ЯҢАЛЫКЛАР
6 февраль көнне Шәмәрдән мәдәният йорты белгечләре «Салават күпере» балалар бакчасы балалары өчен «Чудо ложка» дигән мастер-класс үткәрделәр. Мастер-класс барышында балалар кашыкларны бизәүнең төрле техникасы белән таныштылар. Белгечләр гадәти өстәл приборларыннан уникаль һәм матур сәнгать предметларын ничек ясарга мөмкин булуы турында сөйләделәр. Балалар дәрестә зур энтузиазм белән катнаштылар, үзләренең креативлыкларын һәм фантазияләрен күрсәттеләр. Һәркем үзенең кашыгын булдыра алды, ул оригиналь сувенир гына түгел, ә аларның иҗатының символы да булды. Эш барышында балалар вак моториканы үстерделәр, командада эшләргә һәм идеяләр белән алмашырга өйрәнделәр. Чара җылы һәм дустанә атмосферада узды, балаларда күп кенә уңай эмоцияләр һәм киләчәк иҗади экспериментлар өчен илһам калдырды.
6 февраль көнне Шәмәрдән мәдәният йорты хезмәткәрләре «Тулган ай» фольклор коллективы белән берлектә «Чаба, чаба гомер аты...» дигән концерт куйдылар. Бу чара «Балкыш» социаль-тернәкләндерү үзәгендә ял итүчеләр өчен үткәрелде. Концерт «Шәмәрдән» коллектив җыры белән башланып китте. Алып баручы кыскача гына концертның фольклор мирасы, «Чаба, чаба гомер аты...» атамасы турында сөйләде һәм тамашачыларны «Тулган ай» да катнашучылар белән таныштырды. Чара барышында күңелгә үтеп керерлек шигырьләр, күңел җырлары, гармун җырлары яңгырады. Үзәк вәкилләре һәм берничә кунак коллективка җылы сүзләр әйттеләр, концертның килүчеләрнең эмоциональ халәтенә уңай йогынты ясавын билгеләп үттеләр. Концерт гомуми саубуллашу көйләре һәм үзара сәламәтлек һәм иминлек теләүләр белән тәмамланды.
5 февраль көнне Лесхоз мәдәният йортында Халыклар бердәмлеге елы кысаларында «Бердәм сыйныф серләре» конкурсының зона этабы булып узды. Һәм бүген кайсы мәктәптә кайсы сыйныф иң бердәм, иҗатка бай, һәм, әлбәттә, дус икәнлеген ачыкладык. Конкурста районның 6 мәктәбе: Лесхоз, Сабабаш, Килдебәк, Юлбат, Эзмә урта белем бирү мәктәпләреннән һәм «ОНИКС» мәгариф үзәгеннән командалар катнашты. Конкурс 3 этапта узды: визит карточкасы, иҗади номер, иҗади проект. Алар арасында Лесхоз мәдәният йорты әзерләгән матур концерт номерлары яңгырады.
Чара йомгаклары буенча, барлык командалар да югары дәрәҗәдә әзерләнгән дип әйтергә була, жюрига бәяләү бик авыр булды. Барлык балалар да шундый искиткеч конкурста катнашулары өчен грамоталар белән бүләкләнделәр. Ә җиңүчеләр бераз соңрак, барлык зона этаплары узганнан соң билгеле булачак.
5 февральдә Эзмә мәдәният йортында өлкән буын катнашучылары белән «Зарядкага бас»дип исемләнгән чара узды. Хәзерге дөньяда сәламәтлек турында кайгырту көннән-көн актуальләшә бара, бигрәк тә өлкән буын кешеләре өчен. Даими физик күнегүләр активлыкны сакларга, кәефне яхшыртырга һәм актив тормышны озайтырга ярдәм итә. Сәламәт булу-актив булу дигән сүз. Стресс һәм утырып яшәү рәвеше нормага әйләнгән заманча дөньяда үз сәламәтлегең турында кайгыртырга кирәклеген истә тоту аеруча мөһим.
5 февраль көнне Шәмәрдән мәдәният йортында Саба муниципаль районы башлыгы Р.Н.Миңнеханов, Саба муниципаль районы башлыгы урынбасары Р. Р.Закирҗанов, Шәмәрдән авыл җирлеге башлыгы А.К.Вәлиев катнашында 2025 елга Шәмәрдән авыл җирлеге гражданнар җыены узды.
04 февраль көнне Эзмә мәдәният йортында «Тәмәке төтене нәрсә алып китә» дип исемләнгән мәгълүмат сәгате булып узды. Тәмәке тарту-сәламәтлек өчен бик зарарлы. Кеше тәмәке тартканда төтен сулый, ә бу төтендә бик күп зарарлы матдәләр бар. Тәмәкедә никотин, сумала, мышьяк, угарный газ һәм тагын бик күп башка куркыныч матдәләр бар. Алар үпкәләргә, йөрәккә һәм бөтен организмга зур зыян китерә. Кеше тәмәке тартканда, төтен үпкәләргә эләгә һәм аларны пычрак һәм авыру итә. Тәмәке тартучы кешеләрдә еш кына көчле йөткерү барлыкка килә һәм тын алуы кыен. Шуны истә тотарга кирәк: сәламәтлек — иң кыйммәтле хәзинә ул, һәм аны начар гадәтләр аркасында югалтырга ярамый.
4 февраль көнне Шәмәрдән мәдәният йортында Рамил Шәрәповның «Шәрәпов шоу» концерты булды. Татар эстрадасының иң якты йолдызы Рамил Шәрәпов һәм аның алыштыргысыз сәхнә дусты Шәрәпҗан! Бу кичә җырлар белән генә түгел, юмор белән дә тулы иде! Бу концерт-тамашачыларга шатлык һәм бәйрәм бүләк итүче Рамил Шәрәпов һәм аның дус командасының үзенчәлекле тамашасы.
Ел саен 2 февральдә Россиянең Хәрби дан көннәренең берсе-Сталинград сугышында Кызыл Армиянең Җиңү көне билгеләп үтелә. Сугышларның дәвамлылыгы һәм катылыгы, катнашкан кешеләр һәм хәрби техника саны буенча сугыш ул вакытта дөнья тарихының барлык сугышларын да узып китте. Илебезнең генә түгел, бөтен дөньяның язмышы 200 көн һәм төн хәл ителде.
3 февраль көнне Лесхоз мәдәният йортында яшьләр өчен «Бөек сугышның Бөек бәрелеше» патриотик тәрбия сәгате үткәрелде. Яшьүсмерләр белән бергә Сталинград сугышы барышы белән таныштык, шәһәрне саклаучыларның массакүләм батырлыгы турында сөйләштек.
Сталинград сугышы-ул искиткеч ныклык, бердәмлек һәм Ватанга мәхәббәт хисләрен чагылдыручы. Бу гаять зур тырышлык һәм корбаннар бәрабәренә Бөек Җиңүгә таба хәлиткеч адым ясалуы турындагы тарих. Катнашучылар-8
Авыл клубында «Сталинград сугышы» дип исемлэнгэн мәгълүмати чара үткәрделәр. Балалар сугыш елларының тарихи фактлары белән таныштылар, тарихның легендар битләрен тагын бер тапкыр «ачып карадылар».Сугышка кадәрге Сталинград һәм аның стратегик әһәмияте турында, Сталинград сугышы 200 көн дәвам иткән икенче бөтендөнья сугышының иң эре сугышларының берсе, 227 номерлы «бер адым да артка чигенмәскә» приказының әһәмияте, сержант Павлов йорты турында белделэр.