«Каравон-2026» рус халык бәйрәме

24 май көнне Олыяз мәдәният йорты мөдире «Тылсым» клубында катнашучылар өчен елның матур фасылына –җәйгә багышланган «Гуашь:гадидән гүзәллеккә» исемле иҗат сәгате үткәрде.  Чараның максаты балаларны рәсем ясауның традицион булмаган техникасы белән таныштыруны дәвам итү; табигатьне эстетик яктан кабул итүне үстерү; эшне этаплап башкарырга өйрәтү; - хезмәт сөючәнлек һәм максатчанлык формалаштыру; - үстерү: төрле басым белән пумала белән рәсем ясый белү; композицион күнекмәләр; табигать күренешләрен образлы кабул итү иде.… Балалар күңелле вакыт кына уздырып калмадылар, үзара ярышып, уңай энергия дә алдылар. Катнашучыларның эшләре Бөтенроссия иҗади конкурсларына юнәлдереләчәк. Чара Бөтенроссия онлайн конкурсында 1 урынны алган «Солнечный свет» порталында «Ел фасыллары» номенациясында  «Шомырт чәчәге» ( 17.05.26 чарада ясалган ) эшләре белән  катнашып җиңү яулаган 3 катнашучыны котлау белән тәмамланды. 

23 май көнне Иштуган мәдәният йорты белгечләре “ Спортка-әйе, спиртлы эчемлекләргә – юк! " дигән спорт-уен программасы үткәрделәр. “. Чара сәламәт яшәү рәвешен популярлаштыруга һәм алкогольгә бәйлелеккә каршы көрәшкә юнәлдерелгән иде. Балаларга спиртлы эчемлекләрнең кеше организмына, бигрәк тә яшь вакытта, зарары, шулай ук алкогольгә бәйлелеккә китерергә мөмкин булган начар гадәтләре һәм шартлары турында искә төшерделәр. Катнашучылар сәламәт яшәү рәвеше турындагы мәгълүматны тыңладылар, саф һавада күбрәк булырга, дөрес тукланырга, гигиена кагыйдәләрен үтәргә, чыныгырга кирәклеген белделәр. «Иң төз», «Тиз обруч» һәм «Туристик сукмак» эстафеталары шаян һәм күңелле үтте. Барлык сынауларны узгач, катнашучылар «Чын спортчылар» дип күпне белгән, авырлыклардан курыкмаган кешеләрне атауларын аңладылар. Ахырда катнашучылар спорт һәм актив яшәү рәвеше - алкоголизмны профилактикалауның төп чаралары һәм сәламәт яшәү рәвешен пропагандалау дигән нәтиҗә ясадылар һәм бердәм фикергә килделәр.

22 май көнне Кече Шыңар мәдәният йорты каршындагы « Нур» халык театр коллективы Сабай авыл клубында чыгыш ясады, тамашачыларга Р.Сабырның «Сигезле бию»драмасын күрсәтте. Тамаша чын-чынлап күңелгә ятышлы булды: клубның җылы атмосферасы, актерларның ихлас уйнавы һәм әсәрнең тирән мәгънәсе үзенчәлекле кәеф тудырды. Тамашачылар сюжет үсешен игътибар белән күзәттеләр, геройларны кайгырттылар. Ахырда алар рәхмәт һәм соклану сүзләрен әйттеләр