ЯҢАЛЫКЛАР

1 май конне Сулэ авыл клубында Курсабаш мэдэният йорты белгечләре белән берлектә "Куян белэн толке"курчак театры уздырылды. Курчак театрын безгә кечкенә дусларыбыз, "Йолдыз"кызыксыну клубына йөрүче яшь артистлар эзерләде. Балалар бик нык борчылдылар, ләкин алар тырыштылар һәм барысы да уңышлы килеп чыкты.Тамашачылар аларга үз алкышлары белән ярдәм иттеләр.

 Балаларның тормышын күңелле яллар һәм күңел ачулар, шау-шулы бәйрәмнәр, кызыклы уеннар һәм мавыктыргыч сәяхәтләрсез күз алдына китерү мөмкин түгел. Кайберләре - акыллылык, икенчеләре – зирәклек, өченчеләре-фантазия һәм иҗат үстерә. Ләкин аларның уртак тәрбиясе балаларда эмоцияләрне кабул итү ихтыяҗларын берләштерә. Театр балаларны тәрбияләү һәм үстерү белән бәйле бер якты, төсле эшчәнлек булып тора. 

Татарстан Республикасында милли мәдәниятләр һәм традицияләр елы кысаларында, 01 май көнне “Буялган йомырка җыю” йоласы уздырылды.. Мәдәният  хезмәткәрләре балалар белән бергә авылдашларны  Яз һәм Хезмәт бәйрәме белән котладылар, иминлек, тыныч күк теләделәр. Ә алдан хәбәр ителгән олылар, хуҗалар һәм хуҗабикәләр балаларга тәм-томнар, бүләкләр һәм буялган йомыркалар әзерләгәннәр. Балалар да, олылар да канәгать калдылар. Мондый чаралар үсеп килүче буынны татар халкының гореф-гадәтләренә һәм йолаларына җәлеп итәргә ярдәм итә.

1 майда Туктар авыл клубында китапханә белән берлектә «Яз һәм хезмәт бәйрәме тарихы»дигән мәгълүмат сәгате үткәрелде. Чара барышында Беренче май-күпьеллык традицияле һәм тарихлы бәйрәм дип сөйләделәр. Беренче майны һәрвакыт аерым хисләр белән каршы алалар, халык өчен бу яз, тынычлык һәм иҗат символы. Бу бәйрәм көненә «Беренче Май планета буйлап атлый»дигән стена газетасы рәсмиләштерелгән.

Бусагада Беренче Май бәйрәме-тынычлык, хезмәт, дуслык, якты яз бәйрәме. Кояшның язгы нурлары белән ул һәр йортка, һәр йөрәккә, салкын җилне узып, җылы һәм шатлык алып килә. Бу матур бәйрәмдә Иштуган авыл мәдәният йорты һәм китапханә белгечләре балалар белән "Һәрвакыт булсын кояш"дигән күңел ачу программасы үткәрделәр. Программа башында балалар бәйрәмнең традицияләре, Беренче Май тарихының иң якты һәм кызыклы сәхифәләре, хезмәт ияләренең халыкара бердәмлеге көне ничек барлыкка килгән, аның төп этаплары турында белделәр. Программа команда уеннарында төзелде һәм үз эченә күңелле эстафеталар, конкурслар, бию биремнәре, сораулар һәм табышмаклар алды. Катнашучылар каршылыкларны җиңделәр, үзләрен ныклык һәм төгәллек белән күрсәттеләр, биремнәрне үз көндәшләреннән тизрәк үтәделәр, ә иң мөһиме – күңел күтәренкелеге һәм күп уңай эмоцияләр алдылар. Чара ахырында балаларны татлы бүләкләр көтте.

1 май көнне  Оет авыл клубы китапханә белән берлектә «Май калейдоскобы» исемле танып белү - уен программасы үткәрде. Чара барышында балалар  төрле уеннарда һәм конкурсларда катнаштылар. «Очты, очты», «Кем тизрәк», «Паровозик», «Куышлы» кебек уеннарны балалар бик яратып уйнадылар.

     Соңгы елларда 1 Май бәйрәме элеккеге кебек үк киң билгеләп үтелми. Май демонстрацияләрен бөтен халык урамга чәчәкләр һәм һава шарлары белән чыгып үткәрмиләр инде. Әмма дәүләт бәйрәме статусын бу көн саклап калды, һәм күпләр гадәт буенча ел саен яз һәм хезмәт көнен бәйрәм итә..

       1 май көнне балаларның танып – белү һәм иҗади сәләтләрен үстерү, дәүләт бәйрәмнәренең барлыкка килү тарихы белән таныштыру һәм хезмәт кешеләренә хөрмәт тәрбияләү максатыннан Юлбат мәдәният йорты хезмәткәрләре , китапханәче «Яз һәм Хезмәт Бәйрәме»дип исемләнгән конкурс-уен программасы үткәрделәр. Мәдәният йорты һәм китапханә мөдирләре Яз һәм хезмәт көне турында сөйләделәр,  уен формасында викторина үткәрелде, хезмәт турында мәкальләр яңгырады. . Чара Беренче Май рухында тәмамланды: балалар кулы белән ясалган стенгазета һәм шарлар бәйрәм атмосферасы тудырды Чара ахырында бүләкләр тапшырылды. 

   1 Май-Яз һәм хезмәт көне-яз кояшының җылысын, яңа көч алып  килүче зур бәйрәм. 1 май көнне Олы Нырты авыл мәдәният йорты, "Май кәефе" дигән исем астында , балалар өчен  бәйрәм үткәрделәр. Балалар белән буялган йомырка җыю оештырылды. Бәйрәмчә матур киенгән балалар өйдән –өйгә йөреп йомырка җыйдылар.  Авылдашларын бәйрәм белән котладылар, иминлек теләделәр. Ә алдан хәбәр ителгән өлкәннәр балалар өчен тәм-томнар һәм йомыркалар әзерләделәр. Чара ахырында балалар белән бергә ,табигатьтә күңел ачтылар, төрле хәрәкәтчән уеннар уйнадылар. Балалар бик шәп һәм күңелле вакыт үткәрделәр

Беренче май бәйрәме – ул язгы кояшның җылысын, яңа көч һәм яңа өметләр китерүче көтеп алган бәйрәм. Милли мәдәниятләр һәм гореф-гадәтләр елы уңаеннан, бу көнне Өтернәс авыл клубы “Бергә бәйрәм итәбез” дип исемләнгән чара үткәрде.балалар белән өйләргә йөреп авылдашларны котладык, такмаклар әйтеп, хуьабикщлщр алдан щзерлщп куйган буялган йомырка,күчтәнәчләрне җыйдык. Соңыннан табигатьтә күңелле уеннар оештырдык. Бәйрәм мизгелләре балалар күңелендә озак сакланыр әле. 

Татарстан Республикасында милли мәдәниятләр һәм традицияләр елы кысаларында, 01 майда Урман хуҗалыгы мәдәният йорты хезмәткәрләре китапханәче белән бергә Иске Татар йоласын яңартырга карар кылдылар. Бу йоланың аерым исеме юк. Татар авылларында язның истә калырлык мизгелләренең берсе-буялган йомырка җыю. Милли киемнәрдәге хезмәткәрләр балалары белән бергә авылдашларын Яз һәм Хезмәт бәйрәме белән котладылар, иминлек, тыныч күк теләделәр. Ә алдан хәбәр ителгән олылар, хуҗалар һәм хуҗабикәләр балаларга тәм-томнар, бүләкләр һәм буялган йомыркалар әзерләгәннәр. Балалар да, олылар да канәгать калдылар. Мондый чаралар үсеп килүче буынны татар халкының гореф-гадәтләренә һәм йолаларына җәлеп итәргә ярдәм итә. Безнең урман хуҗалыгында бу чара беренче тапкыр булды. Хәзер без ел саен элеккеге гореф-гадәтләребезне яңартачакбыз.

Татарстан Республикасында милли мәдәниятләр һәм традицияләр елы кысаларында 01 май  көнне Керәнне  авыл клубы мөдире «Бәхетле балачак» дип исемләнгән бәйрәм оештырды.​ Без татар халкының борынгы  йоласын яңартырга булдык. Бу йоланың аерым исеме юк. Татар авылларында язның истә калырлык мизгелләренең берсе – төрле матур төсләргә буялган йомырка җыю. Иртән клуб  мөдире балалар һәм әти-әниләре белән бергә авыл урамына  йомырка җыярга чыктылар. Бәйрәм уңаеннан матур киенгән балалар авылдашларын Яз һәм Хезмәт бәйрәме белән котладылар, иминлек, тыныч күк теләделәр. Ә алдан хәбәрдар булган  хуҗалар һәм хуҗабикәләр балаларга тәм-томнар, бүләкләр һәм буялган йомыркалар әзерләгәннәр. Аннары балалар һәм аларның әти-әниләре күңелле конкурсларда һәм уеннарда катнаштылар. Балалар да, олылар да канәгать калдылар. Мондый чаралар үсеп килүче буынны татар халкының гореф гадәтләренә һәм йолаларына җәлеп итү өчен яхшы сәбәп булып тора.