ЯҢАЛЫКЛАР

26 апрель - Радиацион һаләкәтләр шаукымын бетерүдә катнашучылар һәм шул һаләкәт корбаннарын искә алу көне. Шул уңайдан 23 апрель көнне Югары Шытсу мәдәният йортында китапханә белән берлектә “Чернобыль – төзәлмәс яра” дигән батырлык сәгате үтте. Балалар Чернобыль һаләкәте шаукымын бетерүдә 1986 – 1989 елларда 834 меңнән артык кеше катнашканын, ул геройлар турында китаплар, җырлар, һәйкәлләр барлыгы турында белделәр.  Шулай ук атом бәласе белән беренчеләрдән булып көрәшкә чыккан 28 янгын сүндерүченең исемнәре белән таныштылар. Чара ахырында тематик презентация күрсәтелде. 

Габдулла Тукай үзенең иҗаты белән үзенең исемен мәңгеләштергән, ә аның шигырьләрен бүген дә олылар да, балалар да яратып укыйлар. Кечкенәдән алып олы яшькә кадәр кешенең бөтен тормышы тел белән тыгыз бәйләнгән, бу милләтнең иң мөһим билгесе булып тора, ул милләтнең тарихы һәм мәдәнияте, гореф-гадәтләре турындагы мәгълүматларны буыннан-буынга саклый һәм тапшыра. 25 апрель көнне Иштуган мәдәният йорты белгечләре Г.Тукайның «Тукай безнең күңелләрдә»шигърият бәйрәме үткәрделәр.Балаларга шагыйрьнең авыр балачагы, тормыш юлы, иҗаты турында сөйләделәр.Кечкенә артистлар бөек шагыйрьнең шигырьләрен сөйләделәр, аның сүзләренә язылган җырлар җырладылар. "Тукай әкиятләрен уйныйбыз"дип аталган  инсценировка чараның үзенчәлеге булды.Чара катнашучылар башкаруында язучының «И туган тел, и матур тел» җыры белән тәмамланды.

25 апрельдә Арча районының Сеҗе мәдәният йортында Фоат Садриев пьесасы буенча "Җәмиләнен женлэнуе" спектакле күрсәтелде. Спектакльне Сулэ авыл клубы, Курсабаш авыл мәдәният йортлары, китапханә хезмәткәрләре үзешчәннәр белән берлектә әзерләп куйдылар. Үзешчәннәр җылы каршы алулары һәм алкышлары өчен тамашачыларга бик рәхмәтле булдылар.

25 апрель көнне Олыяз мәдәният йорты һәм китапханә мөдирләре татар шагыйре Габдулла Тукайның тууына 140 ел тулуга багышланган «Безнең Тукай» әдәби– шигъри сәгате үткәрделәр. Китапханәче шагыйрьнең авыр балачагы, иҗат юлы турында сөйләде, китаплары белән таныштырды. Шагыйрьнең тормышы турындагы фактларны белү буенча викторина уздырдык. Аннары балалар иҗади рәвештә шигырьләр сөйләделәр, туган телгә, туган якка, аның табигатенә мәхәббәтне данладылар, Г.Тукай сүзләренә җырлар башкардылар. Шулай ук күренекле татар шагыйре Габдулла Тукайның тууына 140 ел тулуга багышланган «Талантлы балачак» IV район балалар һәм яшүсмерләр иҗаты фестиваль-конкурсына әзерлек кысаларында шагыйрь әсәрләре буенча ясаган үзләренең рәсемнәрен күрсәтеп үттеләр катнашучылар. «Хөснулла һәм Аллагияр Вәлиуллиннар» исемендәге Саба балалар сәнгать мәктәбе һәм Саба районы мәдәният бүлеге белән берлектә үткәрелгән  конкурсының нәтиҗәләре буенча хөрмәтләү тантанасында  катнаша алмау сәбәпле ,Габдулла Тукай исемендәге паркта узган чарада катнашучыларыбызга дипломнар тапшырдык.

Чара паркта хәрәкәтчән уеннар белән тәмамланды. Балалар  бүгенге бай программага сөенделәр һәм бик күп уңай хис-кичерешләр алдылар.

Җирле үзидарә көне алдыннан 21 апрель көнне Язлы Арташ авыл клубында Олы Нырты авыл мәдәният йорты , авыл китапханәсе, шулай ук Чабья Чурчи клубы  белән берлектә - « Җирле үзидарә кичә һәм бүген " мәгълүмат сәгате уздырды. Россиядә Җирле үзидарәнең барлыкка килү һәм үсеш тарихы , аның принциплары турында сөйләде.Чакырылган кунаклар муниципаль хезмәт ветераннары Сабитова Эльфия апа һәм Якупова Вәсимә апа муниципаль хакимиятнең нинди роль уйнавын , аларның нинди эш алып баруын, җирле үзидарә системасының ничек төзелүен сөйләделәр.Бу кешеләр авыл җирлеге үсешенә бәяләп бетергесез өлеш керттеләр. Җирле үзидарәдә эшләү - ул вазыйфа гына түгел , ә кешеләргә чын - чынлап хезмәт итү, ул үз эшенә чын күңелдән бирелгәнлекне таләп итә", - диделәр муниципаль хезмәт ветераннары.

24 апрель көнне Иштуган мәдәният йорты белгечләре татар телендә белемне тикшерү буенча "Татарча диктант-2026"бөтендөнья белем бирү акциясендә катнаштылар. Диктантның темасы Бөек татар шагыйре Габдулла Тукайның «Бәхет»әсәреннән өзек булды. Акциянең максаты-татар теленә һәм мәдәниятенә игътибарны җәлеп итү, бөтен дөнья буйлап татарларны берләштерү. Акция тел белемен тикшерергә һәм туган татар теленә мәхәббәт тәрбияләргә мөмкинлек бирә. Диктант язуда теләгән һәркем үз көчен сынап карый алды. Ел саен үткәрелә торган "Татарча диктант" акциясе дөрес язуны, әдәби татар телен белүне арттыруга, орфографик һәм грамматик хаталарның үз-үзен тикшерүгә юнәлдерелгән. Акциядә катнашучыларга рәхмәт хатлары тапшырылды.

23 апрель көнне Иштуган мәдәният йорты белгечләре Лесхоз мәдәният йортына «Кызлар капкыны»спектакленә культпоход оештырдылар. Бу чара поселокта яшәүчеләрне дуслары белән кичне үткәрергә һәм сәнгатьтән ләззәт алырга теләүчеләрне җыйды .Бу юлы тамашачыларга үзенең мавыктыргыч сюжет линиясе һәм якты персонажлары белән игътибарны җәлеп иткән комедияне күрү мөмкинлеге булды. Спектакльдән соң тамашачылар актерларның уйнавыннан һәм аларның осталыгыннан тәэсирләнеп калдылар. Комедия барысына да онытылмаслык хис-кичерешләр һәм уңай тәэсирләр бүләк итте.Мондый дөньяга чыгу мәдәни вакыйгага гына түгел, ә аралашу өчен менә дигән мөмкинлеккә дә әверелде, бу, һичшиксез, бистәнең мәдәни тормышын үстерүгә ярдәм итә. Мондый чаралар традициягә әверелер һәм халыкны тагын бер тапкыр сөендерер дип өметләнәбез!

24 апрель көнне бөтен дөнья «Татарча диктант» акциясендә катнаша. Чара бөек татар шагыйре Габдулла Тукайның тууына 140 ел тулуга багышланган. Акциянең максаты – татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Һәр теләгән кеше, диктант язуда катнашып, татар телен белү дәрәҗәсен тикшереп карый алды. Әлеге акцияда Шәмәрдән авыл, балалар китапханәләре, Шәмәрдән мәдәният йорты хезмәткәрләре катнашты. 2026 елда акциядә катнашучыларның барысын да, көненә һәм кайда катнашуына карамастан, татар әдәбиятының иң танылган шигырьләренең берсе — «И туган тел» тексты көтә иде, ә бүгенге акциядә катнашучылар Габдулла Тукайның «Бәхет» текстыннан өзек яздылар.

24 апрель көнне Шәмәрдән мәдәният йорты хезмәткәрләре бөек татар шагыйренең тууына 140 ел тулуга багышланган «Путешествие по страницам Тукая» исемле әдәби сәгать оештырдылар. Юбилей датасы гадәти очрашуны якты бәйрәмгә әйләндерде, анда яшь катнашучыларның таланты һәм турыдан-туры булуы аркасында китап битләре җанланды. Чара программасы иҗат атмосферасы һәм Г.Тукай мирасына тирән хөрмәт белән тулыландырылды. Очрашу «татар поэзиясе кояшы»ның тормыш юлы турында сөйләүдән башланды. Балалар шагыйрьнең Кырлайдагы балачагы, әкиятләргә булган мәхәббәте, милли мәдәниятнең нигезе булган әсәрләренең аның каләме астыннан ничек чыгуы турында белделәр. Тукай шигырьләрен уку залны үзенә бертөрле ритм һәм туган тел моңы белән тутырды. Әкиятләрне сәхнәләштерү сәгатьнең төп үзенчәлеге булды. Балалар юлларны укып кына калмадылар, алар Тукайның яраткан персонажларына әверелделәр. Милли костюм элементлары һәм ихлас уен ярдәмендә тамашачылар күз алдында таныш образлар җанланды. Битләрнең бу җанлануы балаларга геройларның характерын, аларның юморын һәм автор салган халык зирәклеген яхшырак тоярга мөмкинлек бирде. Инсценировкалар арасындагы тәнәфесләрдә балалар һәр әкиятнең әхлагы турында фикер алыштылар, яхшылык һәм яманлык, акыл көче һәм намуслылык турында уйландылар. Әдәби сәгать тере аралашу өчен пространствога әверелде, анда һәр бала персонажларның гамәлләренә үз мөнәсәбәтен әйтә алды.

Бүген, 23 апрель көнне, Лесхоз мәдәният йорты сәхнәсе кабаттан гөрләде. Данил Салиховның "Кызлар капкыны" дип исемләнгән 2 пәрдәлек комедиясе зур уңыш белән кабаттан куелды. Кызык эчтәлекне комедияне карарга бүген икенче тапкыр килүчеләр дә күп иде. Тамашачының көчле алкышлары, җылы сүзләре - тагын бер кат спектаклебезнең уңышка ирешүен раслый. Безне якын итеп килгән тамашачыларга, шулай ук янәдән үз сәхнәбездә чыгыш ясар өчен,  халыкны җыярга мөмкинлек биргән җитәкчелегебезгә зур рәхмәтебезне белдерәбез!