ЯҢАЛЫКЛАР

Халкыбызның Бөек Ватан сугышында Җиңүенең 80 еллыгы якынлаша. Без бу батырлык белән горурланабыз һәм хәтерлибез! 29 апрель көнне Туктар авыл клубы " тыл хезмәтчәннәренең хезмәте онытылмаслык."Әңгәмә вакытында сугыш чорындагы авыр еллар һәм тыл хезмәтчәннәренең хезмәте турында фикер алыштылар. Катнашучылар исемлеккә кермәгән тыл ветераннарының калган исемнәре белән стендны тулыландырырга тәкъдим иттеләр.Алар бит Җиңүне якынайтуга зур өлеш керттеләр.

Халкыбызның Бөек Ватан сугышында Җиңүенең 80 еллыгы якынлаша. Без бу батырлык белән горурланабыз һәм хәтерлибез! 29 апрель көнне Туктар авыл клубы " тыл хезмәтчәннәренең хезмәте онытылмаслык."Әңгәмә вакытында сугыш чорындагы авыр еллар һәм тыл хезмәтчәннәренең хезмәте турында фикер алыштылар. Катнашучылар исемлеккә кермәгән тыл ветераннарының калган исемнәре белән стендны тулыландырырга тәкъдим иттеләр.Алар бит Җиңүне якынайтуга зур өлеш керттеләр.

28 апрель көнне Шәмәрдән мәдәният йорты хезмәткәрләре Бөтендөнья хезмәтне саклау көненә багышланган «Охрана труда на рабочем месте» дигән түгәрәк өстәл үткәрделәр. Биредә эш урынында куркынычсызлык, җитештерү җәрәхәтләрен профилактикалау һәм эшчеләрнең сәламәтлегенә ярдәм итү турында мөһим темалар каралды. Чара куркынычсыз һәм сәламәт хезмәт мөхите булдыру өчен эшләнгән, анда һәр хезмәткәр үзен куркынычсыз һәм мөһим хис итә алды. Шулай ук хезмәтне саклауның куркынычсыз һәм уңайлы эшчеләр дөньясын булдыру турындагы мөһим мәсьәләләре дә тикшерелде. Бу әңгәмә иҗади диалог, хезмәт өлкәсендә иминлек һәм теләктәшлекнең мөһимлеген аңлау өчен мәйданчык булды.

Агымдагы елның 26 апрелендә Россиядә ундүртенче тапкыр Библиотөн агарту акциясе уза. Ул Ватанны саклаучылар елына һәм Бөек Җиңүнең сиксән еллыгына багышлана. Быелгы Библиотөннең төп темасы «Үз геройларың», ә аның девизы: «Россиядә үз героен хәтерләмәгән гаилә юк".Әлеге акциядә Олы Нырты китапханәсе һәм Олы Нырты авыл мәдәният йорты хезмәткәрләре аеруча актив катнашты. Библиотөн-2025 ачылышының кереш сүзе белән китапханәче чыгыш ясады. Ул катнашучыларга Безнең Җиңүебезнең кыйммәтле бәясе һәм аның Бөек Ватан сугышында әһәмияте турында искә төшерде. Аннары төрле яшьтәге укучылардан торган ике команда «Изге сугыш» уен-квестында катнашты. Квест легендасы: уенчылар кулына совет разведкасының шифрлы донесениесе эләккән, анда югалган мәгълүматны ачыкларга кирәк. Бүген аны эзләргә ике отряд китте.

25 нче  апрель көнне Бигәнәй авыл мәдәният йортында «Туган җиргә кайтты кайтмаганнар ” Хәтер китабына”  төренеп”» район фестивале кысаларында Бөек Ватан сугышында Җиңүнең 80 еллыгына багышланган АҖ « Саба МПП ЖКХ» хезмәткәрләре концерты булды. Концертның кульминациясе хезмәткәрләрнең театраль чыгышы булды, алар Бөек Ватан сугышы башлануны, татар халык җырларын башкарып  театраль тамаша күрсәттеләр. Концертта Габделхаков Газинур Галиәсгар улы җитәкчелегендә “Гөлбакча” ансамбле җырлары яңгырады. “Бәйрәм” ансамбленең  искиткеч биюләре барлык тамашачыларның күңелен күтәрде.

  Баянчы Габделхаков Айнур Газинур улы артистларның чыгышларына баянда уйнап матурлык  өстәде. Концертта катнашучылар иң яхшы чыгышлар күрсәттеләр.

24 апрель көнне Яр Чаллы шәһәренең татар драма театрында "Идел-йорт" театр коллективларының төбәкара фестиваль-конкурсы кысаларында "Иҗат лабораториясе" оештырылды. Клуб системасы белгечләре өчен режиссура буенча тренинг, мастер-класс һәм "Тут такое дело... Салих Сәйдәшев"спектакле күрсәтелде.Чара файдалы һәм белемле булды.

Габдулла Тукай үзенең иҗаты белән үз исемен мәңгеләштерде, ә аның шигырьләрен бүген дә зур ярату белән өлкәннәр дә, балалар да укый. Балачактан алып олы яшькә кадәр кешенең бөтен тормышы тел белән тыгыз бәйләнгән, бу милләтнең иң мөһим билгесе булып тора, ул милләт тарихы һәм мәдәнияте, гореф-гадәтләре турында мәгълүматны саклый һәм буыннан-буынга тапшыра. 26 апрельдә Иштуган мәдәният йорты белгечләре “Тукай йөрәгемдә минем!”дип аталган әдәби  кичә уздырдылар. Клуб берләшмәләрендә шөгыльләнүче балалар шагыйрьнең авыр балачагы һәм аның тормыш юлы, иҗаты турында сөйләделәр. Үзешчән артистлар бөек шагыйрьнең шигырьләрен сөйләделәр, аның сүзләренә язылган җырларны җырладылар. Балалар" Бала белән күбәләк"," Кызыклы шәкерт","Эш беткәч, уйнарга ярый"шигырьләрен сәхнәләштерделәр.Катнашучылар тарафыннан удмурт һәм рус телләрендә шигырьләр яңгырады. “Шүрәлеләр белән янәшә” дип аталган инсценировка чараның үзенчәлеге булып торды. Чара язучының катнашучылар  башкаруындагы «Туган тел»җыры белән  тәмамланды.

27 апрель көнне Лесхоз мәдәният йортында “Без Тукайлы халык” дип исемләнгән әдәби кичә үтте. 26 нчы апрель - татар дөньясы өчен истәлекле дата, бөек шагыйребез Габдулла Тукайның туган көне. Габдулла Тукай  татар шигъриятенең иң якты йолдызы, милләтебезнең йөзек кашы. Шагыйрь калдырган иҗат мирасы — безнең мактанычыбыз һәм горурлыгыбыз. Без Тукаебыз белән бәхетле. Без сөекле Тукаебызны беркайчан да онытмыйбыз, истән чыгармыйбыз. Аны яратабыз, зурлыйбыз. Кечкенәдән шигырләрен, әкиятләрен яратып укыйбыз. Гади генә язылган Тукай иҗатында күпме мәгънә, осталык, матурлык, горурлык! Тормышта күпме михнәт – ятимлек, фәкыйрьлек, кимсетүләр күрсә дә, аның туган авылына, халкына, теленә хөрмәте зур булып кала. Бүгенге кичәдә без Тукайның тормыш юлын һәм иҗатын искә төшердек. “Сәйлән” балалар театр төркеме “Тукай әкиятләренә таянып” – дип исемләнгән әкият өзекләреннән җыелма күрсәттеләр. Кызыклы костюмнардан әкият геройлары, балаларның оста сөйләме һәрберебезне балачак иленә алып кайтты. Аннары балалар, килгән тамашачы Тукайның шигырьләрен матур, сәнгатьле итеп сөйләп күрсәтте. Шуның өчен һәрбер катнашучыга, кечкенә булса да, бүләкләр бирелде. Бәйрәм бик эчтәлекле, матур, күңелле үтте. Бәйрәм татар халкының икенче гимнына әверелгән “И туган тел” җыры белән тәмамланды. “Сөй гомерне, сөй халкыңны, сөй халкыңның дөньясын” – дип язган Тукаебыз. Безгә дә милләтебез горурлыгы булып, милләтебез белән горурланып яшәргә һәм яшьнәргә язсын!    

27 апрель көнне Нократ Аланы шәһәренең «Җиңү» мәдәният сараенда Н.В. Худина исемендәге «Вятские выкрутасы» бөтенроссия бию фестиваль-конкурсының Гала концерты булды. Максат: сюжетлы һәм уенлы халык биюе традицияләрен саклау, үстерү һәм аларга ярдәм итү, иҗади мөмкинлекләрне тормышка ашыру өчен бердәм мәдәни киңлек булдыру. Шәмәрдән мәдәният йорты каршында эшләп килүче «Акварель» халык бию төркеме «Горский» биюе белән «Халык биюе» номинациясендә чыгыш ясады. Конкурста катнашучылар I дәрәҗә лауреат дипломы, кубок һәм сертификат белән бүләкләнделәр.

27 апрель көнне Лесхоз мәдәният йортының спорт залында Мишә авыл җирлеге урамнары арасында Спартакиада кысаларында чираттагы спорт уеннары узды. Бүген урамнар өстәл теннисында ярыштылар. Ярышлар физик культураны һәм спортны популярлаштыру, шулай ук авылдашлар арасында сәламәт яшәү рәвешен пропагандалау максатыннан үткәрелә. Бераз разминкадан соң уеннар башланды, анда барлык катнашучылар да бик күп тырышлык күрсәттеләр. Уеннар кискен көндәшлек атмосферасында узды. Дүрт сәгатьлек ярышлар бер мизгел кебек үтте. К. Маркс урамы җиңү яулады, икенче урында – Киров урамы, өченче урында-Кукмара урамы. Котлыйбыз!