ЯҢАЛЫКЛАР

11 июльдә балалар белән велосипедта йору уздырдык. Җәй-велосипедта йөрү вакыты. Педальләр әйләндерергә өйрәнгәннән соң, балалар урамнар һәм юллар, парклар һәм скверлар буйлап чабалар. Велосипед хәрәкәт итүнең нәтиҗәле чараларының берсе булып тора. Велосипедта йөрү балаларның пространствода ориентлашуын үстерүгә, тигезлекне саклауга, чыдамлык, тизлек, җитезлек, кыюлык, үз көчеңә ышаныч кебек сыйфатларны үстерүгә ярдәм итә. Чара бай эчтәлекле, мавыктыргыч кына түгел, чын-чынлап спорт һәм танып белү чарасы да булды, балалар көн буена уңай хис-кичерешләр һәм күңел күтәренкелеге белән бүләкләнде.

11 нче июль көнне Шәмәрдән мәдәният йортында балалар өчен Бөтендөнья шоколад көненә багышланган «Шоколаду каждый рад» дигән танып-белү сәгате уздырылды. Башта балалар әлеге тәм-томның барлыкка килү тарихы, аның файдасы, зарары һәм төрле төрләре турында белделәр. Шулай ук балалар өчен шоколад тематикасына багышланган мавыктыргыч викторина әзерләнгән иде. Викторина сораулары уен формасында тәкъдим ителде, бу чараны тагын да кызыклырак һәм истә калырлык итте. Балалар шоколад турындагы белемнәрен күрсәтеп, сорауларга дәртләнеп җавап бирделәр. Танып-белү сәгате балаларга бик күп уңай эмоцияләр һәм яраткан тәм-том турында яңа белемнәр бүләк итте.

Олы Арташ авылында 10 нчы июльдә ачык һавада авыл клубы каршында "Драконны ничек ияләштерергә" дигән популяр мультфильм күрсәтелде. Балаларга бик ошады, чөнки җәйге кичтә саф һава суладылар, яраткан мультикларын карап рәхәтләнделәр һәм өстәвенә танып белү уеннарында уйнадылар. Тагын попкорн белән татлы мамык ашадылар. Бу бит супер! 

Цирк — ул балалар өчен бик кызыклы һәм мавыктыргыч урын! Анда һәрвакыт күңелле һәм кызыклы вакыйгалар була.
Клоуннар исә һәрвакыт көлдерә, аларның кызыклы киемнәре һәм шаяртуы балаларны елмайта. Аларның шаяртуы һәм күңелле уеннарында катнашырга һәркемнең теләге була.
Шулай итеп бүген исә Эзмэ мэдэният йортында "Браво" циркы булып узды. Балалар хәр бер чыгышны түземсезлек белән көттеләр. Башта Клоун чыгып балалар белән аралашты аннан фокусник төрледән-төрле кызыклы фокуслары белән балаларны шаккатырды. Соңыннан балаларны питон Альбинос хәм Игуана чыгышы сөендерде, кайсыбер балалар бу җәнлекләрне гомүмән беренче күрүләре шуңа да эмоцияләре эчләренә сыймады. Барлык балаларга да бик охшады! Чөнки Циркка бару — ул дуслар белән күңелле вакыт уздыру, яңа нәрсәләр өйрәнү һәм искиткеч мизгелләр белән бүлешү мөмкинлеге! Цирк — бу чыннан да сихри дөнья!

Чишмә - ул  табигатькә хас кыйммәтле әйбер, ул - җирдәге тормыш символы. Чишмәне яклау һәм кайгырту кирәк. Борынгы заманда җир асты чишмәсеннән су эчкән кеше Җирдән үз көчен ала дигән ышану булган. 5 нче июльдә Олы Арташ клуб мөдире балалар белән авыл чишмәсе буйлап сәяхәт үткәрде. Чишмә суының кайдан алынуын, чишмәләрнең ни өчен файдалы булуын һәм ни өчен чишмәләрне сакларга кирәклеген белү балаларга кызык иде. Алар чишмәнең ничек акканын күзәттеләр.  Мондый максатчан сәяхәтләрне оештыру су чыганакларына һәм туган якның табигатенә сакчыл мөнәсәбәт күрсәтергә мөмкинлек бирә, ә ел фасылларында табигатьнең матурлыгын һәм күптөрлелеген күзәтү балаларда күзәтергә, фикер йөртергә, фикер алышырга булыша. Чараның икенче өлешендә бергәләп ял иттеләр. Чара ахырында чишмәдән су эчтеләр һәм пикник ясадылар. 

10 июль көнне Иштуган мәдәният йорты һәм китапханә мөдирләре «Куркынычсызлык әлифбасы»дигән дәрес үткәрделәр. Урамнар һәм юллар балалар өчен куркынычсыз булсын өчен аларга юлларда үз-үзеңне тоту кагыйдәләре турында сөйләргә кирәк. Һәм, әлбәттә, юл хәрәкәте кагыйдәләре, юл билгеләре һәм башка нечкәлекләр турында сөйләргә. Алып баручы уен формасында балаларга юлдагы куркынычсызлык чаралары турында сөйләде, яшь катнашучыларга җәяүлеләр һәм пассажирларның бурычларын искә төшерде. Чара барышында балалар «юл», «Җәяүле», «җәяүлеләр кичүе», «светофор», «янгын сулыгы» кебек төшенчәләрне кабатладылар. Юл хәрәкәте кагыйдәләрен бозып, алар нинди хәлдә калырга мөмкин икәнен ачыкладылар. Малайлар һәм кызлар тематик уеннарда, табышмакларга, кроссвордларга җавап бирүдә актив катнаштылар.

10 нчы июль көнне Шәмәрдән мәдәният йорты хезмәткәрләре Балыкчылар көненә багышланган «Самый ловкий рыболов» дигән ял кичәсе оештырдылар. Чараны үткәрү урыны итеп үзенең матурлыгы белән җәлеп итүче Корсабаш авылының буасы сайланды. Катнашучылар, кармакларын һәм яхшы кәефләрен алып, яр буенда үз урыннарын алдылар. Көн дәвамында балыкчылар осталыкта һәм уңышта көч сынаштылар, һәрбер тотылган балыкка шатландылар. Биредә барысы да бер-берсе белән уңышлы тоту һәм җимләү серләре белән уртаклаштылар. Яшь балыкчылар өчен пикник оештырылды. Балык тоту барысына да дәрт, уңай эмоцияләр һәм табигатьтә яхшы ял бүләк итте.

9 июль көнне Килдебәк мәдәният йортында “Аждаһаны ничек өйрәтергә” дигән фильм күрсәтелде. Иккинг исемле карт викинг үзенең элекке маҗаралары һәм кабилә гореф-гадәтләре турында сөйли. Ул малай чагында, аждаһа телгә өйрәнгән вакытка чума. Тылсымлы дөньяны Крессида Коуэлл уйлап тапкан: бала чагында ул күп вакытын утрауда электрсыз һәм элемтәсез уздырган, шуңа күрә үзен рәсем ясау һәм тарихлар язу белән күңелен ачкан. Бу образлар фильм нигезенә салынган. Балалар әлеге фильмны сокланып карадылар.

9 нче июльдә Шәмәрдән мәдәният йорты территориясендә яшь рәссамнар өчен «Лето глазами детей» дигән асфальтка рәсем ясау конкурсы оештырылды. Чара балаларга үзләренең иҗади фантазиясен күрсәтү һәм җәйге тәэсирләрне якты рәсемнәрдә чагылдыру мөмкинлеге бирде. Конкурс башланганчы балалар белән җәйге вакытта куркынычсызлык кагыйдәләре турында танып белү әңгәмәсе үткәрелде. Һәр яшь катнашучы үзенең җәйге каникуллары турында теләп сөйләде, киләчәккә планнары белән уртаклашты. Конкурста катнашу балалар өчен иҗади күңел ачу гына түгел, ә аралашу һәм тәэсирләр белән уртаклашу мөмкинлеге булды. Әлеге конкурс барлык катнашучыларга күп уңай эмоцияләр һәм җәйге каникуллар турында якты истәлекләр бүләк итте.

8 июль көнне Сула авыл клубы мәйданында гаилә, мәхәббәт һәм тугрылык көненә багышланган «Ромашковое счастье» исемле бәйрәм концерты булды.Концерт Курсабаш мәдәният йорты белгечләре һәм китапханә мөдире белән берлектә оештырылды. Бу бәйрәмнең символы - гади кыр чәчәге-ромашка. Тыйнак булса да, ромашка җәй уртасындагы кояшны гәүдәләндерә. Ромашканың романтиклар чәчәге икәнен дә онытмаска кирәк. Русьта элек – электән ромашкада: «Ярата-яратмый», - дип пышылдый-пышылдый багалар иде. Ромашка күптән инде бәйрәмнең назлы символына әверелде. Һәм бу очраклы түгел: ап-ак таҗ яфраклары күңелне нечкәртә торган чисталыкны һәм назлылыкны гәүдәләндерә, ә чәчәкнең сары уртасы кояшка охшаган, кояшның җылысы таҗ яфракларын ныклы семьяга берләштерә. Шул сәбәпле ромашка Гаилә, мәхәббәт һәм тугрылык көненең алыштыргысыз атрибутына әверелде.Концерт барышында матур җырлар яңгырады, халык уеннары уйнатылды. Тамашачылар концерт программасыннан энергия алдылар, чын күңелдән ял иттеләр,