ЯҢАЛЫКЛАР

30 ноябрь көнне Шәмәрдән мәдәният йортында Халыкара Әниләр көненә багышланган «Иң тылы Наз – Ана назы» исемле бәйрәм концерты булды. Бәйрәм чарасын Шәмәрдән мәдәният йорты хезмәткәрләре Шәмәрдән китапханәләре, Мичәнбаш авыл мәдәният йорты мөдире һәм үзешчәннәр белән берлектә оештырдылар. Концертның беренче минутларыннан ук күңелле һәм сокланулы атмосфера барлыкка килде. Концерт «Бәби юу йоласы» театральләштерелгән куелышы белән башланып китте. Бәйрәм концерты күңелгә ятышлы җырлар, күңелгә үтеп керерлек шигырьләр, заманча биюләр белән үрелеп барды. Сәхнәдән әниләр турында җырлар, рәхмәт сүзләре, тормышыбызны җылылык, матурлык һәм кайгыртучанлык белән тутыручыларга теләкләр яңгырады.

Әниләр көне-иң якын кешегә тагын бер тапкыр мәхәббәт һәм рәхмәт сүзләрен әйтү, мәхәббәт, ананың юмарт йөрәге, кайгыртучан һәм ягымлы куллары өчен ихтирам күрсәтү өчен менә дигән сәбәп.Әни һәрвакыт безнең һәрберебез өчен иң якын кеше булды һәм шулай булып кала. Әни, әни! Без үзебезнең иң якын һәм иң яраткан кешебезне шулай дип атыйбыз. Һәрбер сабый әйтә торган беренче сүз - «Әни»сүзе.Бу бәйрәм алдыннан, 29 ноябрь көнне Иштуган мәдәният йорты белгечләре "Әни өчен открытка" ясау буенча мастер-класс үткәрделәр. Үз кулларыбыз белән ясалган открытка –яраткан әниләребез өчен искиткеч бүләк, чөнки ул үзендә җан кисәген һәм мәхәббәт тамчысын саклый. Мондый открытканы алу икеләтә күңеллерәк, ул җылылык һәм шатлык бүләк итү теләге белән эшләнгән! Балалар бәйрәмнең барлыкка килү тарихы белән таныштылар, чәчәкләр турындагы табышмакларга җаваплар таптылар. Открыткалар балалар өчен иң яраткан һәм кирәкле материалдан-кәгазьдән эшләнде. Балалар үз куллары белән әзерләнгән бүләкнең теләсә кайсы әни өчен аеруча үзенчәлекле булачагын беләләр, шуңа күрә бик тырыштылар.

24-25 ноябрь көннәрендә Алабуга мәдәният һәм сәнгать көллияте базасында «Яшь фольклорчы мәктәбе»республика практикумы семинары узды. Әлеге интенсив белем бирү программасы кысаларында Иштуган мәдәният йортының сәнгать җитәкчесе М.Т. Гайнетдинова хезмәттәшләре белән яңа эш методикаларына өйрәнде.

Семинарда катнашучыларга Идел буе фольклор мирасы дөньясына чума торган «Сабантуй» композициясе күрсәтелде. Аеруча игътибарны өч тематик күргәзмә җәлеп итте: «Татар халкының традицион костюмы», «Этнофото» һәм «Татарстан Республикасының чигелгән картасы». Катнашучыларга мәдәният учреждениеләрендәге социомәдәни эшчәнлек, халык сәнгать иҗаты, театр иҗаты, матди булмаган этномәдәни мирас һәм фольклор-этнографик экспедицияләр, башкару сәнгате һәм вокал осталыгына өйрәтү методикасы, заманча дизайндагы этник мотивлар һәм аларның социомәдәни эшчәнлеге.Бу дәресләр һәр катнашучының традицияләрен тирәнрәк өйрәнергә һәм иҗади потенциалын баетырга мөмкинлек бирде. Укулар барлык катнашучыларның да квалификация күтәрү турында таныклыклары алу белән тәмамланды.Моннан тыш, катнашучылар Липецк шәһәренең танылган «Воскресение» коллективы әзерләгән «Марфа Иванова» фольклор-этнографик спектакленең югары сыйфатлы куелышын бәяләделәр .Мондый чаралар безнең уртак рухи һәм мәдәни кыйммәтләребезне саклау һәм арттыру өчен ныклы нигезләр булдыруда төп роль уйный. Мондый мавыктыргыч һәм файдалы семинарда катнашу мөмкинлеге өчен безнең җитәкчелеккә зур рәхмәт.

29 ноябрь көнне Лесхоз мәдәният йортында китапханә белән берлектә Әниләр көненә багышланган "Йәгез әле, Әниләр! Йәгез әле, Кызлар!» дип исемләнгән уенлы конкурс программасы узды. Бу чара барлык авыл халкы өчен, бигрәк тә әниләр өчен чын бәйрәмгә әверелде, алар бу көнне бик күп җылы сүзләр һәм котлаулар ишеттеләр.

Катнашучылар тугыз конкурс этабында үзләренең сәләтләрен һәм осталыкларын күрсәттеләр: "Танышу", "Иң яхшы котлау", "Кулинария сәнгате", "кул эшләре", "Кадак как", "Мәкальне дәвам ит", "Дефиле" һ. б.

Залда җылы һәм уңайлы атмосфера хөкем сөрә иде. Һәр бәйге елмаю һәм көлү уятты, ә тамашачыларны актив җәлеп итү программаны чын-чынлап кызыклы һәм мавыктыргыч итте. Конкурслар арасындагы тәнәфесләрдә кунаклар иҗади номерлар – шигырьләр, җырлар белән ләззәтләнделәр.

Безнең әниләр - чын универсаллар! Алар артистлыклары, креативлыклары һәм осталыклары белән барысын да таң калдырдылар. Кызлар да бик акыллы булып чыктылар, тик тәҗрибәле әниләрдән бераз гына калыштылар. Бәйрәм программасы бүләкләр тапшыру һәм бәйрәм дискотекасы белән тәмамланды.

28 ноябрь көнне Эзмә мәдәният йортында Әниләр көненә багышланган «Әни мәхәббәте белән дөнья матур»дигән бәйрәм концерты булды. Әниләр көне – елның иң дулкынландыргыч бәйрәме, чөнки без барыбыз да балачактан күңелебездә бердәнбер һәм кабатланмас образны-үз әниебез образын йөртәбез. Бу бәйрәм көнендә Эзмә мәдәният йорты хезмәткәрләре, авылдашлары башкаруында сәхнәдән иң матур җырлар, биюләр яңгырады. Концертыбызда шулай ук Мичәнбаш авыл клубы хезмәткәрләре дә катнашты. Бәйрәм программасы кызыклы һәм төрле иде. Һәр чыгыш көчле алкышлар белән үрелеп барды.

28 ноябрь көнне Лесхоз мәдәният йортына кешелекнең гомуми бәласе-терроризмга багышланган квест-уенга Лесхоз урта мәктәбенең 2 класс укучылары чакырылды. Уен башланыр алдыннан балаларга ни өчен бу теманың бүген аеруча актуаль булуын аңлаттылар. Аннары барысы бергә террорчылыкка билгеләмә бирделәр һәм террорчыларның кемнәр икәнен, аларның максатлары нинди икәнен ачыкладылар.

Балалар квест-уенның барлык этапларында да мавыгып катнаштылар: «дөрес эшлә» тест-викторинасы сорауларына җавап бирделәр, «куркынычсызлык» кроссвордын чиштеләр, зыян күрүчеләргә беренче медицина ярдәме күрсәттеләр. «Телефон терроры» этабында янау очрагындагы гамәлләрне телефон аша (карточкаларда басылган) 2 төркемгә бүлделәр: «дөрес эшлим» һәм «шулай эшләргә ярамый» һәм «нәрсә яхшы, нәрсә начар» этабындагы мәгънәләре буенча сүзләрне ачыкладылар.

Укучылар уенның кызыклы, танып белүчән һәм файдалы булуын билгеләп үттеләр һәм педагог белән бергә үткәрелгән чара өчен мәдәният йорты һәм китапханә хезмәткәрләренә чын күңелдән рәхмәт белдерделәр. Ә без чараның оешкан, тыныч, катнашучылары төпле булуын билгеләп үттек.

Әгәр дә бәла-каза килеп чыкса, алар бүгенге квестны искә төшерә һәм барысын да дөрес эшли алырлар, үз гомерләрен һәм башка кешеләрнең гомерләрен саклап кала алырлар дип өметләнәбез. Ләкин тагын да күбрәк безнең беребезгә дә бу куркыныч бәла - террорчылык белән очрашырга туры килмәс дип ышанабыз.

25 ноябрь көнне Туктар авыл клубында Арташ авыл җирлегенең иҗат коллективлары һәм үзешчән башкаручыларның «Туган җиргә кайтты кайтмаганнар «Хәтер китабы»на төренеп» район фестивале кысаларында отчет концерты булды. Концерт прологтан башланды, анда сугыш башлануы, солдатларны сугышка озату күрсәтелде. 
Концерт барышында сугыш еллары җырлары, халкыбыз батырлыгына багышланган җырлар, шигырьләр һәм биюләр яңгырады, алар театральләштерелгән куелыш белән үрелеп барды.   
Концерт презентация, СВО катнашучыларының фотолары һәм видеоматериаллар белән үрелеп барды. Программаның финалында "Җиңү көне" җыры яңгырады. Зал, аягүрә басып, көчле алкышлар белән Җиңү гимнын җырлады.

    26 ноябрь көнне Эзмә мәдәният йортында «Әниемнең портреты»дип исемләнгән рәсем конкурсы булып узды. Традиция буенча ноябрьнең соңгы ял көнендә Россиядә Әниләр көне билгеләп үтелә. Әнинең куллары кебек җылы, ягымлы һәм назлы бәйрәм, ул беркемне дә битараф калдырмый. Бу бит якыннарыңа җылы сүзләр әйтергә тагын бер сәбәп. Бүген без әнинең портретын ясап карадык. Бу портрет-кеше сурәте генә түгел. Бу чиксез ана мәхәббәте, кайгыртучанлык һәм тугрылыкның гәүдәләнеше. Аңа карап, йөрәгебез җылылык һәм рәхмәт хисләре белән тула, чөнки безнең тормышта шундый гаҗәеп кеше – әни бар.

26 нче ноябрьдә Шәмәрдән авыл мәдәният йорты белгече А.И.Хузин балалар өчен «Танцуй свободно» исемле хореография мастер‑классы үткәрде. Чара барышында катнашучыларга заманча хореографиясенең төп элементлары күрсәтелде, техника һәм хәрәкәтләрнең нечкәлекләре аерым‑аерым аңлатылды. Балалар разминка ясадылар, координация күнегүләрен башкардылар һәм хореограф җитәкчелегендә кечкенә бию номерын репетицияләделәр. Мастер‑класс җылы һәм ярдәмчел атмосферада узды, һәр катнашучыга индивидуаль киңәшләр һәм төзәтмәләр бирелде. Дәрес нәтиҗәсендә балаларның координациясе яхшырды, сәхнә хәрәкәтләрендә ышаныч артты һәм яңа бию алымнарын үзләштерделәр. Дәрестән соң катнашучылар тәэсирләре белән уртаклашты һәм мөстәкыйль шөгыльләнү өчен киңәшләр алды.

23 ноябрьдә "Сәйлән" клуб берлэшмэсе вәкилләре безнең авыл клубының музей почмагында булдылар. Балалар өчен төрле экспозицияләр белән кызыклы һәм танып белү экскурсиясе үткәрелде. Аларга экскурсия ата-бабаларыбызның көнкүрешен аңларга һәм күрергә, музейның аерым экспонатлары турында кызыклы тарихлар белергә ярдәм итте. Балалар борынгы кисәү агачы, чуен, борынгы савыт-саба, көянтә, урак һ.б. белән таныштылар. Борынгы заман китә, әмма аны белергә һәм сакларга кирәк. Балаларны татар халык мәдәнияте чыганакларына тартып, без баланың шәхесен үстерәбез.

Балалар музейга барудан зур ләззәт алдылар. Күргән экспонатлардан бик күп тәэсирләр калды. Экскурсия тәмамлангач, балалар кызыклы сэяхэт өчен рәхмәт белдерделәр.

p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }