ЯҢАЛЫКЛАР

Җиңү көненең 80 еллыгы уңаеннан, Өтернәс авылында 1941-1945 еллардагы Бөек Ватан сугышында катнашучыларга багышланган обелискны ачу тантанасы булды. Бу көн авыл халкы өчен мөһим вакыйгага әверелде. Тантаналы чарада Эзмә авыл җирлеге башлыгы Р.Г. Әхмәтовтан котлау сүзләре яңгырады, шулай ук үзләренең котлаулары белән Саба муниципаль районы башкарма комитеты җитәкчесенең икътисад буенча урынбасары - икътисад бүлеге начальнигы М. М. Баһманов; "Игенче" ҖЧҖ җитәкчесе А. З. Зарипов, Эзмә урта мәктәбе директоры З. Ф. Гыйбадуллин чыгыш ясадылар. Концерт программасында сугыш еллары, Җиңү җырлары, үзешчәннәр башкаруында биюләр яңгырады. Чарада катнашучылар һәлак булган батырларны бер минут тынлык белән искә алдылар, чәчәкләр салдылар, ата-бабаларыбызның ныклыгы, батырлыгы белән горурландылар.

Җиңү көненең 80 еллыгы уңаеннан, Өтернәс авылында 1941-1945 еллардагы Бөек Ватан сугышында катнашучыларга багышланган обелискны ачу тантанасы булды. Бу көн авыл халкы өчен мөһим вакыйгага әверелде. Тантаналы чарада Эзмә авыл җирлеге башлыгы Р.Г. Әхмәтовтан котлау сүзләре яңгырады, шулай ук үзләренең котлаулары белән Саба муниципаль районы башкарма комитеты җитәкчесенең икътисад буенча урынбасары - икътисад бүлеге начальнигы М. М. Баһманов; "Игенче" ҖЧҖ җитәкчесе А. З. Зарипов, Эзмә урта мәктәбе директоры З. Ф. Гыйбадуллин чыгыш ясадылар. Концерт программасында сугыш еллары, Җиңү җырлары, үзешчәннәр башкаруында биюләр яңгырады. Чарада катнашучылар һәлак булган батырларны бер минут тынлык белән искә алдылар, чәчәкләр салдылар, ата-бабаларыбызның ныклыгы, батырлыгы белән горурландылар.

Һәр районның җаны бар, һәм бу - музейлар, алар бөртекләп тарих җыялар һәм аны саклыйлар, кешеләргә үз тамырларын белергә ярдәм итәләр, онытырга ярамаган гаҗәеп хәлләр турында сөйлиләр. 16 апрельдә, Өтернәс авыл клубы мөдире ял клуб берләшмәләрендә катнашучылар өчен, Саба туган якны өйрәнү музеена культпоход оештырды. Катнашучылар рәхәтләнеп сөйләгәнне тыңладылар, экспонатларны кызыксынып карадылар, бертавыштан мондый экспозиция проектларын үткәрүнең хәзерге вакытта бик кирәк булуын, күргән экспонатларның зур тәэсирләр калдыруларын әйттеләр. Шулай ук район китапханәсендә, Тукай паркында да булып, яңалыклар белән таныштылар. Экскурсиядән катнашучылар яңа тәэсирләр һәм яхшы кәеф белән кайттылар.

Мөселман хатын-кызы өчен яулык - аның киеменең мәҗбүри атрибуты, төп бизәге. Дөрес бәйләнгән яулык дин йолаларын бозмаска һәм матур, заманча хатын-кыз булып күренергә мөмкинлек бирә. Бүген Өтернәс авыл клубында хатын-кызлар өчен яулык бәйләү буенча мастер-класс үткәрелде. Эльмира Моратова безне энәсез яулык бәйләү ысуллары белән таныштырды, һәр катнашучы үзләштерә ала торган серләрне ачты. Теләк кенә кирәк. Үз эшенең остасы кулы белән тудырылган образлар безнең һәрбер сөйкемле ханымның күңеленә хуш килде. Чыннан да, бик матур һәм гади!

30 март көнне  Өтернәс авыл клубында "Нәүрүз" бәйрәме узды. Бу көнне кешеләр чын күңелдән күңел ачтылар, яз килүгә шатландылар, Нәүрүзбикәне каршыладылар. Яз бәйрәме милли җырлар, биюләр, спорт ярышлары һәм күңелле уеннар белән дәвам итте. Кунакларның барысы да тәмле ботка, коймак һәм хуш исле чәй белән сыйландылар. Чара бәйрәм рухы һәм яхшы кәеф тудырды.

Яз җылы кояш, күңел күтәренкелеге һәм шатлыклы бәйрәмнәр белән бергә килде. Язның беренче бәйрәме — Халыкара хатын-кызлар көне булуы бик шатлыклы. 8 март көнне Өтернәс авыл клубында шушы көнгә багышлап “Язгы солянка” концерт булып узды. Бәйрәм программасы тәкъдим ителде, анда авылыбызның Лесная һәм Тукай урамнарында яшәүче үзешчәннәр башкаруында күңелле җырлар, биюләр, шаярту күренешләре яңгырады. Күңелле номерлар белән бәйрәм сизелмичә дә үтте. Тамашачылар канәгать калдылар. Концертта катнашучылар тамашачылардан күңелле чара һәм бәйрәмнең җылы атмосферасы өчен күп рәхмәт сүзләре алдылар.

9 февраль көнне, Ватанны саклаучылар елы кысаларында, Өтернәс авыл клубында совет халкының Бөек Ватан сугышында Җиңүенең 80 еллыгына багышланган мәгълүмати-патриотик сәгать үткәрелде. Филиал мөдире Ватанны саклаучы елының рәсми логотибын тәкъдим итте, анда символик рәвештә мөһим элементлар чагылдырылган: Волгоградтагы Мамай курганындагы 85 метрлы «Ватан-Ана чакыра» скульптурасы, Георгий тасмасы, «Җиңү» сүзе һәм «80»саны. Бу символлар безгә ата-бабаларыбызның батырлыгын һәм үз тарихыбызны истә тотуның мөһимлеген искә төшерә. Балалар актив рәвештә "Сугыш. Җиңү. Хәтер», ватанпәрвәрлек, батырлык һәм Ватанга мәхәббәт турындагы фикерләре белән уртаклаштылар. Йомгаклап балалар үзләренең Россиянең кечкенә патриотлары булуларын әйттеләр һәм хәрби темага рәсемнәр ясадылар. Алар рәсемнәрдә сугыш елларының тарихи вакыйгаларына үз мөнәсәбәтләрен чагылдырып, иҗади рәсемнәре белән алар үзләрен кызганмыйча җиңүгә таба барган солдатларга рәхмәт әйтәләр.

Тулы канлы тормыш белән яшәү, аның һәр мизгеленнән ләззәт алу өчен сәламәт булу бик мөһим. Сәламәтлек - ул дөрес туклану, даими физик күнегүләр, гигиена үтәү нәтиҗәсе. 30 январь көнне Өтернәс авыл клубында Эзмә ФАПы фельдшеры З.Р.Садриева белән очрашу оештырылды. Файдалы әңгәмәдә катнашучылар сәламәт яшәү рәвешенә үз мөнәсәбәтләрен белдерделәр, сәламәтлек рецептлары белән уртаклаштылар. Авыруларны халык чаралары, үләннәрдән ясалган эремчекләр һәм төнәтмәләр белән дәвалауның үз мисалларын китерделәр. Программа ахырында катнашучыларга дару үләннәреннән төрле чәй тәкъдим ителде.

Һәр халыкның мәдәнияте, буыннан-буынга тапшырыла торган кыйммәтләре белән танышырга мөмкинлек бирә торган йолалары бар. Гореф-гадәтләр белән алмашып, халыклар бер-берсен баета. 28 ноябрь көнне Өтернәс авыл клубында «Аулак өй» ял клуб берләшмәсенә йөрүчеләр өчен «Халык йолаларын саклыйк» фольклор сәгате үткәрелде. Филиал мөдире бәйрәм йолалары, хатын-кызның бизәнү әйберләре, киееме, милли бизәкләр белән таныштырды, викторина үткәрде. Катнашучылар табышмакларны чишүдә, тапкырлыкта актив катнаштылар, фикер алыштылар.

Буыннан-буынга һәр кеше өчен әни-тормышта иң мөһим кеше. Елдан-ел бу бәйрәм безнең йортларга ныграк керә бара. Әниләр көне-җылы, ихлас бәйрәм. 23 декабрь көнне Өтернәс авыл клубында Әниләр көненә багышланган «Могҗизалар кыры»уены рәвешендә бәйрәм чарасы үткәрелде. Кичәдә әниләр тапкырлык, зирәклек белән ярыштылар. Өч турда Мифтахова Зөлфирә, Зәйнуллина Әдилә, Шәйхетдинова Гөлназ җиңүче булдылар. Ә финал уенында Зәйнуллина Адилә җиңде. Катнашучыларның күңелле җырлары, матур шигырьләре, юморы кичәне бизәде. Уен ахырында барлык катнашучыларга бүләкләр тапшырылды. Бәйрәмнең икенче өлеше чәй эчеп дәвам итте.