ЯҢАЛЫКЛАР
Көз-елның иң серле вакыты. Ул әкрен генә һәм сиздермичә генә якынлаша. Карлы һәм салкын кыш алдыннан һәркемгә үзенең соңгы җылы көннәрен һәм искиткеч мизгелләрен бүләк итә. 26 сентябрь көнне Ике басу Арташ мәдәният һәм авыл китапханәсе белән берлектә "Көзге күңел ачулар" күңел ачу - уен программасы елның шушы гаҗәеп чорына багышланды. Алып баручы көзгә кунакка барырга, аның матурлыгына сокланырга, аның нәрсәсе белән матур икәнен белергә тәкъдим итте. "Дождик" һәм" Листопад" командаларына бүленеп, катнашучылар кайчак табигатьтәге үзгәрешләр турында бик үк җиңел булмаган табышмакларны чиштеләр, "Көз буяулары" викторинасы сорауларына җавап бирделәр, "Әкияти яшелчә һәм җиләк-җимешләр"не чамаладылар. Программа дәвамында кызлар һәм малайлар аның актив катнашучылары булдылар,"Шишкобол", "Уңыш җыеп ал", "Гөрләвекләрне уз", "Уңышны ташы", "Балык тоту "кебек хәрәкәтчән уеннарда һәм конкурсларда катнаштылар. Конкурслар гади генә булмаса да, балалар тырыштылар һәм биремне үтәделәр. Балалар өчен бу истә калырлык, шатлыклы һәм якты күңел ачу, ул аларга көз турында ел фасылы буларак күзаллауларны ныгытырга ярдәм итә. Чара дәвамында уңай эмоциональ кәеф күзәтелде, барлык балалар да бик күп күңелле тәэсирләр алды. Чарага "Көз китап битләрендә"дип исемләнгән китап күргәзмәсе әзерләнгән иде. Күргәзмәдә көз турында шигырьләр, хикәяләр, әкиятләр җыентыклары тәкъдим ителгән. Елның нәкъ менә шушы фасылына күп кенә шагыйрьләр соклана һәм һәркем аны үз әсәрләрендә үзенчә тасвирлый.
25 октябрь көнне Эзмә мәдәният йортында Закир Шаһбанның "сиңә атап яздым"исемле концерты булды. Концерт программасында шулай ук Алия Исрафилова һәм күп кенә танылган җырлар авторы Гөлүсә Шахбан катнашты.
100 ел элек барлыкка килгән йон акварель хәзерге вакытта бик популяр булып киткән-ул тәҗрибәле осталарга югары дәрәҗә күрсәтергә мөмкинлек бирә, ә башлап җибәрүчеләр өчен гаҗәеп иҗади офыкларны ача. Гаҗәп, ләкин йоннан ясалган сурәт төсләрнең һәм төсмерләрнең салмак агышы белән матур эш кебек күренергә сәләтле. Йон акварель-җепселләрне катламлап җәю техникасы шундый эффект бирә, нәтиҗәдә фактуралы рәсем барлыкка килә. 25 октябрь көнне Иштуган мәдәният йорты белгечләре «Йоннан рәсем ясау» буенча мастер-класс үткәрделәр. Белгечләр картинаны ясау техникасын сөйләделәр һәм күрсәттеләр. Картиналар коры йонны катламлап тукымага салу юлы белән ясала, аннары пыяла белән ябыла. Авырлык астында йон катламнары тигезләнә,басыла, һәм картиналар җанлы ,төсле булып чыга, күләмле һәм якты күренә! Теләсә нинди хатаны төзәтеп була. Әзер эшләр сезнең өегезгә шатлык, җылылык, туганнарыгызга һәм якыннарыгызга матур кәеф бүләк итәчәк, һәр бәйрәмдә сөйгәннәрегез өчен гадәти булмаган һәм күңелгә хуш килгән бүләк булачак!
25 октябрь-Ике басу Арташ мәдәният йорты хезмәткәрләре туган якны өйрәнү музее буйлап «Борынгылыкны хәтерлибез һәм хөрмәт итәбез" дип исемләнгән экскурсия үткәрделәр. Ул Ике басу Арташ авылы һәм аның тирәсендәге Олы Арташ, Чабья -Чурча, Олы Нырты авыллары, XlX гасыр ахыры - XX гасыр башы крестьяннарының күпсанлы тормыш һәм көнкүреш әйберләрен саклау урынын үти. Музей Туган якны өйрәнү крестьяннарның көнкүреше, гореф-гадәтләре, аш-сулары, безнең төбәк халкының костюмнары белән танышу максатында оештырылды.
Биредә авыл халкының көнкүреш, мәдәният әйберләре : борынгы җиһазлар, кием-салым, кухня кирәк-яраклары, авыл һөнәрчелеге әйберләре урнаштырылган. Барлыгы 300дән артык экспонат тәкъдим ителгән, барлык экспонатлар да чын. Филиал мөдире Олы Нырты авылыннан килгән якташларына музейның ничек төзелүе, экспонатларның кайчан һәм кем тарафыннан сатып алынуы турында сөйләде. СССРда туган һәм үскән безнең буын өчен бу экспонатлар кадерле һәм йөрәккә якын. Чөнки алар безнең балачагыбызны, яшьлегебезне, әти-әниебез белән гади, уңайлы крестьян өендә яшәгән елларыбызны искә төшерәләр.Музей кунаклары тәкъдим ителгән әйберләрне күреп кенә калмадылар, аларны кулларында тотып карый алдылар, шулай ук һәр экспонат турында тәфсилле хикәя дә ишеттеләр. Кунакларның берсе дә буш кул белән килмәде, һәрберсенең кулында музей өчен кыйммәтле экспонатлар бар иде. Һәрбер кызыксынучыны безнең музейга көтәбез. Матур, якты татар өенә-чын татар кунакчыллыгы һәм игелеклелеге атмосферасына рәхим итегез.
Толерантлык-илдә, гаиләдә, мәктәптә, сыйныфта тыныч һәм тату яшәүче шәхеснең мәдәни юнәлеше, мөнәсәбәте. Димәк, бу һәркемдә җаваплылык, яхшылык теләү, сабырлык, түземлелек кебек сыйфатларның булуын күздә тота.25 октябрь көнне Ике басу Арташ мәдәният йорты хезмәткәрләре һәм авыл китапханәсе берлектә "Тынычлыкка юл толерантлыгы»темасына түгәрәк өстәл һәм профилактик әңгәмә үткәрде. Укучыларны толерантлык төшенчәсе, толерант һәм интолерант шәхеснең төп сыйфатлары белән таныштырдылар. Күп мисаллар китердек әңгәмәне гомумиләштереп без шундый нәтиҗәгә килдек. Кешеләр белән аралашуда иң мөһиме - түземлелек, хөрмәт; без тормышта нинди генә роль уйнамасак та, һәр ситуациядә, барыннан да элек, кеше булып калырга кирәк.
25 октябрь көнне Лесхоз мәдәният йорты хезмәткәрләре Килдебәк авылының 10 сыйныф укучылары өчен «Тылсымлы кыңгырау» туристик маршруты буенча чираттагы экскурсия оештырдылар. Балалар беренче эш итеп "Кыңгырау" музеенда булдылар. Камыр ризыклары белән татлы чәй, агач солонкаларга рәсем ясау буенча мастер класс, Ник Вуйчич белән кыска метражлы фильм карау туристларга ошады. Алар күргәннәреннән бик канәгать калдылар, бик күп кызыклы нәрсәләр ишеттеләр, бик яхшы вакыт үткәрделәр.
25 октябрь көнне Шәмәрдән мәдәният йортында Шәмәрдән «Рост» лицее укучылары өчен сәяси репрессия корбаннарын искә алу көненә багышланган «Яралы язмышлар» хәтер кичәсе булып узды. Хәтер кичәсе Шәмәрдән мәдәният йорты белгечләре, Шәмәрдән модель һәм балалар китапханәсе хезмәткәрләре көче белән оештырылды. Чара тамашачылар өчен үткәндәге вакыйгаларны кабат тудырган катлаулы вакытлар турындагы театраль постановкадан башланды. Куелыш тарихи документларны күрсәтү белән үрелеп барды. Эчтәлекле докладлар һәм документаль видеоматериаллар күрсәтү тамашачыларга Сәяси репрессияләрнең күп аспектларын ачты. Кичә сәяси репрессия корбаннарын искә алырга һәм тарихи дөреслекне саклауга тагын бер адым ясарга мөмкинлек бирде.
25 октябрь көнне Шәмәрдән мәдәният йорты белгече «Теремәк» балалар бакчасының кече төркеме өчен «Здоровое будущее» исемле кызыклы һәм сәламәтлек сәгате үткәрде. Балалар сәламәт яшәү рәвешенең мөһимлеге, дөрес туклану һәм физик күнегүләр турында бик теләп белделәр. Белгеч кызыклы һәм аңлаешлы формада балаларга көн саен җиләк-җимеш һәм яшелчәләр ашау, саф һавада уйнау һәм спорт белән шөгыльләнүнең мөһимлеге турында сөйләде. Балалар алган белемнәрен ныгытырга һәм сәламәт яшәү рәвешенә уңай мөнәсәбәт формалаштырырга ярдәм иткән күңелле уеннарда һәм конкурсларда катнаштылар. Сәламәтлек сәгате күңелле һәм позитив атмосферада узды, балаларда якты тәэсирләр һәм яхшы яшәргә теләк калдырды.
24 октябрь көнне Шәмәрдән мәдәният йорты хезмәткәрләре, үзешчәннәр һәм «Тулган ай» фольклор коллективы белән берлектә, «Балкыш» социаль-тернәкләндерү үзәгендә ял итүчеләр өчен «Очрашу мизгеле күңелле» дигән концерт куйдылар. Концертта бик матур җырлар, шигырьләр яңгырады. Бу чыгышлар өлкәннәрнең күңелен нечкәртте, тамашачылар рәхәтләнеп җырладылар һәм кул чаптылар. Концерт тамашачыларда уңай тәэсир калдырды. Проблемалар турында онытып һәм күңелләре белән ял итеп, барысы да бик күп уңай хис-кичерешләр алды.
24 октября Шәмәрдән мәйдәният йорты белгече Шәмәрдән лицеенда укучы балалар өчен өчен «Антитеррор!!!» дип исемләнгән фильм күрсәтү оештырды. Чара барышында балаларга террорчылык актларының тарихи мисаллары китерелде, бу укучыларга проблеманың җитдилеген яхшырак аңларга ярдәм итте. Шулай ук экстремизмны булдырмау ысуллары һәм куркынычсызлыкка аңлы мөнәсәбәтнең әһәмияте турында фикер алыштылар. Укучылар фикер алышуда актив катнаштылар, сораулар бирделәр һәм куркынычсыз җәмгыять булдыру турында үз фикерләре белән уртаклаштылар. Бу чара укучылар өчен террорчылыкка һәм экстремизмга каршы көрәштә бердәмлекнең мөһимлеген ассызыклады.