Җәйнең санаулы гына көннәре калып бара... Алтын көз инде бусагада. Алда безне зур, якты бәйрәмнәрнең берсе- Республикабыз Татарстан көне көтә.Әлеге матур мизгелләр, хәтирәләр булып, безнең күңелләрдә сакланып калсын дип , 26 август көнне Олы Нырты мәдәният йорты һәм китапханәсе, Язлы Арташ, Чәбья Чурчи, Урта Нырты авыл клублары, авыл үзешчәннәре белән берлектә " Җәйге матур кичләрдә" дип исемләнгән концерт программасын халыкка тәкъдим иттеләр. Кичәбез матур җырлар, дәртле биюләр, кызыклы уеннар белән үрелеп барды.Нырты җирлеге халкы, ялга кайткан кунаклар, бала- чага рәхәтләнеп, бергәләп ял итте. Бәйрәмдә алган тәэсирләр тамашачы күңелендә озак сакланыр.