ЯҢАЛЫКЛАР

Бөек Ватан сугышында Җиңүнең 80 еллыгы,   безне узган еллардагы вакыйгалар турында ,тагын бер кат уйланырга мәҗбүр итә. Тарих һаман ераклаша бара, шуңың өчен, ул авыр вакытны хәтерләгән кешеләрнең истәлекләрен яңадан искә төшерәбез . Һичшиксез, бу вакыйгалар кешеләр йөрәкләрендә иң кадерлесе  булып кала, чөнки Бөек Ватан сугышы һәр совет гаиләсенә кагылган. Бу вакыйга гына түгел, якыннарыбызның язмышы да.

15 нче март көнне Бигәнәй авыл мәдәният йортында китапханә белән берлектә, Бөек Ватан сугышында  Җиңүгә багышланган” Бөек Җиңүнең 80 еллыгы “ дигән тарихи сәгать үткәрелде һәм сугыш геройларының батырлыкларына хөрмәт һәм тарихи хәтерне саклауның мөһимлеген ассызыклап, "Сугышның кырыс елларында" дигән китап күргәзмәсе тәкъдим ителде,.

14 нче  март көнне  Бигәнәй  авыл мәдәният йорты хезмәткәрләре балалар өчен китапханә белән берлектә «Терроризм – кешелеккә каршы явызлык» дигән толерантлык дәресе үткәрде. Чара башында мәдәният йорты мөдире террорчылыкның күпсанлы кеше корбаннары китерә торган заманның иң куркыныч күренешләре исәбенә керүе турында сөйләде. 

7 нче март көнне Бигәнәй авылы мәдәният йорты үәм  китәпханәсе хезмәткәрләре, "Мизгел" халык театры Бигәнәй мәдәният йортында тамашачыларга Р.Хөсәенованың "Табылдык" спектаклен күрсәтте. Спектакльдә катнашучы үзэшчәннәребез үзларенең осталыклары, образга кереп, тырышып уйнаулары белән таң калдырды.Спектакль ахырында Сатыш авыл җирлеге башлыгы Шафигуллин Фаиль Фахимович хатын -кызларыбызны бәйрәм белән котлады, ныклы сәламәтлек, бәхет -шатлыклар теләде.Үзэшчән артистларыбызның бик яхшы уйнауларын билгеләп үтте, алга таба да иҗади уңышлар теләде.Мәдәният йорты мөдире, рәссам Фатхрахманова Дания ясаган, авыл күренешләрен күрсәткән декорацияләр спектакль атмосферасын тудырырга ярдәм итте.Спектакльне куючы режиссер ярдәмчесе Рамилә Корбанова. Үзэшчән артистларыбызны бәйрәм белән котлыйбыз, бәхет -шатлыклар, ныклы сәламәтлек, зур уңышлар телибез,бик зур рәхмәтләребезне белдерәбез.

28 нче февраль көнне  Бигәнәй мәдәният йорты Саба  районы мәдәният йортында үткәрелгән “ Туган якка кайтты кайтмаганнар,"Хәтер китабына" төренеп" дип исемләнгән концертка авылдашлар белән культпоход оештырдылар. Концерт тематик яктан бик эчтәлекле, күнелләрне кузгатырлык патриотик рухта үтте. Барлык катнашучылар ныклы әзерлек белән чыгыш ясады. Концертны оештырган житәкчеләргә һәм хезмәткәрләргә зур рәхмәтебезне белдерәбез.

20 нче  февральдә Бигәнәй авыл мәдәният йорты хезмәткәрләре Саба туган якны өйрәнү музеенда булдылар. Ул яңа заманча бинада үзенең яңа тарихын башлап җибәрде. Үткәннәрне саклап, бүгенгесен танып, киләчәккә заманча якты караш ташлап, 19 нче февральдә ул беренче тапкыр үзенең кунаклары өчен ишекләрен ачты. Саба туган якны өйрәнү музее - Россиядә иң гадәти булмаган музей. Биредә яшәгән, районыбызда яшәячәк кешеләрнең тарихи байлыклары җыелган.

2025 елның 22 нче февралендә Бигәнәй мәдәният йортында Ватанны саклаучылар көненә багышланган "Ватан сакчыларына хөрмәт һәм дан" дип аталган патриотик сәгать узды. Бәйрәмгә Әфганстанда сугыш хәрәкәтләре ветераны Хабибрахманов Сәүбән Фәйзрахмановичны чакырдылар. Ул Әфган сугышы вакытында Россия армиясе сафларында хезмәт итүе турында сөйләде. Клуб оешмаларында катнашучылар концерт номерлары белән чыгыш ясады.

 

21 нче февральдә бөтен дөньяда Халыкара туган тел көне билгеләп үтелә. Туган Тел безнең һәрберебез өчен бик кадерле. Туган телдә без беренче җөмләләребезне сөйлибез һәм  ачык итеп үз фикерләребезне әйтәбез.
Халыкара Туган тел көне кысаларында  Бигәнәй  авыл  мәдәният йортында «Ромашка» балалар бакчасы балалары өчен  " Туган телем-әнкәм теле»дигән тематик сәгать үткәрделәр. Балалар бәйрәмнең тарихы белән таныштылар, дөньяның төрле телләренең күптөрлелеге турында белделәр,мәкальләрне, әйтемнәрне искә төшерделәр,китап күргәзмәсе бедән таныштылар.
 

Бигәнәй мәдәният йорты   бертөркем авылдашлар  белән Кәрим Тинчурин исемендәге
Татар Дәүләт драма һәм комедия театры артистлары куйган , Т.Миннуллинның "Ак тәүбә, кара тәүбә.Безннең көннәр" спектакленә кульпоход оештырды. Искиткеч талантлы артистларыбыз куйган бу спектакль бик куңелле,бик эчтәлекле булды.
Кәрим Тинчурин исемендәге Татар Дәүләт драма һәм комедия театры артистларына ныклы сәламәтлек,зур иҗади уңышлар телибез.

17 нче февраль көнне без Казанда"Поезд Победы" интерактив музеенда экскурсиядә булып кайттык. Әлеге искиткеч, эчтәлекле музейга безгә культпоход оештырган өчен  Саба мәдәният бүлеге җитәкчесе Загидуллин Рөстәм Фидаилевичка һәм барлык хезмәткәрләргә олы рәхмәтләребезне белдерәбез,эшләрендә зур уңышлар телибез. Бөек Ватан сугышында Бөек Җиңү тарихын белү, онытмау ,яшь буынга тапшыру һәркемнең бик кадерле изге бурычы ул.
 

15 февраль көнне Бигәнәй  авыл мәдәният йортында сугышчы-интернационалистлар көненә багышланган «Вакыт безне сайлады» дигән истәлекле әңгәмә үткәрелде. 1979-1989 елларда барган Әфган сугышы Совет Армиясе өчен җитди сынау була. Һәр солдатның батырлыгы һәм үз Ватанына тугрылыгы аркасында аңа каршы тора алдылар. Кешеләр Әфганстанның тыныч халкын террорчылык группировкаларыннан саклау һәм бәйсезлек өчен көрәштә дустанә хөкүмәткә ярдәм итү өчен өйләреннән меңнәрчә чакрым читкә киттеләр. Китапханәче сөйләгәннәрдән һәм китаплардан укылган өзекләрдән катнашучылар безнең солдат һәм офицерларыбызга төшкән батырлыклар һәм корбаннар, авырлыклар һәм сынаулар турында белделәр. Чара ахырында тынычлык бәясе һәм аны тәэмин итүчеләр турында истә тотуның мөһимлеге турында уйланырга тәкъдим ителде.