ЯҢАЛЫКЛАР

  28 апрель – Бөтендөнья хезмәтне саклау көне. Бу көн Халыкара хезмәт оешмасының карары нигезендә 2001 елдан билгеләп үтелә. Шул уңайдан 26 апрельдә Югары Шытсу мәдәният йортында “Хезмәтне саклау – безнең тормыш, безнең сәламәтлек” дигән интеллектуаль викторина үткәрелде. Чара барышында катнашучылар куркынычсызлык кагыйдәләрен, куркыныч зур булган биналарда үзеңне ничек тоту турында исләренә төшерделәр. Шулай ук мәдәният йортларында, спорт залларында хезмәтне саклау белән танышуны дәвам иттеләр, розетка, яктылык чыганаклары, техника булган бүлмәләрдәге куркынычсызлык турында тыңладылар. Соңыннан балалар тематик интеллектуаль викторина сорауларына җавап бирделәр. 

27 апрель көнне Шәмәрдән мәдәният йорты хезмәткәрләре «Тулган ай» фольклор коллективы белән берлектә «Чаба, чаба гомер аты...» дигән концерт оештырдылар. Бу чара «Балкыш» социаль-тернәкләндерү үзәгендә ял итүчеләр өчен үткәрелде. Алып баручы кыскача фольклор мирасы, «Чаба, чаба гомер аты...» концерты атамасының мәгънәсе турында сөйләде. Чара барышында күңелгә үтеп керерлек шигырьләр, күңел җырлары, гармун җырлары яңгырады. Үзәк вәкилләре һәм берничә кунак катнашучыларга җылы сүзләр әйттеләр, концертның килүчеләрнең эмоциональ халәтенә уңай йогынты ясавын билгеләп үттеләр. Концерт гомуми саубуллашу көйләре һәм үзара сәламәтлек һәм иминлек теләүләр белән тәмамланды.

26 апрель көнне Шекше мәдәният йортында Лесхоз мәдәният йорты һәм үзешчәннәр  тарафыннан Д. Салиховның "Кызлар капкыны" дип исемләнгән 2 пәрдәлек комедиясе күрсәтелде. 

26 нчы апрель көнне Олы Арташ авыл клубы мөдире балаларга ачык дәрес аша Чернобыль фаҗигасе турында сөйләде, янгын сүндерүчеләр, экологик нәтиҗәләр һәм куркынычсызлык кагыйдәләрен үтәүнең мөһимлегенә игътибарны юнәлтте. Төп максат - кызгану хисен тәрбияләү һәм табигатькә сакчыл караш тәрбияләү, шул ук вакытта артык куркыныч детальләрдән качу. 1986 елның 26 апрелендә Чернобыль АЭСында (Припять ш. янында) шартлау була, бу радиоактив матдәләр чыгаруга китерә. Шулай ук, радиация куркынычы турында белмичә, беренче булып һөҗүм иткән янгын сүндерүчеләр, масштаблы һәлакәтне булдырмый калган ликвидаторлар турында да мәгълүмат бирде. 

Габдулла Тукай татар әдәбияты тарихына милли поэзиягә нигез салган һәм аның классик стилен тудырган бөек шагыйрь буларак кереп кала. Кыска гына гомер кичергәннән соң, Тукай гаять зур мирас калдыра, аның яртысын диярлек балалар әдәбияты алып тора. Туган телгә, туган якка, аның табигатенә мәхәббәт Тукайның сөйләгән балалар шигырьләреннән һәм әкиятләреннән туа. Аның әсәрләре балаларны хезмәткә өйрәтә, игелекле, намуслы, акыллы, гадел булырга өйрәтә.Бу истәлекле көнне, 26 апрель көнне, Сулэ авыл клубында шагыйрьнең туган көненә багышланган "Тукай безнен йорэклэрдэ" исемле әдәби кичә үткәрелде. Чара барышында укучылар Тукай шигырьләрен укыдылар, аның әсәрләрен сәхнәләштерделәр.

Татар халкы үзенең бөек шагыйре Габдулла Тукайны онытмый. Ел саен 26 апрельдә аның туган көнен билгеләп үтә. Быел, яраткан язучыбызның 140 еллыгы уңаеннан, балаларда Г.Тукайның иҗатына кызыксыну тәрбияләү максатыннан, Лесхоз мәдәният йортында "Тукай-милләтем горурлыгы" дип исемләнгән әдәби кичә оештырылды. Кичә, балалар башкаруында, "Бәйрәм бүген" җыры белән башланып китте. Тамашачылар һәм катнашучылар зур кызыксыну белән шагыйрьнең биографиясе белән таныштылар, аның балачагы һәм әдәбиятка юллары турында күп яңалыклар белделәр. Балалар чыгышы бәйрәмнең иң якты мизгеле булды, алар шагыйрьнең танылган әсәрләрен тәкъдим иттеләр. "Шүрәле" һәм "Су анасы" кебек әкият геройлары белән уеннар уйнадылар. Кичә Тукайның «Туган тел» җыры белән тәмамланды. Менә инде бер гасыр дәвамында ул телләрдән төшмичә укыла, ничәмә-ничә буын әлеге искиткеч гүзәл үрнәк тәэсирендә тәрбияләнә hәм киләчәктә дә тәрбияләнер. Гомумән алганда, безнең бөтен әдәбиятыбыз гына түгел, милли сәнгатебезнең төрле жанрлары да Габдулла Тукай исеменә барып тоташа. Тукай чын мәгънәсендә татар милләтенең горурлыгы, йөзек кашы. Чара йомгагы булып, бәйрәмдә актив катнашучылар Мактау кәгазьләре белән бүләкләнде.

26 апрель көнне Сулэ авыл клубында Чернобыль АЭСындагы һәлакәтнең 40 еллыгына багышланган «Тормыш яшәргә кирәк " дигән әңгәмә уздырдылар.Чараны алып баручы катнашучыларга 1986 елның 26 апрелендә Чернобыль АЭСында булган һәлакәтнең дөнья тарихына XX гасырның иң эре экологик фаҗигасе буларак кереп калуы турындагы мәгълүматны җиткерде.
Чарада катнашучылар коточкыч һәлакәт тарихы белән таныштылар, гомумән ликвидаторларның һәм якташларыбызның батырлыклары турында сөйләүләрен ишеттеләр, шул фаҗигале көн вакыйгаларының хроникасын күрделәр. Катнашучылар җимерелү масштаблары, шартлауның кешеләр сәламәтлегенә һәм табигать торышына йогынтысы, шулай ук куркыныч зонадан халыкны катлаулы эвакуацияләү турында белделәр.

26 апрель көнне Шәмәрдән мәдәният йортында Зөлфирә һәм Алмаз Мирзаяновларның концерты булды. Концерт авыл халкы өчен чын бәйрәмгә әверелде. Зал тулы, атмосфера шатлык һәм көтү белән тулган иде. Үзләренең талантлары һәм матур чыгышлары белән танылган җырчылар җирле халыкның гына түгел, күрше авыллардан килгән кунакларның да игътибарын җәлеп итте. Зөлфирә үзенең моңлы тавышы һәм харизмасы белән тамашачыларны җырларга һәм биергә мәҗбүр иткән бик күп яраткан җырларын башкарды. Алмаз, көчле вокалга һәм артистлыкка ия булып, шулай ук тамашачыларны үзенең хитлары белән сөендерде. Кичә ахырында тамашачылар, онытылмас кичә өчен рәхмәтләрен белдереп, артистларны озаклап җибәрмәделәр.

26 апрель көнне Чернобыль атом электростанциясендә булган авариягә 40 ел тула. Шул унайдан, 25 апрель көнне Чабья-Чурчи авыл клубында Олы Нырты авыл китапханәсе белән берлектә, чернобльчелэрнен тол хатыннары Шигабиева Эльза һәм Гыйззәтова Сәймә катнашында  «Чернобыль-төзәлмәс яра» дигэн хәтер сәгате үткәрелде. Клуб мөдире Шиһабиев Р.Р. Чернобыль АЭСындагы авария масштаблары турында сөйләде, алар кеше эшчәнлегенең мөмкин булган нәтиҗәләре турында, фаҗига урынында радиация пычрануларын бетерү буенча эшләр турында анлатып китте. Авария нәтиҗәсендә һәлак булган корбаннарны һәм ликвидаторларны бер минут тынлык белән искә алдылар. Алып баручылар яшь буынга 40 ел элек булган фаҗигале вакыйгаларны һәм аларның нәтиҗәләрен искә төшерделәр, Чернобыль фаҗигасе турындагы тарихи хәтерне саклауның мөһимлеген ассызыкладылар. Һәлакәт нәтиҗәләренә каршы үзләрен кызганмыйча көрәшкәннэргэ аерым рәхмәт сүзләре җиткерелде. Чернобыль язмышларын мәңгегә үзгәрткән кешеләрнең батырлыгы һәм фидакарьлеге билгеләп үтелде.  Авария нәтиҗәләрен ликвидацияләүдә катнашкан авылдашларының оныклары һәм күршеләре аларны искә төшерделәр һәм гади кешеләрнең батырлыгы турында сөйләделәр. 

   Бөек татар шагыйре Г.Тукайның тууына 140 ел тулуга 25 апрельдә Югары Шытсу мәдәният йорты хезмәткәрләре китапханәче белән берлектә               «Шигърият дөньясында» дигән тематик кичә үткәрделәр. Кичәнең беренче өлешендә Г.Тукай сүзләренә язылган җырлар, шигырьләр яңгырады, әсәрләре сәхнәләштерелде, тематик күргәзмә белән танышылды. Икенче өлеш “Тәрҗемә ит” уены белән башланып китте. Катнашучылар 3 тур үтте. Чарада катнашучылар шагыйрь һәм туган тел турында күп кенә кызыклы һәм файдалы мәгълүмат тупладылар. Кичә “Туган тел” җыры белән тәмамланды.