ЯҢАЛЫКЛАР
8 июнь көнне Килдебәк авыл җирлегенең иң матур җирендә – су буенда, халкыбызның милли бәйрәме – Сабан туе үткәрелде. Бәйрәмгә килгән авыл халкының һәм кунакларның күңеле шат иде. Җирлек халкына һәм бәйрәмгә килгән кунакларга районнан килгән вәкил, Татмедиа акционерлык җәмгиятенең “Саба таңнары” газетасы редакциясе филиалы җитәкчесе, баш мөхәррире Исмагыйлев Рөстәм Гәбдрәүф улы, Саба муниципаль районы башлыгы Р.Н. Миннихановның котлауларын җиткерде. Бәйрәм башында традиция буенча, кыр батырларын, авыл хуҗалыгы алдынгыларын тәбрикләп һәм бүләкләп үттеләр.
Сабантуй төрледән-төрле милли һәм спорт уеннары, җырлар-биюләр белән үрелеп барды. Халык өчен концерт номерлары белән Фәрид Низамиев, Зәбир Ханов чыгыш ясадылар. Бәйрәмгә килгән халык әлеге бәйгеләрдә теләп катнашты һәм рәхәтләнеп күңел ачты. Сабантуй көрәш мәйданында абсолют батырны билгеләү белән тәмамланды. Абсолют батыр исеменә, кискен көрәштән соң, Фазылов Айдар, ә икенче батыр исеменә Нигмәтҗанов Ренат лаек булдылар.
8 нче июньдә Арташ авыл җирлегендә иң яраткан милли бәйрәм - Сабантуй бәйрәмен күңелле һәм мавыктыргыч итеп билгеләп үттеләр. Традиция буенча ул зур колач белән үтте - халыкны һәм кунакларны бай мәдәни программа, уеннар һәм ярышлар көтә иде. Барлык кунакларны бәйрәм белән Саба муниципаль районы мәдәният җитәкчесе Заһидуллин Рөстәм Фидаилевич котлады. Ул барысына да баш өстендә тыныч күк йөзе теләде, әлбәттә, сәламәтлек теләде. Бәйрәм мәдәният йорты каршындагы "Шома бас" бию коллективы чыгышы белән башланып китте, Бөек Ватан сугышында Җиңүнең 80 еллыгы темасы кузгатылды - балалар хәрби бию һәм әлбәттә инде милли бию биеде. Сабантуй авыл хезмәтенең данын тарата, шуңа күрә бәйрәмдә беренче чиратта авыл хуҗалыгы алдынгыларын бүләкләделәр. Чара барышында шулай ук бүләкләр тапшырдылар һәм һөнәр буенча иң яхшыларны бүләкләделәр. Сәхнәдә үзешчән артистлар чыгыш ясады. Тамашачыларны чакырылган артистның чыгышы да битараф калдырмады. Бәйрәм бер тында узды.
Сабантуй-халкыбызның иң яраткан бәйрәмнәренең берсе, хезмәт, шатлык һәм бәхет бәйрәме. Анда халыкның матур гореф-гадәтләре, җырлары, биюләре, йолалары бергә кушыла. Гасырлар узган, ә бәйрәм безнең көннәргә кадәр сакланып калган. Биредә киң мәдәни программа, йөгерү , спорт ярышлары, Музыка һәм җырлар күп.
Күркәм традиция буенча Курсабаш авылы янына авыл халкы һәм кунаклар җыелып, язгы кыр эшләре тәмамлануны сабан бәйрәме белән билгеләп үттеләр. Үткән яңгыр Сабантуй программасына бераз төзәтмәләр кертсә дә, ул бәйрәм кәефен бозмады, чөнки игенчеләр бу чорда яңгырга, авыл хуҗалыгы культуралары чәчүлекләрендәге тереклек дымына һәрвакыт шат.
Бөек Ватан сугышында Җиңү елында һәм махсус хәрби операциядә катнашучыларга ярдәм итү елында уздырыла торган быелгы Сабантуйның тагын бер үзенчәлеге-патриотик юнәлеш. Авыл хуҗалыгы производствосы алдынгылары белән беррәттән, Сабантуйда тыныч хезмәтне яклаучыларны да хөрмәтләделәр.
Тантаналы өлештән соң төрле мәйданчыкларда конкурслар башланды. Өлкәннәр дә, балалар да милли уеннарда һәм спорт ярышларында бик теләп катнаштылар.
Бәйрәм программасы ярышлар, милли көрәш, уеннар, концерт номерлары белән дәвам итте. Сабантуйда катнашучылар нарат күләгәсендәге калкулык итәгендә табигатьнең матур күренешләреннән һәм бәйрәм программасыннан ләззәт алдылар һәм оештыручыларга чиксез рәхмәтле булдылар. Бәйрәмне оештыруда һәм уздыруда Курсабаш мәдәният йорты хезмәткәрләре Сулэ авыл клубы һәм китапханә белән берлектә катнаштылар.
8 июньдә Лесхоз халык күңел ачу үзәгенә әверелде - биредә Сабантуйны киң колач белән билгеләп үттеләр. Авыр кыр эшләренең тәмамлануын чагылдырган бу матур бәйрәм бистә стадионында йөздән артык кешене һәм кунакларны җыйды.
Бәйрәмне Лесхоз мәдәният йорты хезмәткәрләре әзерләгән музыкаль композиция ачып җибәрде, ул Сабантуй тарихына һәм Ватанны саклаучылар елына һәм Бөек Җиңүнең 80 еллыгына багышланган иде. Бәйрәмнең шатлыгын уртаклашырга Саба муниципаль районы Башкарма комитеты җитәкчесенең инвестицион үсеш һәм эшмәкәрлеккә ярдәм буенча урынбасары Котдусов Илнур Илдус улы килде, ә бәйрәмне алып баручы Фәнил Вакказов булды. Сабантуйны ачу тантанасы бистә имам-хатыйбы Әхмәт хәзрәтнең үгет-нәсыйхәт сүзләре һәм Коръәннән аятьләр укуы белән тәмамланды.
Бәйрәмдә кунаклар "Лесхоз" ҖЧҖ күргәзмәсен карый, көрәштән, Дилә һәм Булат Нигъмәтуллиннар катнашында бәйрәм концертыннан ләззәт ала, халык уеннарында катнаша, фотозонада фотосурәтләр ясый алды.
Соңгы еллар традициясе буенча балалар өчен аниматорлар, төрле бәйгеләр һәм Сабантуй уеннары белән аерым мәйданчык эшли. Конкурсларны һәм күңел ачу уеннарын Лесхоз мәдәният йорты һәм Урман музее хезмәткәрләре оештырды һәм үткәрде. Моннан тыш, балалар өчен аттракционнар һәм батутлар эшләде.
Быел Сабантуй бәйрәме менә шулай күңелле һәм мавыктыргыч узды.
Сабантуй-татарларның иң мәшһүр милли бәйрәме, аны төгәл бәйрәм итү датасы юк, әмма, кагыйдә буларак, июнь аенда үткәрелә. 7 июнь көнне Эзмә мәдәният йорты хезмәткәрләре Байлар Сабасы бистәсендә Сабантуй бәйрәмен ачу тантанасында катнаштылар, «Мунчала чыгару» мастер-классы оештырдылар һәм кунакларга умартачылык процессын күрсәттеләр.
7 июньдә Саба районында милли бәйрәм - Сабантуе узды. Сабантуй-авылда эшләүчеләр һәм уңыш үстерүчеләр өчен генә түгел, бу буыннан-буынга тапшырыла торган халык мәдәниятенең бик мөһим өлеше. Шәмәрдән мәдәният йорты мөдире Г.М. Әхмәтшина ат чабышларында диктор булды. Бу бәйрәмнең аерылгысыз элементы. Җайдаклар иярдә йөрү осталыгында көч сынаштылар, шулай ук җирле, ярым канлы, гади һәм чиста канлы атларның күнекмәләрен күрсәттеләр. Ярышларда катнашучыларның барысы да дистанцияне тигезсез үттеләр. Мәдәният йорты хезмәткәрләре шулай ук Шәмәрдән авыл җирлегеннән атлар парадында да үзешчән сәнгать белән катнаштылар. Белгеч Гайнуллина Д.Ш. ат чабышларында жюри составында иде.
Бүген 7 июнь көнне Саба сабантуе гөрләп узып китте. Мәдәният хезмәткәрләре Саба халкын күңелле ял белән тәэмин итү өчен зур тырышлык куйды. Лесхоз мәдәният йорты хезмәткәрләре дә читтә калмады. Мастер-класслар мәйданчыгында "Саба бизәкләре" исеме астында кашык һәм куналарга рәсем төшерү буенча мастер-класс үткәрде. Әлеге мастер-класста балалар бик теләп һәм яратып катнашты. Әлеге чара балаларга ял вакытларын файдалы үткәрү өчен менә дигән мөмкинлек булды.
7 июнь көнне Саба районы Сабантуенда Туктар авыл клубы Килдебәк мәдәният йорты китапханәсе белән берлектә сөт сепарациясе буенча мастер-класс үткәрде.
Сабан туе - язгы кыр эшләренә багышланган бәйрәм ул. Татар бәйрәме күчмә һәм утрак культуралар синтезыннан гыйбарәт, ул үсешнең катлаулы һәм озак юлын үткән. Ул төрки һәм фин-угор халыкларының игенчелек бәйрәмнәре белән генетик яктан бәйләнгән. Хәзерге шартларда «Сабантуй» бәйрәме татарларның гомуммилли бәйрәме булып тора. 7 нче июньдә Зур Арташ авыл клубы мөдире Байлар Сабасында Сабантуйда катнашты.