Гражданнар жыены

14 апрель көнне Шәмәрдән мәдәният йорты белгече Г.Х. Садыйкова сәламәтлекләре чикле балалар өчен Татарстан Республикасында хәрби һәм хезмәт батырлыгы елына багышланган «Страницы подвига и славы» тарихи сәгате үткәрде. Чарада балалар Бөек Ватан сугышының мөһим вакыйгалары, фашизмны җиңүгә зур өлеш керткән совет солдатларының һәм тыныч халыкның батырлыклары белән таныштылар. Белгеч исемнәре тарихта мәңгегә калачак геройлар турында, шулай ук фронтта һәм тылда хезмәт батырлыгының авыр вакытларда илгә нык торырга ярдәм итүе турында сөйләде. Тарихи сәгать барышында Ватаныбыз азатлыгы өчен көрәшкән кешеләрнең батырлыгын чагылдырган фотосурәтләр күрсәтелде. Балалар фикер алышуда актив катнаштылар, үз фикерләре белән уртаклаштылар һәм сораулар бирделәр, бу теманы тирәнрәк аңларга ярдәм итте. Моннан тыш, катнашучылар өчен иҗади биремнәр оештырылды: алар сугыш темасына рәсемнәр ясадылар һәм стена газетасы булдырдылар. Мондый алым балаларга ва турында күбрәк белергә генә ярдәм итмәде.

12 апрель-илебез тарихында үзенчәлекле көн. Бу көнне 1961 елда Юрий Алексеевич Гагарин космоста беренче кеше була, космос киңлеген үзләштерүдә яңа эра ача һәм тарихка Космонавтика көне буларак мәңгегә кереп кала. 12 апрель көнне Иштуган мәдәният йорты белгечләре " Алга, космик еракларга!»дип аталган уен-сәяхәт уздырдылар Чараның максаты-балаларның космос һәм космонавтлар турындагы күзаллауларын киңәйтү. Уен ни өчен нәкъ менә 12 апрель Космонавтика көне дип саналуы һәм бу көннең нинди мөһим вакыйгалар белән бәйле булуы турындагы әңгәмәдән башланды. Алып баручы балаларга кешенең космоска беренче очуы турында аз билгеле фактлар, шулай ук Юрий Гагарин тормышыннан кайбер кызыклы мизгелләр турында сөйләде. Аннары балалар бик теләп викторинада катнаштылар, анда алар космос, күк җисемнәре һәм космонавтлар турындагы белемнәрен күрсәттеләр. Алар сорауларга җавап бирделәр, уенда сүзләр төзеделәр һәм «Әкияти йолдызлы кроссворд»ка җавап бирделәр. Уен азагында поделка ясадык. Чара кызыклы узды, һәм балалар космик фән өлкәсендә үз белемнәрен киңәйтә алдылар.

12 апрель көнне Олы Нырты авыл мәдәният йорты һәм китапханә хезмәткәрләре Космонавтика көненә багышланган «Космоска юл» исемле уен-сәяхәт үткәрделәр.           Космос һәрвакыт кешелек дөньясының иң дулкынландыргыч табышмакларның берсе булды һәм булып кала бирә.  Космонавтикада кешенең космоска беренче очышы вакытыннан күп нәрсә үзгәрде, әмма космос темасы кешеләргә кече яшьтән үк кызыклы булды.          Уен-сәяхәттә катнашучылар космик станцияләр буйлап космик сәяхәт ясадылар. Уен башланыр алдыннан балалар кешенең космосны үзләштерүе, Юрий Гагарин турында мәгълүмат тыңладылар. Аннары ракеталар ясап, Кояш системасы планеталарына юл тоттылар. Һәр планетада аларны сынаулар көтте: шифрланган хат, табышмаклар, «әйләндергечләр», сораулар. Алар планеталар турында бик күп яңалыклар белделәр. Станцияләрдә биремнәрне балалар ышаныч белән үтәделәр. Көчле фикер алышулар, дөрес яки төгәл булмаган җаваплар, фаразлар - болар барысы да эзләү атмосферасын тудырды.         Чарадан балалар күтәренке кәеф һәм "космик" татлы призлар алдылар

11 апрель көнне, Түбән Кама шәһәрендә яшәп, иҗат итүче якташыбыз, авылдашыбыз- Рушания апа Габбасованың "Сирень чәчәге" дип аталган яңа китабы басылып чыгу һәм матур юбилее уңаеннан "Кеше күңеле-ул бер галәм " дип исемләнгән әдәби- музыкаль  кичә булып узды. Олы Нырты мәдәният йорты мөдире һәм китапханәче әлеге җылы очрашуда катнашып, авторга иҗади уңышлар теләделәр. Рушания апа  Габбасова Түбән Кама шәһәренең" Кама таңнары"әдәби берләшмәсе әгъзасы.Шәһәр,муниципаль район мәгарифенең ветераннар Советы рәисе, шигырьләр җыентыклары авторы.Аның сүзләренә иҗат ителгән җырларның саны да көннән-көн арта бара. Олы Нырты авылы тарихы турында язылган"Актым чишмә буенда" дип аталган әдәби-документаль китабында авылдашларыбыз турында бик җылы, матур истәлекләр тасвирлана.Әлеге җылы очрашу авылдашыбызның иҗатына соклану, горурлану хисләрен тагында арттырды.