ЯҢАЛЫКЛАР
Традиция буенча бәйрәм көннәрендә ,өйдә күңелсез булганда, авыл мәдәният йортында без ял кичәләре яки утырмалар үткәрәбез. Теләге булган һәркем дуслары белән аралаша һәм өй мәшәкатьләреннән ял итә ала. 9 октябрь көнне Олы Нырты мәдәният йорты хезмәткәрләре ,авыл китапханәсе белән берлектә, «Көзге кич безгә бик күңелле булды.." дигән исем астында кич утыру оештырдылар.Әлеге чарада кунаклар һәм авыл халкы катнашты. Табышмаклы шаян номерлар, күңелле конкурслар, җырлар, биюләр әзерләнде. Дустанә атмосферада программада катнашучылар борынгы җырлар җырладылар, көнкүреш әйберләре турындагы табышмакларга җаваплар бирделәр, мәкальләр һәм әйтемнәрне искә төшерделәр. Безнең әби-бабаларыбызның озын кичләренничек үткәрүләре турында сөйләштеләр. Кичәдә катнашучылар активлык күрсәтеп кенә калмадылар, бер-берсенә бәйрәм кәефе дә бүләк иттеләр. Вакыт күңелле һәм сизелмичә үтеп китте, бу кич утыру үзе турында җылы истәлекләр калдырды.
Олы Арташ авыл клубында балалар белән “Сәламәт яшәү рәвеше” дигән темага бик мөһим әңгәмә узды. Кызыктыргыч аралашу барышында балалар дөрес туклануның, даими физик йөкләнешләрнең әһәмияте турында бик күп файдалы мәгълүмат белә алдылар, һәм көн режимын үтәү - һәр бала сәламәтлегенең төп өлешен тәшкил итә. Шуны да истә тотарга кирәк: сәламәтлегеңне кайгырту - күңелле һәм кызык!
Көзге чор табигатьтә генә түгел, кеше тормышында да бар – ул зирәклек һәм зур тормыш тәҗрибәсе.2025 елның 1 октябреннән 10 октябренә кадәр Россиядә Халыкара өлкәннәр көненә багышланган традицион Өлкәннәр декадасы уза.
Өлкән буын кешеләренә тирән ихтирам һәм игътибар йөзеннән, Яңа Мичән мәдәният йорты хезмәткәрләре лаеклы ялда булган хезмәттәшләрен изге һәм якты бәйрәм – Өлкәннәр көне белән котладылар, барысына да сәламәтлек, бәхет һәм иминлек теләделәр. Олы яшьтәге кешеләрнең ягымлы күзләренә карап, аларның оптимизмына, яшәгән һәр көненә шатлануына һәм яшәгән еллары өчен рәхмәтле булуына хәйран каласың. Алар үзләренең якыннарына, әйләнә-тирәдәге кешеләргә күңел җылысы бүләк итәләр. Мәдәният хезмәткәрләре өлкәннәргә зур булмаган бүләкләр һәм иң яхшы бүләк – игътибар һәм яхшы кәеф тапшырдылар!
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }
Өстәл уеннары-эрудицияне үстерү, сүзлек запасын тулыландыру, логик фикерләүне яхшырту өчен менә дигән ысул, шулай ук күңелле ял итү өчен яхшы ысул. Әмма иң мөһиме, өстәл уеннары-ул тере аралашу. Мондый уеннарның теләсә кайсысы кызыклы вакыт үткәрү, азарт, якты хисләр бүләк итә. Бүген өстәл уеннары яңадан популярлык пигында-заман белән бергә атлый торган яңа уеннар барлыкка килә, борынгы уеннар яңадан торгызыла. Балалар бик рәхәтләнеп шашка, шахмат уйнадылар. Аралаштык, гаджетларыбыз турында бераз оныттык һәм күңелле вакыт уздырдык.
9 октябрь көнне Балтач районы Кушкетбаш урта мәктәбенең укучылары «Тылсымлы кыңгырау» туристлык маршруты буенча Лесхоз мәдәният йортында булдылар. Кунакларны Убырлы карчык үзенең биремнәре һәм уеннары белән каршы алды. Балалар барлык биремнәрне дә рәхәтләнеп үтәделәр, шуннан соң тылсымлы кыңгыраулар дөньясына эләктеләр. Балаларны кыңгырауларның күплеге һәм музейдагы уникаль кыңгыраулар тавышы гаҗәпләндерде. Шулай ук балалар өчен милли камыр ризыклары белән чәй эчү оештырылды, шуннан соң балалар мультфильм карадылар. Туристлык маршруты мастер-класс белән тәмамланды, анда балалар агач кыңгырауларны рәхәтләнеп бизәделәр.
7 октябрьдә Бөтендөнья укытучылар көненә Югары Шытсу, Түбән Шытсу мәдәният йортлары, Елыш авыл клубы, Югары Шытсу китапханәсе хезмәткәрләре бәйрәм кичәсе үткәрделәр. Чарага төрле елларда Түбән Шытсу мәктәбендә хезмәт куйган укытучылар һәм бүгенге коллектив чакырылган иде. Концерт авыл җирлеге башлыгы Мәүлетов Б.М. һәм мәктәп директоры Әхмәтшин И.И.ның котлау чыгышыннан башланды. Кичә “Башваткыч” тапшыруы форматында барды. Тамашачыларга мәдәният хезмәткәрләре тарафыннан музыкаль номерлар тәкъдим ителде. Кичә чәй табыны артында җылы, җанлы әңгәмә, оештыручыларга рәхмәт сүзләре белән тәмамланды.
8 октябрь көнне Туктар авыл клубы "наркотик матдәләргә зыян"дигән әңгәмә үткәрде. Әңгәмә вакытында наркотиклар турында фикер алыштылар",наркотиклар куллануның таралу һәм куркыныч фактлары турында. Наркотик матдәләр куллана башлаган кеше белән ниләр булуын, бу бәйлелекнең нәтиҗәләре һәм ахыргы нәтиҗәсе нинди булуын белдек. Ахырда, безнең тормышта булмасын, уңай фикерләүгә ия булырга һәм спорт белән шөгыльләнергә кирәк дигән нәтиҗә ясадылар.
8 октябрь көнне Лесхоз мәдәният йорты һәм китапханәче хезмәткәрләре Саба районыннан килгән кунаклар өчен "Ябалакта кунакта" дигән театральләштерелгән тамаша күрсәттеләр. Кунаклар төрле әкият геройлары белән очраштылар, мини-зоопаркта булдылар, Убырлы карчыкның төрле биремнәрен үтәделәр. Барысы да бик күп уңай хис-кичерешләр алды һәм сәяхәттән бик канәгать калдылар.
5 октябрь көнне Эзмә мәдәният йортында Өлкәннәр көне уңаеннан «Алтын еллар»дип исемләнгән музыкаль кичә үткәрелде. Бәйрәм дәвамында өлкәннәр үз адресына ихлас теләкләр ишеттеләр, алар өчен Эзмә мәдәният йорты хезмәткәрләре, үзешчәннәр һәм Казан кунагы Рөстәм Хөсәенов башкаруында яраткан җырлар яңгырады. Бүген алар рәхәтләнеп аралаштылар, яшьлекләрен искә алдылар, күп кенә бәйгеләрдә һәм уеннарда катнаштылар. Бәйрәм атмосферасы беркемне дә битараф калдырмады. Проблемалар турында онытып һәм күңелләре белән ял итеп, барысы да бик күп уңай хис-кичерешләр алды. Кичә дуслар белән очрашырга, бер-береңә яхшы кәеф белән уртаклашырга менә дигән сәбәп булды.
Арчада 6 октябрьдә «Татарстан – безнең йортыбыз» республика этномәдәни фестивале узды. Фестивальнең максаты - Татарстан Республикасы территориясендә яшәүче халыкларның бердәмлеген ныгыту, үзара рухи баету, күпмилләтле мәдәниятне саклап калу, үстерү һәм популярлаштырудан гыйбарәт. Фестивальдә Югары Шытсу мәдәният йортыннан Шарифуллиннарның гаилә дуэты “Инструменталь музыка” номинациясендә чыгыш ясады һәм диплом белән бүләкләнде.