ЯҢАЛЫКЛАР

11 февраль көнне Саба районы мәдәният йортында «Ил язмышы – ирләр иңендә!» дигән тарихи-тематик кичә узды. Бу чара совет гаскәрләренең Әфганстаннан чыгаруга 34 ел тулуга багышланган иде. Котлау сүзе белән подполковник Габдрахманов А.Н, Әфган сугышында катнашучылар Шәрипов Х.Ф., Вәлиев Ф.Т. чыгыш ясадылар. Чара Шәмәрдән мәдәният йортында эшләүчеләр һәм Шәмәрдән мәдәният йорты каршында эшләп килүче үзешчәннәр әзерләгән концерт номерлары белән театральләштерелгән тамашадан башланды. Шулай ук чарада Шәмәрдән модель китапханәсе хезмәткәре Л.Д. Мөхәммәтҗанова, «Юнармия» мәктәп отряды активистлары (җитәкчесе Вәлиуллин Д.М.), Шәмәрдән лицее укытучылары катнашты. Бу кичә тамашачылар өчен документаль һәм әдәби-сәнгать стилендә тәкъдим ителде. Заманның үз хәтере – тарих бар. Шуңа күрә без миллионлаган гомерләрне алып китүче һәм күңелләребездә тирән эз калдыручы кеше фаҗигаләрен беркайчан да онытмыйбыз.

10 нчы  февраль көнне Шәмәрдән авыл мәдәният йорты белгече С. М.Фәтхуллина «Салават күпере» балалар бакчасының балалары өчен «Путешествие в страну здоровья» дип исемләнгән сәламәтлек сәгате оештырды. Чара сәламәтлек, файдалы һәм зарарлы гадәтләр, көн режимын үтәүнең мөһимлеге турында булган  кечкенә әңгәмәдән башланды. Аннан соң, балалар  сәламәтлек иленә мавыктыргыч сәяхәт ясадылар, анда аларны уен формасында булган кызыклы конкурслар һәм биремнәр көтте. Балалар күңелле музыка астында «Зарядкино», «Чистюлькино» һәм «Витаминки» дигән берничә этаптан торган конкурс биремнәрен бик теләп үтәделәр. Сәяхәтнең ахырында, балалар алып баручы белән бергәләп  сәламәтлек өчен зарядка ясау, чисталыкны саклау, дөрес туклану, саф һавада йөрү һәм спорт белән шөгыльләнү бик мөһим дигән нәтиҗә ясадылар.

8 февраль көнне Теләче мәдәният йортында «Женщина года, мужчина года: женский взгляд» республика конкурсының зона этабы узды. Саба районы Шәмәрдән авылында яшәүче «Женщина – бизнес леди» номинациясендә Галәметдинова Әлфия Ризван кызы чыгыш ясады. Шәмәрдән мәдәният йорты белгечләре Шакирова А.А. һәм Усманов А.И. сценарий-презентация һәм музыкаль ярдәм әзерләделәр. «Хөснулла һәм Аллахияр Вәлиуллиннар исемендәге Саба балалар сәнгать мәктәбенең» Шәмәрдән филиалы хореографы А.М.Давыдова бию миниатюрасын оештырды. Жюри нәтиҗәләре буенча Галәметдинова А.Р. «Женщина – бизнес леди» – 2023 номинациясендә җиңүче дипломын алды.

8 нче февраль көнне Шәмәрдән авыл мәдәният йорты белгече С.М. Фәтхуллина Шәмәрдән лицееның 7 «В» сыйныфы укучылары өчен Герой-антифашистны искә алу көненә багышланган «Дети военной поры» дип исемләнгән мәгълүмат сәгате үткәрде. Әлеге чараның төп максаты һәм бурычлары: укучыларны яшь герой-антифашист көне тарихы белән таныштыру, Ватанга мәхәббәт, патриотлык хисе тәрбияләү һәм ил тарихын өйрәнү иде. Чара башында алып баручы яшь антифашистлар, аларның ничек көрәшүләре һәм яшь булуларына карамастан ничек исән калулары турында сөйләде. Аннары укучылар игътибарына документаль фильм тәкъдим ителде. Балаларны Бөек Ватан сугышы елларында булган хәлләр, яшүсмерләрнең шундый булуы бик гаҗәпләндерде. Мәгълүмат сәгате Ватанны саклаганда һәлак булган яшь геройларны бер минут тынлык белән искә алып тәмамланды.

6 нчы февраль көнне Шәмәрдән авыл мәдәният йорты белгече С. М.Фәтхуллина Шәмәрдән лицееның 4 «В» сыйныфы укучылары өчен Россия Федерациясендә педагог һәм остаз елына багышланган «На пути к новым знаниям» дигән интеллектуаль уен оештырды. Чара уен кагыйдәләре белән танышу белән башланды, алга таба балалар ике командага бүленде һәм программаның төп өлешенә керештеләр. Интеллектуаль уен кызыклы презентация белән үрелеп алып барылды. Балалар командаларда актив эшләделәр, киңәштеләр, сорауларга җавап бирделәр. Уен бик күңелле барды. Барлык катнашучылар да белемнәрен арттырып кына калмадылар, бик күп яңа һәм кызыклы нәрсәләр белделәр.

3 февраль көнне Шәмәрдән мәдәният йортында «Балкыш» социаль-тернәкләндерү үзәгендә ял итүчеләр өчен «Ә җырларым һаман яшь килеш» дигән хәйрия концерты оештырылды. Концерт программасын Шәмәрдән модель китапханәсе хезмәткәре Л.Д.Мөхәммәтҗанова алып барды. Чарада Шәмәрдән мәдәният йорты каршындагы «Акварель» халык бию коллективы үзенең заманча биюләре белән чыгыш ясады. Шулай ук «Умырзая» триосының «Тибрәлә җыры» җыры белән чыгышы да концерт программасының бизәге булды. Концертның беренче минутларыннан ук яхшы һәм дәртле атмосфера барлыкка килде, аның ярдәмендә артистлар һәм тамашачылар арасында уңай эмоцияләр үзара алмашу булды. Бу рәхмәтле тамашачыларның алкышларында сизелде.

2 нче февраль көнне Шәмәрдән авыл мәдәният йорты белгече С.М. Фәтхуллина Шәмәрдән лицееның 4 «Д» сыйныф укучылары  өчен «По страницам Сталинградской битвы» дип исемләнгән бердәм дәрес үткәрде. Дәрес башында алып баручы балаларны бөек сугыш тарихы белән таныштырды, шул авыр елларда балаларга һәм өлкәннәргә ничек авыр туры килүе, салкынга һәм ачлыкка карамастан, өметләрен ничек югалтмаулары турында сөйләде. Чара барышында Сталинград сугышының төп моментлары турында презентация күрсәтелде. 58 көн дәвамында совет сугышчылары төркеме батырларча оборона тоткан Павлов йорты турындагы хикәя балаларда аеруча кызыксыну уятты. Балалар Сталинград сугышының да, Бөек Ватан сугышының да тарихыннан бик күп яңа нәрсәләр аңладылар.  Бу чара Сталинград сугышында һәлак булганнарны бер минутлык тынлык белән искә алу белән тәмамланды.

1 февраль көнне Шәмәрдән мәдәният йорты белгече С.М.Фәтхуллина Шәмәрдән лицееның 3 «Г» сыйныфы укучылары өчен Сталинград сугышында совет гаскәрләренең немец-фашист гаскәрләрен тар-мар итүгә 80 ел тулуга багышланган «Сталинградская битва» мәгълүмат сәгате үткәрде. Чараның максаты: Ватанга мәхәббәт тәрбияләү, халыкның тарихи хәтеренә хөрмәт белән карау, сугыш вакытында кешеләрнең батырлыклары үрнәгендә үз илең белән горурлану, өлкән буынга һәм сугыш һәйкәлләренә хөрмәт тәрбияләү. Чара башында алып баручы балаларны Сталинградны фашист илбасарларыннан азат итү буенча Бөек Ватан сугышының тарихи вакыйгалары белән таныштырды. Аннан соң әлеге темага презентация күрсәтелде. Мәгълүмат сәгате йомгак ясау белән тәмамланды, хәзерге буын өчен Сталинград сугышының нинди әһәмияткә ия булуы һәм бу вакыйгалар турында кешеләр һәрчак истә калсын өчен нәрсә эшләргә кирәклеге турында сөйләде.

31 гыйнвар көнне Шәмәрдән мәдәният йорты белгече Г.М.Әхмәтшина Шәмәрдәннең лицее укучылары өчен «Сладкие радости» дигән кулинар мастер-класс үткәрде. Максат: балаларны катлаулы булмаган ризыклар әзерләүдә мөстәкыйль хезмәт күрсәтергә өйрәтү; электр-көнкүреш техникасын һәм аннан файдалану күнекмәләрен өйрәнүдә ярдәм итү. Чара берьюлы берничә бурычны чиште: кулинария эшенә өйрәтү, иҗади эшләрне үстерү һәм туклану эстетикасына тарту. Аннары яшь пешекчеләр кулинария сәнгатендә үз белемнәрен күрсәттеләр. Кулинар өйрәтү вакытында балалар «Картошка» пешерү технологиясе белән таныштылар, аннары үзләре торт пешерделәр. Соңыннан иң көтеп алынган мизгел – кулинария мастер-классында катнашучылар әзерләгән тортларны татып карау булды.

30 гыйнвар көнне Шәмәрдән мәдәният йорты белгечләре лицей укучылары өчен Шәмәрдән лицее хезмәткәрләре белән берлектә Ленинград блокадасын өзү көненә багышланган «Летопись блокадного Ленинграда» дигән патриотик сәгать үткәрделәр. Чара башында мәдәният йорты белгече «Блокада Ленинграда» турында тарихи хикәя белән чыгыш ясады. Хикәя презентация күрсәтүе белән алып барылды. Патриотик сәгать лицей укытучыларының эчтәлекле чыгышлары белән дәвам итте. Укучыларның хикәяләреннән тарихи мизгелләр тыңланды. Аннан соң «Дорога жизни» исемле кыска метражлы фильм тәкъдим ителде. Әлеге чара балаларда шәфкатьлелек, батырлык, бердәмлек хисе тәрбияләүгә юнәлдерелгән иде. Ә иң мөһиме, балалар икенче бөтендөнья сугышы һәм аерым алганда, Ленинград блокадасы вакытында ватандашларыбызның батырлыклары турында бик күп яңалык белделәр. Патриотик сәгать Ленинград блокадасы корбаннарын бер минут тынлык белән искә алу белән тәмамланды.