ЯҢАЛЫКЛАР

27 сентябрь конне клуб хезмэткэрлэре жыр-мон яратучы авыл халкына район мэдэният йортына Вадим Захаров концертына культпоход оештырдылар. Артистнын хэр чыгышын кочле алкышлар белэн каршыладылар .

25 сентябрь көнне Сулэ авыл клубында "көзге чәчәкләрдән гербарий"иҗат сәгате узды.Көз-үсемлекләрне җыю, матур гербарийлар һәм киптерелгән яфрак һәм чәчәкләрдән композицияләр ясау өчен менә дигән вакыт. Эш өчен көзге яфраклар,чәчәкләр, ПВА җилеме, пумала һәм фантазия очышы кирәк булды. Көзге иҗат атмосферасына чумып, чарада катнашучылар картонда көзге яфраклардан төрле аппликацияләр ясадылар. Гадәти булмаган матур көзге эшләнмәләрне ясау бер дә кыен түгел икән! Тик бераз сабырлык, игътибар һәм тырышлык кына кирәк-нәтиҗә озын салкын кыш буе күзләрне сөендерәчәк.

21 сентябрьдә Байлар Сабасы үзәгендә 21 нче тапкыр үткәрелә торган "Кабак-24" зур бәйрәме узды. Быел бу зур бәйрәм-конкурста Курсабаш мәдәният йорты, Сулэ авыл клубы, Түбән Утар авыл клубы һәм Курсабаш китапханәсе хезмәткәрләре дә катнашты. Һәрвакыт бу конкурста катнашып, без гадәти булмаган эшләнмәләр-фигуралар уйлап табарга тырышабыз.Бу юлы саламнан зур гына ат алып килдек.Ул безнең бәйрәм кунакларын иң төп ишектә каршы алды. Кабак белән төрле ашамлыклардан күргәзмә ясадык.Өстәлнең нәкъ уртасында кабактан ясалган зур самовар тора иде.Кунакларны, безнең өстәл янына килүчеләрне тэмле ризыклар белэн сыйладык.Фән һәм технологияләр елына оригиналь күргәзмә әзерләнгән иде: робот-пылесос, робот узе, карусель, радио FM, Пушкин картасы һәм болар барысы да Кабактан эшләнгән иде. Кунакларны икмәк, шигырьләр белән каршы алдылар.Шулай ук фотозона да ясалды, анда теләгән кунаклар рәхәтләнеп фотога төшә алдылар.

15 сентябрь көнне Сулэ авыл клубында Чәчәк бәйләмнәре ясау буенча мастер-класс узды. Территориядә төрле чәчәкләр үсә.Мастер классны без малайлар белән үткәрдек. Балалар үз куллары белән ясалган бүләкнең әниләре өчен аеруча үзенчәлекле булачагын беләләр, шуңа күрә матур чәчәк бәйләме ясап, мавыгып, ясарга керештеләр. Чәчәк бәйләмнәре матур булып чыкты һәм, һичшиксез, алар билгеләнгән кешеләрне сөендерәчәк.

12 сентябрьдә Сулэ авыл клубында "Алкоголь өстеннән хокем"әңгәмәсе уздырылды. Балалар кечкенәдән үк дөньяда яхшы гадәтләр генә түгел, зарарлы гадәтләр дә барлыгын белергә тиеш.Кайвакыт кеше үзенең зарарлы гадәтләре белән бик тиз дуслашканын сизәргә дә өлгерми кала. Әңгәмә барышында балалар начар гадәтләр, атап әйткәндә, алкогольнең зыяны турында күп мәгълүмат алдылар. Тормыш юлында үзеңнең дөрес аралашу даирәңне сайлау бик мөһим икэнен сөйләделәр. Өлкәннәрнең, ата-аналарның киңәшен тыңларга кирэген белделэр.Начар гадәтләр яхшы эшләргә китермәячәк. Балалар начар гадәтләрне нинди ысуллар белән алыштырырга мөмкин икәнлеге турында үзләре укыдылар. Онлайн-уен формасында сәламәт яшәү рәвеше кагыйдәләрен тапканнар.

8 сентябрь конне Сулэ авыл клубында "Гаилә көне"викторинасы узды. Гаилә-һәр кешенең тормышында иң кадерлесе, иң мөһиме. Гаилә-ул якын һәм туган кешеләр, Без яраткан, үрнәк алган, кайгырткан, бәхет һәм яхшылык теләгән кешеләр. Без нәкъ менә гаиләдә мәхәббәт, җаваплылык, кайгырту һәм хөрмәт итәргә өйрәнәбез.

 Балалар викторина сорауларына рәхәтләнеп җавап бирделәр һәм узлэренен яраткан гаиләлэре турында сөйләделәр.

Алтын көз- соңгы җылы көннәрдән ләззәтләнергә һәм көзге фотолар ясарга менэ дигэн вакыт. Көзен урман аеруча матур, ул үзгәрә. Көзге урманда һәр агачның үз киеме, үз төсмерләре бар. Көз башында күк йөзе әле якты һәм зәңгәр, ә кояш җылы җылыта.

 Быел сентябрь безне җылы көннәре белән сөендерә. Кояшлы көннәрнең берсендә Сулэ авыл клубы мөдире балалар белән көзге урманга сэяхэт кылды.Һәм урамда быел көз түгел, ә җәй дәвамы кебек. Урманда хәтта агачлар да яшел. Балалар  урманнан тиз генэ кайтырга теләмэделәр. Урман буйлап йөрүнең гүзәллегеннән барысы да канәгать калдылар. Агачларның барлык яфраклары сары төскә кергәч, без һичшиксез көзге урманга кайтачакбыз, гербарий өчен күп яфраклар җыячакбыз.

5 сентябрьдә Сулэ авыл клубында террорчылыкка каршы көрәш көненә багышланган «Беслан фаҗигасе – безнең уртак кайгы» тематик әңгәмәсе узды.
 Террорчылыкка каршы көрәш коне террорчылык кебек куркыныч күренешкә каршы көрәштә дәүләт һәм җәмгыятьнең бердәмлеген символлаштыра.
Әңгәмә исемнәре кешелек хәтерендә мәңгегә сакланачак кечкенә Беслан халкына, аларның соңгы минутларына кадәр балаларын йөрәкләре белән каплап торган укытучыларына, Бесланның сыгылмас әти - әниләренә, һәлак булганнарга һәм 2004 елның сентябрь аенда исән калганнарга багышланды.

30 август конне Татарстан Республикасы халкы үз дәүләтчелегенең тууын - Республика оешу көнен бәйрәм итә. Татарстан Республикасы көне уңаеннан 30 августта Сулэ авыл клубында "Татарстан-горурлыгым минем" патриотик сәгате үткәрелде.Бәйрәмгә нигез салу тарихы – Татарстан Республикасы Конституциясе көне, Конституция структурасы, республикабызның геральдик мирасы белән таныштык. Шулай ук катнашучылар республикабыз символикасы, аның президентлары, эре шәһәрләр һәм елгалар, тарихи вакыйгалар һәм илебезне саклаган һәм бугенге кондэ дэ саклап торучы СВОда актнашучы батырларыбыз турында күп мәгълүмат алдылар.

29 август конне авыл хуҗалыгы кампанияләренең иң кызган чагы – урып-җыю эшләре. Игенчеләргә урак өсте вакытында музыкаль ял минутлары кирәк. Алар, кыска гына вакытка авыр физик хезмәттән читкә юнәлеп, уңай энергиялэр алдылар.
Курсабаш мәдәният йорты  Сулэ авыл клубы агитбригадасы Курсабаш китапханәсе белән берлектә күчмә концерт программасы оештырып кырларда игенчеләр алдында чыгыш ясадылар.
Урып-җыю кампаниясе вакытында һәр минут кадерле, әмма мәдәният учреждениеләре хезмәткәрләре төшке аш вакытында кыр хезмәтчәннәренә тулы ял итү хисе бүләк итәргә, дәртле җырлары белән кәефләрен күтәрергә һәм арыганлыкларын таратырга тырыштылар.
Барлык чыгышлар да авыл халкына авыр хезмәтләре өчен ихлас рәхмәт сүзләре белән сугарылды. Игенчеләр әйтүенчә, аларга кырга килгән артистларның үзләренең яраткан җырларын башкарулары, күптән онытылган көйләре яңгыравы шатлык китерде.