ЯҢАЛЫКЛАР
Гаилә-төрле буыннар берләшмәсе: балалар – ата-аналар-якын туганнар. Гаилә - һәр кешенең тормышында иң кадерлесе, иң мөһиме. Һәр гаиләдә традицияләрнең роле бәхәссез. Гореф-гадәтләр якынайта, туганлык бәйләнешләрен ныгыта һәм дуслаштыра. 22 июль көнне Керәнне авыл клубы мөдире, Татарстан респуи\бликасында милли йолалар һәм гореф-гадәтләр елы кысаларында, "Гөрләп яшик әле, туганнар!" дип исемләнгән шәҗәрә линиясе буенча туганнар белән очрашу оештырды. Урман аланында бер гаилә вәкилләре генә түгел, ә өч гаилә линиясенең туганнары җыелды. Бүген өлкән буын үз тормышы турында хатирәләре белән уртаклашты, шулай ук ата-бабаларының сөйләгән кызыклы очракларны да әйтеп узды. Әти-әниләренең “Йөзек салыш”, "Наза", "Бишле бию", “Гөлбану” фольклор уеннары яшь буынга тәэсир итте. Гаилә бәйрәмендә ретро җырлар да, гитара астында заманча эстрада җырлары да яңгырады. Сыйсыз да булмады: зур казанда пылау пешерделәр, күмер самавырыннан тәмле чәй эчтеләр, өстәлне төрле милли ризыклар һәм тәм-томнар бизәде. Туганнар көтеп алынган очрашуның һәр минутының кадерен белеп калырга тырыштылар, рәхәтләнеп сөйләштеләр, җырладылар, биеделәр, уйнадылар, сыйландылар. Күңелле һәм онытылмас булды очрашу.
22 июль көнне Сабай авыл клубы мөдире, Тимершык мәдәният йортының сәнгать җитәкчесе, Мингәр авыл клуб мөдире һәм китапханәсе белән берлектә авылдашларның «Авылым, авылкаем» дип аталган искиткеч очрашуы оештырылды. Дуслык һәм бердәмлек символы буларак, яхшы традицияне дәвам итеп, бу авылларда яшәүчеләр бәйрәмне һәрвакыт бергә билгеләп үтәләр. Бәйрәм мулланың азан әйтүеннән башланды. Рәсми ачылыш өчен сүзне танылган татар язучысы, авылдашыбыз Фәүзия Байрамовага бирелде. Гармунчылар майдан тирәли йөрделәр, чараны оештыручылар татар милли киемнәрендә кунакларны чәк-чәк белән сыйладылар. Рәсми өлештән соң мәдәни һәм спорт-массакүләм чаралар: милли көрәш, армрестлинг, шулай ук бүрәнәдә капчыклар белән көрәш, су табакларында бию, капчыклар белән көрәш һәм башка күп халык ярышлары узды. Бәйрәм кунаклары ярышларның барлык төрләрендә дә актив катнаштылар. Бәйрәмне үзешчән артистлар чыгышы, гармун уйнау һәм биюләр бизәде. Бәйрәмнән соң күңелле музыкага биюләр белән дәвам итте. Кич клуб янында дискотека белән тәмамланды.
21 июль көнне Шәмәрдән мәдәният йорты белгечләре «Радуга дружбы» дип исемләнгән экскурсиясе оештырдылар. Башта экологик, әхлакый, социаль тәрбиягә игътибар бирелде. Алдан әңгәмәләр үткәрелде «Правила поведения в лесу», «Знакомство с растениями», «Съедобные и не съедобные грибы и ягоды», а так же «Что необходимо делать, если заблудился в лесу». Табигатьнең бай, матур һәм чиксез төрле һәм искиткеч дөньясына чумдык. Барлык балалар да тема буенча яхшы белем күрсәттеләр һәм сорауларга ышаныч белән җавап бирделәр.
2023 елның 21 июлендә Яңа Мичан мәдәният йортындакыр чәчәкләре һәм файдалы үләннәр турында" Чәчәкләр әлифбасы" уен-викторина уздырылды.Балалар табигатьтә файдасыз үсемлекләр булмавын белделәр. һәрбер үлән, һәр чәчәк файда китерә, һәм күп үсемлекләр гадәти даруларны алыштыра ала. Шулай ук «Кем күбрәк дару үләннәрен атаячак»конкурсы уздырылды. "Яшел" гә сәяхәт аша
даруханәдә балалар дару үсемлекләренең дәвалау үзлекләре белән таныштылар, табышмаклар чиштеләр. Аннары чара бүлмә үсемлекләренә багышланды. Балалар үсемлекләрнең кешеләрнең тавышсыз ярдәмчеләре, яхшы дуслар һәм искиткеч табиблар икәнен белделәр
21 июльдә Олы Нырты мәдәният йорты хезмәткәрләре балалар өчен экологик сәгать үткәрделәр. Хезмәткәрләр катнашучыларга җирле урманнарда нинди агачлар, куаклар һәм чәчәкләр үсә, аларны ничек сакларга кирәклеге турында сөйләделәр. Балаларның җирлектә яшәүче үсемлекләрнең дәвалау үзлекләре турында белемнәрен киңәйттеләр. Табигатьне яратырга, аның турында кайгыртырга һәм сирәк очрый торган үсемлекләрне сакларга кирәклеген аңлаттылар. Балалар викторинада катнаштылар һәм урамнарда чисталык, тәртип сакларга кирәклеге, үсемлекләрнең кеше өчен мөһимлеге турында сөйләделәр. Балалар табигать турында белемнәрен тикшерделәр һәм күп кызыклы нәрсәләр белделәр. Сәламәтлек өчен файдалы итеп вакыт үткәрдек!
21 июль конне Елыш авыл клубында балалар белэн бергэлэп "Борынгы халык уеннары" дигэн исем астында уеннар уйналды. Балалар "Тугэрэк", "Голбану", "Йозек салышлы" уеннары белэн таныштылар хэм уеннарны бик яратып уйнадылар. Халык уеннары борынгыдан буыннан-буынга кучеп бара, хэм хэзерге буынга да килеп житеп, уз дэрэжэсен югалтмый. Балаларга саф хавада уйнау бик ошады.
Югары Симет мәдәният йорты хезмәткәрләре«Уен фест» халыкара фестиваль кысаларында, мили мәдәниятләр һәм гореф гадәтләрне саклау елы уңаеннан халкыбызның онытылып барган уеннарының берсе :«Ак тирэк, кук тирэк» уены буенча мастер-класс үткәрделәр.Бу чараның максаты балаларны милли халык уеннары белән таныштыру иде. Чара барышында балалар борынгы гореф-гадәтләрне,уеннарны искә төшерделәр. Мондый уеннар балалар арасындагы мөнәсәбәтләрне ныгыта, коллективны берләштерергә, җитезлек һәм тапкырлык үстерергә ярдәм итә, бу аларга киләчәктә тә кирәк булыр дигән теләктә калды оештыручылар
20 июль көнне Шәмәрдән мәдәният йорты белгече «Поколение вместе» кич утыру үткәрде. Чарада катнашучылар күңелле аралашу өчен җыелдылар. Мондый очрашулар көндәлек тормышны төрлеләштерергә ярдәм итә. Балалар әңгәмә алып бардылар, милли уеннар уйнадылар, баян астында җырлар җырладылар. Очрашулар күңел һәм дуслык атмосферасында узды.
Музыкаль ял кичәсе күп кешеләрнең вакытыны күңелле итеп үткәрү өчен бик әйбәт мөмкинлек. 20 июль көнне Шекше мәдәният йорты хезмәткәрләре авыл яшьләре һәм яшүсмерләре өчен «Ромашкалы кич» дип исемләнгән музыкаль-иҗат кичәсе үткәрделәр. Чара программасының беренче өлешендә яшь артистлар Камил Әмиров һәм Инсаф Гыйләҗетдинов гитарада һәм баянда уйнауда үзләренең талантларын күрсәттеләр, иптәшләре белән бергә популяр заманча җырлар җырладылар. Моннан тыш, егетләр музыка кораллары белән ничек кызыксынулары һәм аларның иҗат өлкәсенә нәрсә этәргәне турында сөйләделәр. Шулай ук егетләр һәм кызлар «Ромашка» уенында катнаштылар, анда чәчәк таҗларына язылган биремнәрне үтәделәр. Кичә ахырында катнашучылар барысы да хор белән «Ассоль»җырын җырадылар.
20 июльдә Тимершык мәдәният йортында сәламәт яшәү рәвеше буенча мәгълүмат сәгате узды. Сәнгать җитәкчесе балаларга тәмәкенең организмга нинди зур зыян салганы турында сөйләде. Тәмәке - "акрын үтерүче". Аны куллану авыр авыруларга китерә. Катнашучылар бу тема буенча фикер алыштылар. Тәмәке тарту наркотиклар белән беррәттән сәламәтлек өчен дә куркыныч дигән нәтиҗәгә килгәннәр. Чара ахырында балалар командаларга бүленеп футбол уйнадылар.