ЯҢАЛЫКЛАР

2 октябрьдә Лесхоз өлкәннәр интернат-йортында Өлкәннәр көненә багышланган бәйрәм концерты булды. Бу олы яшьтәгеләргә хөрмәт һәм рәхмәт белдерү көнендә Лесхоз мәдәният йорты, китапханә һәм Сабабаш авыл мәдәният йорты үзешчәннәре чыгыш ясады. Картлар һәм инвалидлар йортында тәрбияләнүчеләр безнең мәхәббәткә, кайгыртуга һәм игътибарга мохтаҗ. Программа дәвамында социаль хезмәт алучылар Саба муниципаль районы Башкарма комитеты җитәкчесенең икътисад буенча урынбасары Баһманов Марат Мансур улыннан, халыкны социаль яклау бүлеге җитәкчесе Гайнетдинова Лилия Нургаян кызыннан, Казан шәһәре волонтерларыннан, директор Равилин Рөстәм Равил улыннан һ. б. чын күңелдән нык сәламәтлек һәм актив озын гомер теләүләрен, ышаныч, өмет теләүләрен ишеттеләр. Концерт программасы бай эчтәлекле булды, кунаклар шигырьләр, күңелгә үтеп керерлек җырлар тыңладылар. Бәйрәм бик күңелле һәм җылы булды.

Өлкәннәр көне-ул якты һәм күркәм бәйрәм, анда без әби - бабаларыбызга аеруча игътибар бирергә тырышабыз. Өлкәннәр көне ункөнлеге кысаларында 1 октябрьдә Лесхоз мәдәният йорты хезмәткәрләре мәдәният өлкәсендә эшләп, лаеклы ялга чыккан өлкәннәрне өйләренә барып котладылар. Билгеле булганча, һәр кеше игътибарга мохтаҗ, ә өлкән кешеләр, бигрәк тә. Шуңа күрә без өлкән буын кешеләренең өйләренә барып, аларны изге һәм якты бәйрәм белән котладык. Аларга сәламәтлек, якыннарының мәхәббәтен һәм бәхет теләдек.

Бүген, 1 октябрь көнне Лесхоз мәдәният йортында өлкәннәргә хөрмәт йөзеннән «Үткән гомерем бер мизгел» дип исемләнгән концерт программасы оештырылды. Анда Лесхоз мәдәният йорты һәм китапханә, Сабабаш һәм Туктар авыл клублары, Мишә авыл җирлеге оешмалары катнашты. Хөрмәтле өлкән буын кунакларыбыз бәйрәм өстәле артында концерт карадылар. Чара башында бистә имам-хатибы Әхмәт хәзрәт һәм Мишә авыл җирлеге башлыгы Гатиятуллин А.Х. өлкән буын вәкилләренә үзләренең ихлас теләкләрен җиткерделәр. Аннары мәдәният учреждениеләре үзешчәннәре һәм Татарстанның атказанган артисты Тәслимә Низами башкарунда моңлы җырлар һәм шигъри формада котлаулар яңгырады. Кадерле өлкән буын вәкилләре! Сезгә чын күңелдән сәламәтлек, бәхет һәм озын гомер телибез! Тагын бер тапкыр Сезне бәйрәм белән!

Күп кенә илләрдә ел саен 1 октябрьдә Өлкәннәр көне билгеләп үтелә, ул өлкән буын кешеләренә хөрмәт һәм кайгыртучанлык күрсәтү максатыннан үткәрелә. Әлеге бәйрәм кысаларында 30 сентябрь көнне Сабабаш авыл клубында Лесхоз мәдәният йорты һәм Туктар авыл мәдәният йорты хезмәткәрләре белән берлектә «Үткән гомерем бер мизгел» дигән концерт узды. Бу концерт өлкән яшьтәге кунаклар өчен дә, оештыручылар һәм башкаручылар өчен дә чын бәйрәмгә әверелде. Чара җирлек башлыгы Гатиятуллин Азат Хөрмәт улының сәламләү сүзләреннән башланып китте, ул өлкәннәргә тормыш тәҗрибәләре һәм зирәклекләре өчен рәхмәт белдерде. Аннары сәхнәгә мәдәният хезмәткәрләре, балалар бакчасында тәрбияләнүчеләр һәм мәктәп укучылары чыктылар, алар тамашачыларга онытылмас тәэсирләр бүләк иттеләр. Концерт барышында төрле еллардагы популяр җырлар яңгырады, алар кунакларда яшьлек хатирәләрен һәм шатлыклы хисләр уятты. Өлкәннәр бәйрәм атмосферасына актив кушылдылар, җырладылар һәм башкаручыларга кул чаптылар.

29 сентябрьдә Лесхоз мәдәният йортында Пенза шәһәреннән цирк тамашасы узды. Бу цирк тамашачыларда жонглерлар һәм фокусниклар чыгышы белән истә калыр. Һәм, әлбәттә, кызыклы клоун балаларны сөендерде. Балалар цирк карау белән генә чикләнеп калмыйча, рәхәтләнеп үзләре дә төрле конкурсларда актив катнашты

Әбекәем! Бала өчен назлы һәм яраткан сүз. Дөньяда феялар һәм тылсымчылар булса, бу, әлбәттә инде, безнең яраткан әбиләребез һәм аларның барысын да бер генә нәрсә — оныкларга мәхәббәт берләштерә. Өлкәннәр көне алдыннан 29 сентябрьдә Лесхоз мәдәният йорты хезмәткәрләре «Ләйсән» балалар бакчасында тәрбияләнүчеләр арасында «Әбием портреты» дип исемләнгән рәсем конкурсы оештырды. Конкурсның максатлары-балаларның гаилә турындагы күзаллауларын киңәйтү, буыннар арасындагы элемтәләрне ныгыту, иҗади сәләтләрне үстерү һәм өлкән буынга ихтирамлы мөнәсәбәт тәрбияләүне дәвам итү. Очрашу башында балаларга «Өлкәннәр көне» бәйрәме турында сөйләделәр. Чара барышында яшь рәссамнар үзләренең яраткан һәм кайгыртучан әбиләрен зур тырышлык белән ясадылар. Һәр бала, портрет ясаганда, әбисенең ниләр яратканын һәм ничек киенүен шатланып сөйләде! Әбиләргә үзләренең портретын бала күзләре белән яраткан оныгыннан алу күңелле булачак. Ахырда барлык катнашучыларга татлы бүләкләр тапшырылды.

27 сентябрь көнне Лесхоз авыл китапханәсендә Лесхоз мәдәният йорты белән берлектә искиткеч шагыйрә Марина Цветаевага багышланган “Шигырьләрдәге тормыш» шигърият сәгате үткәрелде. Укучылар М.Цветаеваның авыр язмышы турында белделәр: аңа ач торырга да, сирәк тәрҗемәләр белән акча эшләргә дә туры килде. Аның чыгышлары, җыентыклары һәм иҗат кичәләре замандашлары тарафыннан лаеклы бәяләнмәде. Даһи шагыйрә, эчкерсезлекне, турыдан-турылыкны һәм дөреслекне кадерләүчеләргә күңелебезгә үтеп керә торган шигърият, аның үлемсез шигырьләрен бүләк иткән гаҗәеп хатын. Марина Цветаева хәзерге вакытта иң күп укыла торган шагыйрәләрнең берсе. Аның шигырьләре бик популяр, аларның күбесе музыкага салынган һәм танылган романсларга әверелгән. Марина Цветаева үзеннән соң бик зур әдәби мирас калдырган: шигырьләр һәм поэмалар, проза, хатлар, көндәлекләр, тәрҗемәләр, истәлекләр.

27 сентябрь көнне Лесхоз мәдәният йорты хезмәткәрләре Сабабаш урта мәктәбе укучылары өчен «Тылсымлы кыңгырау» туристик маршруты буенча экскурсия оештырдылар. Беренче эш итеп балалар сценарие буенча квест уены үттеләр. Алар уен аша «Кыңгырау» музеенда урнашкан кыңгыраулар дөньясына озата барырга тиешле тылсымлы кыңгырауны эзләделәр. Балаларга кыңгыраулар  тарихы бик ошады. Аннары аларны милли камыр ризыклары белән татлы чәй көтә иде. Гыйбрәтле фильм да балаларны битараф калдырмады. Кашыкларга рәсем ясау буенча мастер-класста балалар үзләренең иҗади сәләтләрен күрсәтә алдылар. Шулай итеп, укучылар күргәннәреннән бик канәгать калдылар, бик күп кызыклы нәрсәләр ишеттеләр, бик яхшы вакыт үткәрделәр.

27 сентябрьдә Лесхоз мәдәният йортына «Тылсымлы кыңгырау» туристлык маршруты буенча «Ләйсән» балалар бакчасында тәрбияләнүчеләр кунакка килде. Балаларны күңелле уеннар һәм биюләр белән ягымлы мәче каршы алды. Балалар рәхәтләнеп биеделәр, зарядка ясадылар, күңел ачтылар. Аннары балалар «Кыңгыраулар" музеенда урнашкан Тылсымлы кыңгыраулар дөньясына эләктеләр. Балаларны кыңгырауларның күплеге һәм музейдагы уникаль кыңгыраулар гаҗәпләндерде. Аннары балалар «Тылсымлы Кыңгырау» исемле мультфильм карадылар, аның ярдәмендә балалар яхшылык һәм явызлыкның нәрсә икәнен һәм яхшы эшләр һәрвакыт начар гамәлләрне җиңә икәнен белделәр. Шулай итеп, балалар күргәннәреннән бик канәгать калдылар, бик күп кызыклы нәрсәләр ишеттеләр, бик яхшы вакыт үткәрделәр.

26 сентябрь көнне Лесхоз һәм Евлаштау мәдәният йортлары хезмәткәрләре Олы Кибәче урта мәктәбе укучылары өчен «Тылсымлы кыңгырау» туристик маршруты буенча чираттагы экскурсия оештырдылар. Балалар беренче эш итеп Саба урман хуҗалыгы тарихы музеенда булдылар, аннары Лесхоз мәдәният йортында урнашкан "Кыңгыраулар музеенда" булдылар. Милли камыр ризыклары белән татлы чәй, тәсбихләр ясау буенча мастер класс, гыйбрәтле фильм карау күңелгә хуш килде. Балалар күргәннәреннән бик канәгать калдылар, бик күп кызыклы нәрсәләр ишеттеләр, бик яхшы вакыт үткәрделәр.