ЯҢАЛЫКЛАР
25 февраль көнне Килдебәк авыл мәдәният йорты хезмәткәрләре, китапханәче белән берлектә «Достойный труд – достойное будущее» дип исемләнгән һөнәри юнәлеш сәгате үткәрделәр. Балаларга һөнәр сайлауның ни дәрәҗәдә мөһим булуы, тормышта иң җаваплы адымнарның берсе булуы турында сөйләделәр.
Аннан соң балалар уен формасында, һөнәрләр белән танышуны дәвам иттеләр. «Эрудит» конкурсында катнашып, балалар яңа төрле һөнәрләр турында белделәр, хезмәт турында мәкальләр һәм әйтемнәр искә төшерделәр, табышмаклар чиштеләр, ата-аналарының һөнәрләре турында сөйләделәр.
Һөнәрне дөрес сайлау-тормышта уңышның нигезе. Ата-аналар, укытучылар һәм, әлбәттә, мәдәният хезмәткәрләренең ярдәме, белемнең төп хәзинәсе буларак булып тора.
Районыңа, авылыңа мәхәббәт тәрбияләү, мәдәни гореф-гадәтләрне белү туган якның тарихын өйрәнүдән башлана. Туган җиргә, аның кешеләренә, милли мәдәниятенә хөрмәт уяту максатыннан 25 февраль көнне Югары Шытсу мәдәният йорты хезмәткәрләре “Ватан нәрсәдән башлана?” дигән әңгәмә һәм рәсем конкурсы үткәрделәр. Чара “Ватан нәрсәдән башлана?” дигән җырны тыңлаудан башланды. Балалар белән “Ватан” төшенчәсеннән аларның нәрсә аңлаулары турында әңгәмә корылды, туган як турындагы китаплар белән таныштылар, татар халкының көнкүреше буенча сорауларга җаваплар бирделәр. Аннан туган як турындагы уй-фикерләрен күзаллап, кәгазьгә төшерделәр. Әңгәмә музыкаль инструментларда татар халык көйләрен башкару белән тәмамланды.
24 февраль көнне Иштуган мәдәният йортында" Саба чишмәләре "иҗат берләшмәсенең" Серле гармун телләре " концерт программасы узды. Тамашачыларны төрле программа көтә иде. Артистлар тамашачыларны җырлар, биюләр, шулай ук үзләре иҗат иткән әсәрләре, шигырьләре белән сөендерде. Тамашачылар барлык чыгыш ясаучыларны бик җылы кабул иттеләр, яхшы энергия алдылаар, уңай эмоцияләр һәм кәеф тупладылар. Чыгыш ясаучылар данга тырыштылар һәм катнашучыларга кызыклы иҗади программа бүләк иттеләр. Соңгы җыр вакытында зал алкышлады. Концерт җылы һәм дустанә шартларда узды. Ул матур чыгышлары белән истә калды һәм барлык катнашучыларга яхшы кәеф бирде.
24 февраль көнне Курсабаш мәдәният йортында Сулэ авылы клубы модире, Курсабаш китапханәсе мөдире һәм үзешчән сәнгать катнашучылары тарафыннан Н. Гаетбайның "Ничек кыяугэ чыгарга" пьесасы сэхнэлэштерелеп куелды. Кызыклы сюжетлар белән тулы спектакль, тамашачыларны үзешчән сәнгать актерларының матур уены белән сөендерде. Тамашачылар алкышларга саран булмады . Спектакльдән соң кешеләр спектакльне караудан килгән ләззәтләре өчен катнашучыларга рэхмэтлэрен житкерделэр, аларга сокландылар.
23 февральдә Югары Шытсу мәдәният йортында “Батыр егет – ил күрке” дигән Ватанны саклаучылар көненә багышланган бәйрәм кичәсе үтте. Кичә авыл җирлеге башлыгы Мәүлетов Б.М.ның котлавы белән башланып китте. Мәдәният хезмәткәрләре һәм үзешчән сәнгатьтә катнашучылар концерт номерлары белән чыгыш ясадылар. Чара бильярд турнирының йомгаклау этабы белән дәвам итте һәм җиңүчеләргә, катнашучыларга истәлекле бүләкләр бирү белән тәмамланды.
Медицина нинди генә камил булмасын, ул һәркемне барлык авырулардан коткара алмый. Белегез, кеше үз сәламәтлеген үзе иҗат итүче, кайвакыт хәтта көрәшергә дә туры килә. 24 февральдә Олы Нырты мәдәният йорты хезмәткәрләре балалар өчен сәламәтлек сәгате үткәрде – «Саулык зур байлык». Чара башында балаларга һәр кешенең үз сәламәтлеген үзе иҗат итүе, шуңа күрә кечкенәдән физкультура белән шөгыльләнү, чыныгу һәм шәхси гигиена кагыйдәләрен үтәү мөһимлеге турында сөйләделәр. Шулай ук физик сәламәтлек, спорт, дөрес туклану, яхшы йокы, начар гадәтләрдән баш тарту турында сөйләштеләр. Соңыннан яшьләр арасында бильярд буенча турнир уздырылды, балаларга бильярд уенының барлыкка килү тарихы һәм аның төрләре турында сөйләделәр. Бильярд уены җитезлекне, хәрәкәтләрне координацияләүне һәм тактик фикерләүне үстерә. Турнир кызыклы һәм мавыктыргыч булды.
Бүгенге көндә миллионлаган кеше спорт белән шөгыльләнә. Спорт төрләре бик күп. Ләкин иң матуры-теннис. Бу искиткеч матур, нәфис, интеллектуаль уен. 24 февраль көнне Эзмә мәдәният йортында «Иң яхшы ракетка»исемле теннис уеннары узды. Теннис уенын балалар башлады, аннары олылар да кушылды. Бу реакция, туклану техникасын булган мөһим дулкынландыргыч уен. Бу уен кул мускулларын гына тугел, өстәл теннисында бөтен тән эшли. Теннис белән шөгыльләнегез һәм сәламәт булыгыз!
24 февральдә Кече-Шыңар авыл мәдәният йортында педагог һәм остаз елына багышланган "күңел җылысы бирәм"дип исемләнгән кичә узды. Чара "Таяну ноктасы" тапшыруыннан башланды, анда шәһәрнең төрле мәгариф учреждениеләрендә, авыл җирлегендә, төрле юнәлешләрдә эшләүче педогог-остазлар катнашты. Аннары мәктәп елларында сәяхәт иттеләр.Кичәдә балалар өлкәннәр белән бергә башкарган төрле заманнардагы мәктәп җырлары яңгырады, бу кайчандыр укучы булган һәркемнең күңеленә хуш килде. Мәктәп дәресләренең, үзгәрешләрнең импровизацияләнгән номерлары, бию коллективлары, вокаль ансамбльләр, дуэтлар һәм аерым башкаручылар чыгышлары тәкъдим ителде.Очрашуның соңгы ноктасын " Ашкыным,кешем!"үзешчән хор башкаруында.
24 февраль көнне Лесхоз мәдәният йорты хезмәткәрләре китапханәче белән берлектә балалар белән "хәерле Сәламәтлеккә юл буенча"дигән темага әңгәмә уздырдылар. Балаларга наркомания — нерв системасын параличлый торган зарарлы һәм куркыныч матдәләр куллануга тарту, дип сөйләделәр. Чараның максаты наркотикларга тискәре караш формалаштыру иде. Әңгәмә барышында балаларга наркоманиянең таралуы һәм наркотик матдәләр куллануның нәрсәгә китерүе турында сөйләделәр.
23 февраль Россиядә Ватанны саклаучылар көне буларак билгеләп үтелә. Бу көнне без туган җирне батырлык белән илбасарлардан саклаучыларга, шулай ук тыныч вакытта авыр һәм җаваплы хезмәт итүчеләргә ихтирам һәм рәхмәт белдерәбез. 23 февраль көнне Туктар авыл клубында китапханә белән берлектә "Бер ,Ике өч ,өй,-бездә бөтен көч,"дип исемләнгән уен программасы үткәрелде. Егетәр ике командага бүленеп төрле конкурсларда, викториналарда катнаштылар, концерт номерлары белән чыгыш ясадылар. Алар үзләренең барлык иҗади һәм физик сәләтләрен конкурсларда күрсәттеләр. Биремнәрне барысы да яхшы башкарды. Уеннар концерт номерлары белән үрелеп барды .