның батырлыгы өчен горурлык хисе, үз илебез тарихына хөрмәт һәм дөнья кыйммәтләрен аңлау формалашуга ярдәм итте. Бу чарага укучылар тарафыннан уңай җавап бирелде, алар яшьләрне патриотик тәрбияләүдә мондый чараларның мөһимлеген ассызыкладылар.
27 гыйнвар - илебез тарихында үзенчәлекле дата. 1944 елның бу көнендә Ленинград блокадасы өзелә, ул 900 көн һәм төн дәвам итә. 26 январь көнне Туктар авыл клубы "Блокадный Ленинград "батырлык дәресе үткәрде. Балалар камалышта калган ябык Ленинград шәһәрендә яшәүчеләрнең авыр сынаулары: ачлык һәм салкынлык, заводларда ирләр белән беррәттән эшләгән балалар һәм хатын-кызлар, Ленинградны совет солдатлары яклавы һәм оборонасы, Ленинградта яшәүчеләрнең батырлыгы һәм ныклыгы, Ладога күле аша коткару "тормыш юлы" төзү турында белделәр.
26 январь көнне Курсабаш мәдәният йортында Сулэ авыл клубы һәм китапханә белән берлектә Ватанны саклаучылар елына һәм шулай ук махсус хәрби операциядән ялга кайткан авылдашыбыз Р.Фәсхиев белән очрашуга багышланган "җырларыбызда күңел җылысы" исемле матур кичә үткәрелде. Очрашу концерт формасында узды. Бу көнне Р. Фәсхиевка һәм СВО катнашучыларына бик күп яхшы сүзләр һәм рәхмәт сүзләре яңгырады.Очрашу җылы һәм тату шартларда бер сулышта узды.Тамашачылар һәм Р.Фәсхиевнең туганнары әлеге концертны оештыручыларга һәм анда катнашучыларга узлэренен рәхмәтләрен җиткерделәр.
XX гасыр тарихында иң куркыныч вакыйгаларның берсе – Холокост. Бер сүздә күпме күз яше һәм газап. 25 январь көнне Югары Шытсу мәдәният йортында “Холокост – буыннар хәтере” дигән чара барышында балалар, холокост, геноцид, үлем лагерьлары турында белделәр. Тоткыннарның “Освенцим” концлагерында күргән газаплары турында да бик кызыксынып тыңладылар. Әңгәмә презентация белән аралаштырып алып барылды.
Ленинград блокадасын өзү көненә 26 январь көнне Югары Шытсу мәдәният йорты хезмәткәрләре китапханә белән берлектә “Җиңелмәс Ленинград мәңге халык хәтерендә” дигән батырлык дәресе үткәрделәр. Алар балаларга Ленинград чолганышында калган кешеләрнең авыр язмышы, сынаулар турында сөйләделәр. Ленинградтагы икмәк нормасы балаларга бик нык тәэсир итте. Катнашучылар “Томыш юлы” турында да белделәр. Шулай ук Таня Савичевага багышланган күргәзмә белән таныштылар.
27нче гыйнварда Россия Федерациясендә Россиянең Хәрби дан көне — Ленинград шәһәре блокадасын өзү көне билгеләп үтелә.