ЯҢАЛЫКЛАР
18 сентябрьдә Байлар Сабасының үзәк мәйданында «Кабак бәйрәме - 2025» үткәрелде. Кабак бәйрәме күп кенә коллективларның ныклы әзерлеге нәтиҗәсендә районда ел саен югары дәрәҗәдә уза. Кабак эшләнмәләре, композицияләр ел саен искиткеч, кеше фантазиясенең чиксезлеген күрсәтә. Бу бәйгедә Олы Нырты мәдәният йорты һәм китапханәсе, Чабья-Чурчи, Урта Нырты авыл клублары хезмәткәрләре бергәләп чыгыш ясады. Мәдәният хезмәткәрләре халыкка "Кичке утыру"йоласын тәкъдим иттеләр. Кабактан ясалган тәмле ризыклар, соклар, вареньелар, матур композицияләр һәм көзге фотозона барысын да сөендерде. Без "Иң матур композиция" номинациясендә 3 нче урынны алдык һәм акчалата призга лаек булдык.Шулай ук агитбригадалар чыгышында кабак турында такмаклар җырлап, акчалата приз алдык. Бу искиткеч бәйрәм күңелләребездә җылы тәэсирләр калдырды.
29 майда сугыш ветераны, Саба районының Чабья— Чурчи авылында туып-үскән академик Ә.Кәримуллинның тууына 100 ел тулды. Ул Курск дугасындагы сугышларда катнашкан, Украина, Венгрия, Чехословакия, Румынияне азат итү өчен көрәшкән. Аннары Ерак Көнчыгышка җибәрелә. Өч тапкыр яраланган һәм контузияләнгән, 1 дәрәҗә «Ватан сугышы» ордены, медальләр, шул исәптән ике тапкыр «Батырлык өчен» ордены белән бүләкләнгән. Ватанны саклаучылар елы кысаларында һәм Ә.Кәримуллинның тууына 100 ел тулу уңаеннан 9 сентябрьдә клубта « Туган җирем Герое» дигэн тематик сәгать узды, клуб мөдире җыелучыларны А.Кәримуллин биографиясенең героик битләре белән таныштырды. Чарага әзерләнгән күргәзмәдә академик турындагы китаплар һәм фотосурәтләр авылдашларында зур кызыксыну уятты.
3 сентябрьдә илебездә террорчылыкка каршы көрәштә теләктәшлек көне билгеләп үтелә. Ел саен бу көнне террорчылык агрессиясе корбаннарын искә алалар. Бесландагы теракт Россия тарихында иң масштаблы һәм кешелексез терактларның берсе булды. 3 сентябрьдә Чабья-Чурчи авыл клубында «Күккә фәрештәләр күтәрелде» исеме астында террор корбаннарын искә алу сәгате уздырылды. Чарага «Терроризмга юк дибез» динэн иллюстратив күргәзмәсе әзерләнгән иде. Шиһабиева Ф. А. балаларга Бесланның коточкыч фаҗигасе турында сөйләде, шулай ук «Фәрештәләр шәһәре» видеоролигы күрсәтелде, Анда ул көннәрнең коточкыч вакыйгалары турында сөйләнелә.
Татарстан Республикасы көне-барлык халыкның тотрыклылыгын һәм иминлеген тәэмин итә алырлык тыныч хезмәткә өмет бәйрәме. 28 августта Чабья-Чурчи авылында "Татарстанда җәй" проекты кысаларында, шулай ук Татарстан Республикасы көне уңаеннан Олы Нырты мәдәният йорты һәм китапханәсе, Язлы Арташ, Урта Нырты авыл клублары белән берлектә «Татарстан-туган җирем» дигэн концерт булды. Тамашачыларга җырлар, биюләр, шигырьләр тәкъдим ителде. Концерт программасы күбрәк иске һәм яхшы дусларның дусларча очрашуын хәтерләтте .Авыл халкы концерттан бик канәгать калды һәм алкышлар белән әлеге концертны оештыручыларга һәм анда катнашучыларга рәхмәт белдерде
24 августта Язлы Арташ авылында « Татарстанда җәй» проекты кысаларында « Җыр керсен күңелгә» дигән урам концерты булды . Концерт Олы Нырты мәдәният йорты һәм китапханәсе, Чабья - Чурчи һәм Урта Ныртын клублары хезмәткәрләре катнашында узды . Чара барышында матур җырлар яңгырады, дәртле биюләр башкарылды, уеннар һәм призлы конкурслар уткэрелде. Артистлар тамашачыларга үзләренең осталыкларын, матур кәефләрен бүләк иттеләр. Тамашачылар аларны көчле алкышлар белән бүләкләде . Авыл халкы һәм кунаклары чын күңелдән ял иттеләр , олы рәхмәтләрен белдерделәр
«Көтелгән кунак» - очрашу
Шагыйрь белән очрашу - һәрвакыт бәйрәм, мондый тәэсирләр гадәттә озакка истә кала. 21 август көнне Олы Нырты авыл мәдәният йорты һәм китапханә, Чабия-Чурчи авыл клубы хезмәткәрләре шагыйрә һәм прозаик Р.Х. Габбасова белән очрашу оештырдылар. «Көтелгән кунак» очрашуы аралашу форматында узды.
Авторның талантлы һәм тирән эчтәлекле лирикасы кешеләргә, табигатькә, туган җирләргә, әдәбиятка мәхәббәт белән сугарылган.
Рушания Хамматовна Габбасова һөнәре буенча-укытучы, һөнәре буенча - шагыйрь. Олы Нырты авылында туып үскән. Ул балаларны үзенең балачагы, мәктәп еллары, туган ягы, туган теле, әнисе турында шигырьләр һәм хикәяләр белән кызыксындыра алды.
Һәрбер шигырь-авторның эчке борчылуы, тормыш мәгънәсе һәм кешелекнең билгеләнеше турында уйлану. Һәр шигырьдә тыңлаучыларга мөрәҗәгать итү яңгырый: игелекле, кешелекле булырга, гаепләмәскә, якыныңа чын күңелдән ярдәм итәргә, бүләк таләп итмәскә, беркайчан да өметсезлеккә бирелмәскә, ышанырга һәм яратырга… Рушания Хамматовна Габбасованың якты поэзиясе рухи һәм өмет белән сугарылганлыктан, чара җылы һәм күңелле узды.
Ел саен 22 августта Россиядә Россия Федерациясенең Дәүләт флагы көне билгеләп үтелә. 2 августта Чабья-Чурчи авыл клубында"Минем илнең өч төсе"дигэн танып- белү программасы узды. Клуб мөдире аңлаешлы һәм кызыклы формада Россия Дәүләт флагы тарихы турында сөйләде. Белемнәрен ныгыту өчен"Россия символлары"викторинасын үткәрде. Барысы да сорауларга актив җавап бирделәр һәм Россияне, үз Ватаныңны яратырга һәм Россия флагы белән горурланырга кирәк дигән нәтиҗә ясадылар."Без Россияне яратабыз» темасына презентация ярдәмендә ил буйлап сәяхәт кылдылар. Барлык катнашучылар да призлар алды
14 август көнне Олы Нырты, Килдебәк мәдәният йорты, Язлы Арташ, Олы Арташ, Чабья Чурчи авыл клублары берлектә,«Дуслык» агитбригадасы белән," Нырты" күмәк хуҗалыгы басуларында эшләүче ,кыр батырлары алдында чыгыш ясадылар. Көнне- төнгә ялгап эшләүче комбайнчылар һәм аларның ярдәмчеләренең, җыелган икмәкне амбарга ташып урнаштыручы шоферларның төшке ашка туктаган вакыты иде. Агитбригада членнары, игенчелэребезгэ, берсеннән- берсе матур җырларын буләк иттеләр, матур шигырь юллары аша изге теләкләрен җиткерделәр.
Гармунчы Локманов Радикның дәртле көйләренә , алдынгы комбайнчылар үзләре дә кушылып җырладылар.Игенче хезмәтенең абруе , яшәү мәгънәсе турындагы җырлар- һәркемне уткәнгә борылып карарга , кылган гамәленэ бәя бирергә , тормыш асылы турында кабат уйланырга мәҗбүр итте.Шунысы куанычлы, өлкәннәр белән бергә басуда яшьләр дә тырышып эшли. Игенчеләребезнең гимнына әверелгән «Чайкала иген кырлары» җырына, бик рәхәтләнеп, кушылып җырладылар. Әлеге матур очрашу һәркемнең күңелендә җылы хисләр уятты.
Хәрәкәтчән уен-балаларны һәрьяклап тәрбияләүнең мөһим чараларының берсе. Аның үзенчәлеге-организмга һәм бала шәхесенең барлык якларына тәэсир итүнең комплекслы булуы: уенда бер үк вакытта физик, акыл, әхлакый, эстетик һәм хезмәт тәрбиясе тормышка ашырыла. Хәрәкәтчән уеннарда балага нәтиҗә алу өчен ничек эшләргә кирәклеген үзе хәл итәргә туры килә
Чабья-Чурчи авыл клубы һәм Олы Нырты авыл китапханәсе хезмәткәрләре 13 августта саф һавада "Балачак планетасы"дигән уен программасы үткәрделәр. Балалар спорт эстафеталарында энтузиазм белән катнаштылар, зирәклек һәм җитезлек үстерделәр, әйләнә-тирә дөнья турында белемнәрен һәм күзаллауларын тулыландырдылар.
10 август көнне Чабия-Чурчи авыл клубы һәм Олы Нырты авыл китапханәсе хезмәткәрләре «Светофорның каникуллары юк»дигән танып-белү сәгате үткәрделәр. Балалар светофор тарихы, юл билгеләре, юлда үз-үзеңне тоту кагыйдәләре турында белделәр. Викторина сорауларына актив җавап бирделәр, тема буенча пазллар җыйдылар. Чара азагында катнашучыларга җәяүле һәм велосипедчы өчен белешмәләр өләштеләр. Барлык балаларның да юл йөрү кагыйдәләрен белүе бик мөһим.