ЯҢАЛЫКЛАР
4 март көнне Урта Нырты авыл клубында Олы Нырты авыл мәдәният йорты ,китапханәсе һәм Язлы Арташ , Чабья-Чурча авыл клублары белән берлектә Ватанны саклаучылар көненә багышланган "Яраннар чәчәк аткан... " дип исемләнгәнт бәйрәм концерты куйдылар.Концерт программасында патриотик җырлар, шигырьләр, композиция һәм Бөек Ватан сугышы турындагы күренешләр тәкъдим ителде. Тамашачылар артистларны алкышлар белән сәламләде. Һәм, әлбәттә, патриотизм һәм бәйрәм рухы хөкем сөргән бәйрәм концертының гомуми эмоциональ атмосферасы бер генә тамашачыны да битараф калдырмады. Концерт Ватанны саклаучыларның барысына да рәхмәт белдерергә, аларга җылылык һәм кайгырту бүләк итәргә, буыннарны берләштерергә һәм традицияләрнең кыйммәтен ассызыкларга мөмкинлек бирде.
2 март көнне Язлы Арташ авыл клубында тантаналы концерт булды. Чара башында Арташ авыл җирлеге башлыгы Рөстәм Илсур улы Мөхәрләмов котлау сүзе белән чыгыш ясады. Прорамманың беренче өлеше «Ватанга хезмәт итәм»-Ватанны саклаучылар көненә багышланган иде.Сәхнәдән ир-атлар адресына җылы котлаулар, патриотик җырлар , сугыш биюләре яңгырады. Икенче өлеш « Сезнең өчен яраткан хатын-кызларыбыз»Халыкара хатын-кызлар көненә багышланды.Концертны алып баручылар гүзәл затларга һәм кешелеккә карата бик күп җылы сүзләр әйттеләр, хатын-кызларга шатлык , матурлык, мәхәббәт,камиллек һәм яхшы кәеф теләделәр. Җылылык һәм мәхәббәт белән сугарылган программаның һәр номеры кабатланмас шатлык , соклану һәм бәхет хисе бүләк итте. Залда һәр номерның көчле алкышлары яңгырады.Бүген үз эшләрен кичектереп, бәйрәм чарасында катнашучыларның барысы да яхшы кәеф алып киттеләр, шундый бай эчтәлекле концерт өчен рәхмәт белдерделәр
8 Март бик шатлыклы һәм игелекле бәйрәм, бу көнне әнине бүләк белән сөендерәсе килә. Ә иң яхшы бүләк-үз кулларың белән ясалган бүләк.Халыкара хатын-кызлар көне алдыннан Олы Нырты мәдәният йорты һәм авыл китапханәсе хезмәткәрләре "Әнинең яраткан чәчәкләре" дигән мастер-класс үткәрделәр, анда балалар бик тырышып гадәти булмаган тылсымлы чәчәкләр ясадылар. Төсләрне үзләре сайлаганнар, чөнки һәр катнашучы үз әнисенең яраткан төсен белә иде..
Мастер-класста катнашучыларның һәрберсенең җылылык һәм мәхәббәт белән тулган кабатланмас чәчәге килеп чыкты. Чәчәкләр ачык һәм оригиналь килеп чыкты. Балалар үз эшләренең нәтиҗәсенә сокландылар
2025 елның 26 февралендә Биектау муниципаль районында «Мәдәният» милли проекты кысаларында Татарстан Республикасы Мәдәният министрлыгы тарафыннан оештырылган «Мәдәни десант»күчмә семинар-практикумы узды. Чараның максаты-мәдәният учреждениеләре хезмәткәрләренә консультация, практик һәм методик ярдәм күрсәтү. Семинарда Арча, Әтнә, Балтач, Саба, Теләче, Питрәч, Биектау һәм Кукмара районнары вәкилләре катнашты. Саба муниципаль районы мәдәният учреждениесе хезмәткәрләре "Мәдәни десант-2025" күчмә семинар-практикумында катнаштылар, ул Биектау муниципаль районында Чернышевка, Ямаширмә авыллары мәдәният йортларында һәм Ибрэ авыл клубының С.Сәйдәшев музеенда уздырылды.Бу вакыйга барлык катнашучылар өчен дә чын бәйрәмгә әверелде: тәҗрибә уртаклашу, актуаль мәсьәләләр турында фикер алышу һәм уртак идеяләр энергия һәм илһам бирде. «Мәдәни десант» проекты күчмә укыту семинарлары циклы булып тора.
22 февраль көнне Олы Нырты мәдәният йорты хезмәткәрләре 1941-1945 еллардагы Бөек Ватан сугышында Җиңүнең 80 еллыгын бәйрәм итү кысаларында «Җиңү утын саклыйбыз!» дигән акциягә кушылдылар. Балалар белән Бөек Ватан сугышында катнашкан авылдашларыбыз турында сөйләштек. Алар турында язмалар укылды. Сугыш чоры җырларын тыңлап, катнашучылар гитарада уйнадылар һәм үзләре кушылып җырладылар. Мондый чаралар яшүсмерләрдә патриотик рух, Ватанга мәхәббәт тәрбияләү максатында бик яхшы тәрбия чарасы булып тора. Бу акция безне берләштерә. Ул традициягә әверелсен һәм һәркемнең изге бурычы буларак киләсе буыннарга күчсен. Чара азагында махсус операциядә һәлак булган якташыбыз Ренат Гайнетдинов истәлегенә шәмнәр кабызылды. Геройларны бер минут тынлык белән искә алдылар.
21 февраль көнне Олы Нырты мәдәният йортында Ватанны саклаучылар көне уңаеннан" Яраннар чәчәк аткан" дип исемләнгән зур концерт куелды. Әлеге концерт- Олы Нырты авыл җирлегенә кергән мәдәният хезмәткәрләре , китапханәче һәм Язлы Арташ клуб мөдире белән берлектә әзерләнде.Мәдәният йорты фойесында афган сугышында һәлак булган якташыбыз Шайдуллин Фердинандның, махсус операциядә һәлак булган авылдашыбыз Гайнетдинов Ренатның истәлегенә һәм бүгенге көндә махсус операциядә булган авылдашларыбызның шәхси әйберләреннән торган выставка эшләде. Патриотик рухта төзелгән концерт программасы ике өлештән торды.Башта тамашачыларга Ә.Еники әсәре буенча " Бер генә сәгатькә" әсәре сәхнәләштереп күрсәтелде. Икенче өлеше сугышчан җырлар һәм биюләрдән торды. Концерт ахырында батыр сугышчыларның әниләре , якын туганнары бүләкләнде. Бүгенге кичә һәркемне уйланырга мәҗбүр итте.Концерт ахырында ветеран укытучы Гаффарова М.М.эчтәлекле һәм мәгнәле чыгышлар өчен чиксез зур рәхмәтләрен җиткерде.
19 февраль көнне районыбызда шатлыклы, әһәмиятле һәм тарихи вакыйга - Сабабызда эшләп килүче Туган якны өйрәнү музее бүген яңа бинага күчеп, үзенең яңа тарихын башлады. Үткәнен саклап, бүгенгесен барлап, киләчәгенә якты заманча караш ташлап, кунаклары өчен бүген тәүге кабат ишекләрен ачты!Саба туган якны өйрәнү музее – Россиядә иң гадәти булмаган музей. Биредә безнең районда яшәгән, хәзерге вакытта яшәүче һәм яшәячәк кешеләр тарихы урын алды. Ул барлык музейлар үсешенең заманча тенденцияләренә туры китереп эшләнелде. 21 февраль көнне Олы Нырты мәдәният йорты хезмәткәрләре яңа ачылган туган якны өйрәнү музеена сәяхәт оештырдылар
20 февраль көнне Язлы Арташ авылында мөһим вакыйга - Әфганстан республикасында хәрби бурычын үтәгәндә һәлак булган Шәйдуллин Фердинандухарис улына багышланган мемориаль такта ачылды. Акциядә Саба муниципаль районы башлыгы Миңнеханов Рәис Нургали улы, Арташ авыл җирлеге башлыгы Мөхәрләмов Рөстәм Илсур улы һәм Әфганстандагы сугышчан хәрәкәтләр ветераннары катнашты. Саба районы башлыгы үзенең чыгышында барлык сугышчы-интернационалистларга ярдәм һәм ихтирам сүзләре белән мөрәҗәгать итте, якташларыбыз турында бик күп яхшы сүзләр әйтте. Чараны алып баручылар билгеләп үткәнчә, күпләрнең туган бусагасына әйләнеп кайту насыйп булмаган, Әфганстанның ташлы җирендә бик яшь малайлар һәлак булган.Мемориаль тактаны ачу хокукы Әфган сугышчыларына тәкъдим ителде. Җыелганнар бер минут тынлык белән искә алдылар, мемориаль тактага чәчәкләр салдылар . Геройның туганнары чарада катнашучыларга һәлак булучының истәлегенә хөрмәт күрсәтүләре өчен рәхмәт белдерделәр
21 февральдә билгеләп үтелә торган Халыкара туган тел көне Кече халыкларның телләрен саклауның мөһимлеген ассызыклый. Бәйрәм чагыштырмача күптән түгел барлыкка килгән һәм 1999 елның 17 ноябрендә ЮНЕСКО генераль конференциясендә расланган. Тел һәм мәдәни төрлелеккә ярдәм итү максатыннан, 2000 елның февралендә үк бу датаны бөтен дөнья буйлап билгеләп үтә башладылар. Туган тел хаклы рәвештә буыннар арасындагы элемтәнең төп коралы булып санала. Ул үзендә этнос тарихын гына йөртеп калмый, аны йөртүчеләр арасында өзелмәс бәйләнеш тә формалаштыра. Бу үзаңны белдерү ысулы, халыкның бердәмлеге һәм оригинальлеге нигезе, шулай ук алган белемнәрнең иң зур архивы. 20 февраль көнне Олы Нырты мәдәният йорты һәм авыл китапханәсе хезмәткәрләре "Туган тел - минем горурлыгым!"дигән чара уздырдылар. Чараның төп бурычы-балаларны үзләренең тел һәм мәдәни мирасларын хөрмәт итәргә өйрәтү иде.
Бүген, 17 февральдә мәдәният бүлеге хезмәткәрләре өчен Казанга Бөек Ватан сугышына багышланган «Җиңү поезды» күчмә күргәзмәсенә экскурсия оештырылды. Күргәзмә ун тематик вагонда урнашкан, аларның һәрберсе Бөек Ватан сугышы вакыйгалары турында сөйли. Бу хәрәкәт итүче поездда дөньяда беренче интерактив экспозиция.Мәдәният бүлеге җитәкчесенә бүгенге тәгәрмәчле күргәзмәне карарга мөмкинлек биргәне өчен зур рәхмәтебезне белдерәбез. Әлеге чара һәркемгә ошады, бик кызыклы һәм гыйбрәтле булды.