ЯҢАЛЫКЛАР
Сталинград сугышы – Бөек Ватан сугышының иң хәлиткеч көрәшләреннән берсе була. 200 көн һәм төн дәвам иткән сугыш совет гаскәрләренең җиңүе белән тәмамлана. 1 февраль көнне үткән “Без тынычлык өчен” хәтер сәгатендә Югары Шытсу мәдәният хезмәткәрләре һәм китапханәче нәкъ тә шул турыда сөйләделәр. Алып баручылар герой – шәһәр Сталинградның батырлыгы белән таныштырдылар. Тематик кинофильм буенча шәһәрне кем, ничек саклавы турында белделәр. Чара сугыш һәм тынычлык турында шигырьләр уку белән тәмамланды.
Сәламәт яшәү рәвешен пропагандалау максатыннан, 7 февраль көнне Лесхоз мәдәният йортында китапханә белән берлектә "Барыбыз да чаңгыга!» дип исемләнгән сәламәтлек сәгате узды. Анда өлкән буын клуб берләшмәләре активистлары катнашты. Чаңгы-иң уңайлы спорт төре, кышкы мавыгуларның берсе. Чаңгыда йөрү физик сәламәтлекне ныгыта, бик яхшы чыныктыргыч чара булып тора, тизлекне, чыдамлыкны, координацияне үстерүгә, терәк-хәрәкәт аппаратын ныгытуга ярдәм итә, ә саф һава тәэсире сулыш органнары эшчәнлеге өчен аеруча файдалы. Сәламәт яшәү рәвеше сәгате уңышлы узды. Сәламәт тән һәм рухтан тыш, чаңгы спортын яратучылар бик күп уңай эмоцияләр алдылар һәм үзләренең физик һәм рухи сәламәтлекләрен ныгыттылар.
6 февраль көнне Олы Нырты авыл мәдәният йорты һәм китапханә хезмәткәрләре үткәргән тематик әңгәмә барлык катнашучыларга сәламәтлек, экология һәм социаль җаваплылык турында белемнәрен тирәнәйтергә мөмкинлек бирде.
Алып баручылар тәмәке — планетада иң популяр товарларның берсе, кызганычка каршы, ул аерым кешенең сәламәтлегенә дә, гомумән җәмгыятькә дә җитди зыян китерә, дип сөйләделәр. Әңгәмәдә катнашучылар тәмәке эшләнмәләренең нинди компонентлары үпкә рагы, йөрәк-кан тамырлары авырулары һәм сулыш системасы проблемалары кебек төрле авыруларга китерүе турында фикер алыштылар.
Балалар фәнни тикшеренүләр күрсәткәнчә, тәмәке тарту бөтен дөнья буенча миллионлаган вакытыннан алда үлемгә китерә. Шуңа күрә бу куркынычлардан ничек качарга һәм үз сәламәтлегеңне ничек сакларга икәнен белү бик мөһим.
Әңгәмәдән соң балалар «Мин тормышны сайлыйм» китап күргәзмәсендә күзәттеләр.
Сугышчылар һәм тыл хезмәтчәннәре истәлегенә 2026 ел Татарстанда хәрби һәм хезмәт батырлыгы елы дип игълан ителде. Шул уңайдан 3 февральдә «Алар бенен Ватаныбызны сакладылар»дигән мәгълүмат сәгате узды.Клуб мөдире кунакларга авыл, аның атаклы кешеләре турында сөйләде. Презентацияне караганнан соң, кунаклар бу тема буенча фикер алышуга актив кушылдылар. Алар сугыш кырларында сугышкан туганнары һәм якыннары турында сөйләделәр, әти-әниләре сөйләгән тарихлар белән уртаклаштылар.
Сызыклы биюләр-ул хореографик бию, анда кешеләр төркеме бер яки берничә сызыкка тезелеп, кабатлана торган адымнар эзлеклелегенә бии. Бу сызыклар гадәттә бер юнәлештә яки, сирәгрәк, бер-берсенә карыйлар. Түгәрәк буенча биюләрдән аермалы буларак, сызыклы биючеләр бер-берсе белән физик контактта кермиләр..5 февраль көнне Олы Нырты мәдәният йорты хезмәткәрләре 55 яшьтән өлкәнрәкләр өчен бию программасы әзерләделәр. Бу кичне кунаклар яшьлек атмосферасына чумдылар һәм үзләренең иң яхшы бию елларын искә төшерделәр. Мәдәният хезмәткәрләре беркемне дә битараф калдырмаячак бай һәм кызыклы программа оештырды. Төрле дистә еллар хитлары яңгырады, кәеф тудырды һәм шатлык бүләк итте. Катнашучылар чын күңелдән биеделәр һәм күтәренке кәефтә таралдылар.
3 февраль - Бөтендөнья норматив булмаган ликага каршы көрәш көне. Хәзерге җәмгыятьнең иң сизелми торган, ләкин иң киң таралган бәласе-сүгенү сүзе. Сүгенү сүзләре күп кешеләрнең гадәти сөйләменә килеп керде һәм җәмгыять аларны норма буларак кабул итә башлады. Әмма балалар һәм яшүсмерләр арасында сүгенү проблемасы аеруча кискен була. Бу зарарлы гадәт бер дә зарарсызмы әллә? Бу хакта Олы Нырты авыл мәдәният йорты һәм китапханә мөдирләре 3 февральдә «вирус скәке сүз»профилактик сәгатендә балалар белән әңгәмә кордылар. Чара барышында балалар аңлатмалы сүзлеккә күз салдылар һәм «әшәке сүз» сүзенең мәгънәсен белделәр, цензурасыз ликсианың барлыкка килү тарихы белән таныштылар, сүзләрнең кешенең эчке дөньясына һәм сәламәтлегенә зарарлы йогынтысы турында белделәр, сүгенү сүзләрен кулланудан котылу өчен нишләргә кирәклеген ачыкладылар. Катнашучылар, психологик ситуацияләрне җиңеп, дөрес киңәшләр бирделәр.
Сталинград өчен барган сугышнын тарихи әһәмияте бик зур була. 1942 елнын 17 июлендэ башланган сугыш 200 көн дәвам итеп, 1943 елнын 2 февралендә совет гаскарләренен җиңүе белән тәмамлана. Бу көн хөрмәтенә, 1 февральдә Олы Нырты мәдәният йортында "Сталинградның кайнар карлары"дигән әңгәмә уздырылды. Катнашучылар Сталинград сугышының оборона этабы, совет халкының фашизмга каршы көрәштә ныклыгы һәм батырлыгы турында тарихи фактлар ишеттеләр. Әңгәмә барышында шушы датага багышлап эшләнгән буклетлар, тарихи истәлекләр кулланылды. Соңыннан шәмнәр кабызылды, һәм Бөек Ватан сугышында һәлак булганнарның барысын бер минут тынлык белән искә алдылар.
6 февральдә Олы Арташ авыл клубы мөдире балалар белән “Кышын кошларны ашатыгыз” дигән экология сәгате үткәрде. Әңгәмә барышында балалар кышлаучы һәм очып китүче кошлар кемнәр, нинди кош-корт кышларга калуын, кошларга ничек ярдәм итәргә кирәклеген, үз куллары белән җимлекләр ничек әзерләргә һәм ничек дөрес эләргә кирәклеген белделәр. Балалар шулай ук үзләренең кошларны ничек күзәтүләрен, кыш көне нинди кошларны күрүләрен, җимлекләрнең нинди вариантларын белүен сөйләделәр. Урамда җимлекләр элделәр, өйдән алып килгән азыкны таратып салдылар.
6 февраль көнне Шәмәрдән мәдәният йорты белгече Г.Х.Садыйкова фашистларга каршы көрәшүче геройны искә алу көненә багышланган «Помните...» дигән тарихи сәгать үткәрде. Бу чара балалар өчен кыюлык дәресе булды, авыр сынау елларында яшьтәшләре язган тарих битләренә кагылырга мөмкинлек бирде. Очрашу барышында балалар җилкәләренә фашизмга каршы көрәш авырлыгы төшкән яшь геройларның язмышын белделәр. Вәли Котик, Зина Портнова, Марат Казей һәм сугыш аркасында балачагы өзелгән башка егетләрнең куркусызлыгы турындагы хикәяләр беркемне дә битараф калдырмады. Яшь тыңлаучылар, тын да алмыйча, өлкәннәр белән беррәттән тынычлык, азатлык һәм Ватаннарының якты киләчәге өчен көрәшкән кечкенә геройларның батырлыклары турында белделәр. Әңгәмә барышында балалар чын патриотизмның, бурычка тугрылыкның нәрсә икәнлеге һәм кешелек дәрәҗәсе өчен көрәштә гомерләрен биргән кешеләрнең истәлеген саклауның ни өчен мөһим булуы турында уйландылар.