ЯҢАЛЫКЛАР

Табигать-ул мәңгелек матурлык һәм тынычлык , күңел гармониясе. Ул безне җирдә тынычлыкны яратырга һәм сакларга өйрәтә. Димәк, әгәр без җиребезне матур итсәк, планетабызда тормышны саклап калырбыз. Тере табигатьне саклау өчен, аны өйрәнергә кирәк. Табигатькә җаваплы мөнәсәбәт формалаштыру һәм табигатькә мәхәббәт тәрбияләү максатыннан, 3 май көнне Юлбат авыл китапханәсе мөдире һәм Юлбат мәдәният йорты хезмәткәрләре «Бу җирдә сиңа һәм миңа яшәргә»дигән экологик сәгать үткәрәләр. Табигатьтә үз-үзеңне тоту кагыйдәләрен ныгыттык ,укучыларның экология буенча белемнәрен тулыландырдык, алар балаларда экологик гадәтләрне формалаштырырга ярдәм итә. Балаларга эшкәртелгән батареяларны җыюны ничек оештырырга кирәклеге турында, шулай ук чүп - чарның төрләре һәм алар  әйләнә-тирә мохитне бозу куркынычы турында сөйләнде . Чарада катнашучылар  табигать турында хикәяләрне чылбыр буенча укыдылар.

2 май көнне Шәмәрдән мәдәният йорты белгече С.М.Фәтхуллина Шәмәрдәннең «Рост» лицеенда укучы балалар  өчен Бөтендөнья кояш көненә багышланган «Сонышко любимое наше» дип исемләнгән уен-викторина үткәрде. Башта алып баручы балаларга бу бәйрәмнең кайчан һәм ничек барлыкка килүе һәм табигый ресурсларны саклау өчен кояш энергиясен куллану мөмкинлекләре турында сөйләде. Шуннан соң укучылар Кояш системасының һәм аның беренче ачышчыларының ничек төзелүе турында белделәр. Аннары мәктәп укучылары «Ветер и Солце» дигән  риваятьне кызыксынып тыңладылар да,  «Комета»  һәм «Луч» командаларына бүленеп, викторина сорауларына керештеләр. Балалар анда барлык сорауларга да җавапларын биреп, игътибарлы булуларын күрсәттеләр. Аннары чара хәрәкәтчән уеннар белән дәвам итте һәм стена газетасы рәсмиләштерүе белән тәмамланды.

1 май көнне Шәмәрдән мәдәният йорты каршында яз һәм хезмәт көненә багышланган «На крыльях мая!» дигән бәйрәм концерт-дискотекасы узды. Бу матур, язгы көн табигатьнең уянуы, елның иң якты һәм искиткеч вакыты белән бәйле. Яхшы кәеф, илһам, язгы җиңеллек һәм барлык теләкләрне үтәү теләкләре белән мәдәният йорты хезмәткәрләре Шәмәрдән мәдәният йорты каршындагы сәнгать үзешчәнлеге, Мичәнбаш клуб мөдире А.Б. Гаврилова белән берлектә тамашачыларга үзләренең матур җырларын бүләк иттеләр. «Акварель» халык бию төркеме тамашачыларны үзенең заманча биюләре белән сөендерде. Бәйрәм якты, игелекле һәм күңелле булды. Концерт бәйрәм дискотекасы белән тәмамланды.

29 апрель көнне Шәмәрдән мәдәният йортында «Новое поколение» дип исемләнгән яшьләр концерты узды. Мәдәният йортында бәйрәм кәефе сизелә иде. Бу көнне дәртле матур җырлар яңгырады һәм «Акварель» халык бию төркеме башкаруында иң яхшы биюләр куелды. Шулай ук мәдәният йортының иҗади хезмәткәрләре тамашачыларга якты концерт программасы бүләк иттеләр. Барлык актив яшьләр бәйрәмдә рәхәтләнеп күңел ачтылар.

Бәйрәм алдыннан буялган йомырка җыю-безнең авылда сакланган иң борынгы йола. Без аны 1 май көнне үткәрдек.Бу көнне һәр йортта бәйрәм атмосферасы хөкем сөрә. Йомыркаларны еш кына суган кабыгы кайнатмасында буяганнар, төсе Алтын – сары яки кара – көрән төстә булган. Моннан тыш, махсус камыр шарлары - төш, кайвакыт арыш оннан, яки вак булочкалар - шишара, крендели пешергәннәр, конфетлар сатып алганнар.Балалар бу көнне зур бәйрәм кебек көттеләр.. Әниләр йомырка җыю өчен махсус капчыклар әзерләгәннәр. Гадәттә, аларны кызыл сөлге очларыннан тегәләр. Еш кына балалар, иртән бу вакытны югалтмас өчен, киенгән, аяк киеме киеп йокларга яталар; йокламас өчен, мендәр урынына баш астына бүрәнә салалар. Иртә белән 3-4 яшьтән 10-11 яшькә кадәрге малайлар һәм кызлар йортларны әйләнеп чыга Йомырка җыеп бетергәч урамга уеннар уйнарга барча бала җыела.,”Чәкәтле”,”Чүрәкәйле””биш ташлы”,”Ал кирәк ,гөл кирәк”һб. уеннар уйныйлар

1 май көнне Югары Шытсу мәдәният йорты һәм китапханә хезмәткәрләре “Шытсу” җәмгыятенен сөтчелек комплексында “Умырзая” агитбригадасы белән чыгыш ясадылар. Алар Яз һәм Хезмәт бәйрәме белән котладылар. “Хезмәт төбе – хөрмәт” дип аталган чыгышта җырлар башкардылар, шигырьләр сөйләделәр, музыка уен коралларында уйнадылар, яңа китаплар һәм вакытлы матбугат белән таныштырдылар. Чара күмәк татарча бию белән тәмамланды. Һәркем бәйрәм кәефе белән таралышты. 

   Россиядә Укытучы һәм остаз елы, Татарстанда Милли мәдәниятләр һәм гореф-гадәтләр елы уңаеннан 30 апрель көннне Югары Шытсу мәдәният йорты хезмәткәрләре “Алар һәрберебезнең язмышында” дигән тематик кичә үткәрделәр. Кичә сугыштан соң безнең районга укытучы итеп билгеләнеп, 40 елга якын Югары Шытсу башлангыч мәктәбендә белем биргән Мария һәм Иван Гордеевларга багышланды. Алар Югары Шытсу халкының бөтенесенең диярлек беренче укытучылары булганнар. Безнең авылда алар өйләнешәләр, 6 балалары туа, 5 балалары бүгенге көндә исән-сау, Казанда һәм Татарстанның төрле районнарында яшиләр, һәм алар гаиләләре белән бүгенге кичәнең кунаклары булдылар. Җирлек җитәкчеләре, Түбән Шытсу төп мәктәбе коллективы, “Саба таңнары” газетасы корреспонденты Ф.Вилданова, Гордеевларның балаларының дуслары, якыннары, сыйныфташлары катнашты. Кичәдә шулай ук Мария һәм Иван Гордеевларның укучылары да чыгыш ясады. Укытучы Гордеевларның документлары, казанышлары, мактау кәгазьләреннән торган күргәзмә дә әзерләнде. Иван Гордеев районда “Халык мәгарифе отличнигы” билгесе алган икенче кеше була. Мария һәм Иван Гордеевларның РСФСРның Мәгариф министрлыгы бүләкләре дә байтак. Ике кызлары һәм бер уллары әти-әниләренең юлын дәвам итеп, укытучылык һөнәрен сайлаганнар. Тематик кичә истәлекләргә, җыр-биюләргә, шигырьләргә бик бай булды.Чөнки Гордеевларның балалары үзешчән артистлар да: композитор, шагыйрь, җырчы, биючеләр. Шулай ук алар мәдәният йортыбызның музей-почмагына махсус ясаткан фотолар да бүләк иттеләр. Кичә бик җылы, күңелдә калырлык булды. Ахырдан зал басып алкышлады. Чара чәй табыны белән тәмамланды. 

1 май - тынычлык, үзара татулык, илебез байлыгын булдыруда хезмәт иткән бөтен халык бәйрәме. Бу ай табигатьнең яшәрүен, яз белән бергэ жылы килүен, киң кырларда, бакчаларда эш башлануын аңлата. Халыкның йола- бәйрәмнәре -яшь буынга белем һәм тәрбия бирүдә кыйммәтле чыганак, чөнки ул халыкның рухи байлыгын, милли үзенчәлекләрен, гореф-гадәтләрен буыннан-буынга җиткерә. Халкыбызның милли йолаларын балаларга тапшыру максатыннан,1 май көнне Тимершык мәдәният йорты, китапханә хезмәткәрләре Тимершык авылының Комарова, Ак чишмә урамнарында “Йомырка җыю” бәйрәме оештырдылар. Әлеге бәйрәмнәр авылны берләштерә, бәйрәм рухы өсти, күңелләрне күтәреп җибәрә.

1 Май-Яз һәм хезмәт бәйрәме-язгы кояш җылысын, яңа көч һәм илһам алып килүче бәйрәм.  Бу көнне Кызыл мәшә мәдәният йорты һәм китапханә хезмәткәрләре балалар өчен табигатьтә «Язгы күңеллелек» дигән ял оештырды. Балалар белән табигатьтә ял итүдән дә яхшырак нәрсә булырга мөмкин?! Майның кояшлы көне-балалар белән ачык һавада ял итү өчен менә дигән вакыт. Табигать безне саф һава, чәчәк исе һәм кошларның матур җырлавы белән җәлеп итә. Саф һавада ял итү балаларны күзаллауларын баетты һәм  компьютер артында даими вакыт үткәрүдән аерды. Балалар вакытны искиткеч күңелле итеп үткәрделәр, хәрәкәтле уеннар уйнадылар. Барсы да күтәренке һәм уңай эмоцияләр алды.

1 май көнне Килдебәк авыл мәдәният йорты хезмәткәрләре, китапханәче белән берлектә балалар өчен табигатьтә «Яз һәм Хезмәт бәйрәме» дигән уен программасы үткәрделәр. Балалар бик теләп хәрәкәтле уеннарда катнаштылар, язгы кояшлы һава торышыннан ләззәтләнделәр. Барысы да күтәренке күңел, аралашу һәм яхшы кәеф алдылар. Барлык катнашучыларга да бүләкләр тапшырылды.