ЯҢАЛЫКЛАР

4 июль көнне Шәмәрдән мәдәният йорты каршында эшләп килүче «Тулган ай» фольклор коллективы урман аланында «Балкыш» социаль-тернәкләндерү үзәгендә ял итүчеләр өчен «Ә җырларым һаман яшь килеш» дигән хәйрия концерты үткәрде. Чара башында татар халкының гореф-гадәтләре һәм йолалары тарихы белән таныштырдылар. Татар халык уеннары тәкъдим ителде: «Наза» «Биш парлы», «Йөзек салыш», «Гөлбану», «Түгәрәк уен», «Капкалы» һәм башка бик күп уеннар. Уеннар матур җырлар һәм гармун астында биюләр белән үрелеп барды. Кич җылы һәм дуслык атмосферасында узды. Ял итүчеләр барысы да актив катнашты.

4 июльдә Тенеки авыл клубы мөдире  балалар өчен «Минем күңелле, яңгыравыклы тубым» уен программасы үткәрде. Программаның төп герое туп булды. Чара башында балаларга тупның нинди спорт төрләрендә кулланылуы турындагы сорауларга җавап бирергә, туп белән балалар уеннарын санап чыгарга һәм шар рәвешендәге спорт снарядларын искә төшерергә тәкъдим ителде. Барлык катнашучылар да викторина сорауларын җиңел генә үтәделәр. Уен программасында балалар рәхәтләнеп тупны тоттылар, бер-берсенә тапшырдылар, куып җиттеләр, аның белән сикерделәр, волейбол уйнадылар. Балалар күп кенә яңа уеннар һәм туп белән күңел ачулар белделәр һәм бик күп уңай эмоцияләр алдылар

4 июльдә Туктар авыл китапханәсе клуб белән берлектә балаларны төрле һөнәрләр белән таныштыру максатыннан «Хезмәт белән данлыклы кеше» экскурсиясен оештырды.

4 июль конне Елыш авыл клубында "Терроризм - куркаклар коралы" дип исемлэнгэн мэгълумэт сэгате уздырылды. Элеге мэгълумэт сэгате барышында балалар белэн терроризмнын нэрсэ анлатуын, булган очракта саклану чаралары, узенне ничек тоту кагыйдэлэре турында сойлэп утелде. Кулга алынган очракта узенне ничек тотарга, уен мэйданчыкларында яки башка урында чит эйберлэрне кургэндэ нишлэргэ тиеш булулары анлатылды. Соныннан "Без тынычлык яклы" дип исемлэнгэн презентация карап утелде.

  Туган якны ярату гына түгел, аның тарихын, мәдәниятен, гореф-гадәтләрен белергә кирәк.

4 июль көнне  Килдебәк  мәдәният йорты хезмәткәрләре, китапханәче белән  берлектә балалар өчен «Кече ватанга-зур мәхәббәт» дигән мәгълүмат сәгате үткәрделәр. Чарада кече Ватанның нәрсә аңлатканы, аның алдында нинди җаваплылык булырга тиешлеге, Кече ватан язмышы өчен борчылырга тиешлеге турында фикер алыштылар. Авыл тарихы турында сөйләнде: аның ерак үткәне, бүгенгесе. Балалар белән Бөек Ватан сугышы елларындагы сугышчыларның батырлыкларын искә төшердек. Чара барышында әдәбиятка күзәтү ясалды. Балалар Килдебәк авылы турында китаплар һәм альбомнар белән таныштылар, аларны кызыксынып карадылар.

4 июль көнне Шәмәрдән мәдәният йорты белгечләре «В страну бисероплетения» дип исемләнгән мастер-класс үткәрделәр. Башта балаларга энҗе үрүнең мең еллар элек барлыкка килүе турында сөйләделәр, ләкин ул әле дә популяр һөнәрчелек төре булып санала, бүген ул балалар һәм өлкәннәр өчен кирәкле иҗат. Аннары энҗе үрүнең техникасы һәм ысуллары күрсәтелде. Шулай ук бизәнү әйберләрен ясауның берничә ысулын өйрәнделәр һәм бу юнәлештә камилләштеләр. Эш зур игътибар һәм төгәллек таләп итә, мастер-класста катнашучыларның барысы да эштән зур рәхәтлек алдылар.

Балаларны кызыксындыру максатыннан, 4 июль конне Сулэ авыл клубында Саба районы буенча виртуаль экскурсия үткәрделәр. Без Саба урман хуҗалыгы тарихы музее, Сатыш авылында музей-мәдрәсә буйлап сәяхәт иттек. Балалар урман хуҗалыгында Н.М.Миңнеханов исемендәге уникаль дендрология бакчасы һәм башка бик күп кызыклы һәм матур урыннар барлыгын белделәр. Балаларда бу матурлыкларны барысын да күрергә теләк уянды.

3 июль көнне   Шәмәрдән мәдәният йорты белгечләре педагог һәм остаз елына багышланган «Сундук педагогических идей» дип исемләнгән күңел ачу программасын үткәрделәр. Балаларга җаваплы һәм авыр укытучы һөнәре турында сөйләделәр. Балалар үзләренең белемнәрен күрсәткән викторина сорауларына бердәм җавап бирделәр. «Волшебный сундучок» уены кызыклы узды, анда сандыктан әйберләрне мәктәп предметлары белән чагыштырырга кирәк иде, шулай ук «Что лишнего в портфеле» кызыклы уен үткәрделәр. Чара ахырында нәтиҗә ясадылар: укытучы һичшиксез укучыга дус булырга тиеш. 

3 июльдә "Нургали" мәчете янында балалар өчен үз ишекләрен ачты урман хуҗалыгы мәдәният йорты хезмәткәрләре һәм имам оештырган лагерь. Лагерь намаз уку белән ачылды. Лагерьның беренче көне темасы "сәламләү"гә багышланган. Әхмәт хәзрәт балаларга бу темага бик эчтәлекле вәгазь сөйләде. Шулай ук балалар гарәп алфавитын өйрәнә башладылар. Балалар җиде көн дәвамында өй эшләрен башкарырга, төрле уеннарда, сүрә укуда, гомумән, лагерь тормышында актив катнашырга һәм моның өчен аларга жетондар биреләчәк. Бу билгеләр ярдәмендә лагерьның соңгы көнендә алар бүләкләр ала алачак. Көн ачык һавада актив уеннар белән тәмамланды. Менә беренче көн бик рәхәт һәм файдалы үтте. Аллаһы безнең белән канәгать булсын!

2 июльдә Олы Нырты мәдәният йортында тамашачылар игътибарына "Ялкын" балалар театр коллективы Аманулла пьесасы буенча "Мактанчык Әтәч"спектакле тәкъдим ителде. Бу мавыктыргыч музыкаль әкият геройлары әтәч, үрдәк, күркә, каз һәм тавык. Җәйге кояштан һәм салкын судан ләззәтләнергә мөмкин, ә менә әтәчнең кечкенә үпкәләре һәм ахмак мактануы кошларны аптырашта калдыра. Һәр әкияттә булган явыз герой кебек үк, бу әкияттә дә тилгән явыз герой булып тасвирлана һәм җәнлекләрне куркыта. Ул үзенең оясына кечкенә чебиләрне ала. Барлык әкиятләрдәге кебек, бу әкият, тормыш авырлыкларына карамастан, бик яхшы тәмамлана.