ЯҢАЛЫКЛАР
25 февраль көнне Иштуган мәдәният йорты белгечләре төрле клуб оешмаларының актив әгъзалары өчен район мәдәният йортына Мансур Гыйләҗев пьесасы буенча куелган "Казан егетләре яки авыл маҗаралары" спектакленә культпоход оештырдылар. Бу авыл һәм шәһәр менталитетында төзелгән иң гади комедия. Сюжет буенча 90 нчы елларда бик популяр булган «Казан егетләре» спектакле буенча Казаннан дүрт егет авылга эләгә, анда- барысы хатын – кызлар. Ә бу спектакльдә киресенчә, авыл гүзәлләре "Казан" егетләренә кунакка килә. Спектакльнең сюжеты шәһәр балалары һәм авыл кызлары арасындагы мөнәсәбәтләрне үстерүгә корылган. Зур актерлык уены, режиссура,декорацияләр. Спектакль тере һәм җиңел , шул ук вакытта гыйбрәтле һәм тирән мәгънәле иде. Спектакль азагында тамашачы алкышларга күмде, артистларны җибәрергә теләмәде. Залда тамашачылар күп иде, театр сөючеләр районның барлык җирлекләреннән килгәннәр.
28 февраль көнне Килдебәк мәдәният йорты хезмәткәрләре китапханәче белән берлектә «Стоп-террор» исемле киңәшләшү сәгате үткәрделәр. Яшьләр белән террорчылык акты янаган очракта үз-үзләрен тотышның төп кагыйдәләре белән таныштылар. Чарада катнашучылар терроризмның хәзерге заманның иң куркыныч күренешләре арасына керүен белделәр. Террорчылык актлары еш кына массакүләм корбаннар китерә, матди һәм рухи кыйммәтләрне җимерүгә китерә, кайчагында торгызылмый торган дәүләтләр арасында дошманлык тарата, сугышлар, милли һәм социаль төркемнәр арасында ышанычсызлык һәм нәфрәт уята, алар кайвакыт буын гомере дәвамында җиңеп булмый
28 февраль көнне Миңгәр авыл клубында Олы Нырты мәдәният йорты һәм Олы Арташ авыл клубы хезмәткәрләре “Язгы моңнар” дигән исем астында бәйрәм концерты үткәрелделәр. Бәйрәм кунакларын төрле кызыклы концерт программасы көтте . Концерт дәвамында сәхнәдән кызыклы скетчлар һәм котлаулар яңгырады. Чыгыш ясаучылар бик тырыштылар һәм катнашучыларга кызыклы иҗади программа бүләк иттеләр. Шулай ук балалар да тамашачылар күңелендә онытылмас тәэсирләр калдырды. Гомумән алганда, концерт җылы һәм дустанә шартларда узды. Бәйрәм бик матур чыгышлар белән истә калды,барлык катнашучыларга күтәренке кәеф бүләк итте.
27 февраль көнне Шәмәрдән мәдәният йорты белгече С.М.Фәтхуллина «Салават күпере» балалар бакчасы балалары өчен ТРда милли мәдәният һәм традицияләр елына багышланган «Я рисую...» дигән рәсем конкурсы оештырды. Чара башында алып баручы балаларга мәдәният, милли традицияләр турында сөйләде һәм әлеге тема буенча орнаментлы төрле фигуралар таратты. Аннан соң барысы да бердәм рәвештә сурәтләү эшчәнлегенә кереште. Бергә иҗади эш вакытында балалар чын рәссамнар кебек тырыштылар. Рәсемнәр конкурсы кызык үтте, чара стена газетасын рәсмиләштерү белән тәмамланды. Алып баручы бу темага зур җаваплылык белән карады, чөнки балаларны халык мәдәниятенең килеп чыгышына тарту мәктәпкәчә яшьтәге балаларда патриотик хисләр формалаштырырга һәм рухилыкны үстерергә мөмкинлек бирә.
27 февраль көнне Шәмәрдән мәдәният йортында «Эхо веков в истории семьи – Тарихта без эзлебез» дигән Республика нәсел бәйгесенең зона туры узды. Конкурсның максаты – милли мәдәниятне, шәҗәрә традицияләрен торгызу, саклау һәм үстерү, рухи мирасны яшь буын вәкилләренә тапшыру. Фестивальдә түбәндәге гаиләләр катнашты: Тимершык авылыннан Хантимеровлар, Юлбат авылыннан Рәхимуллиннар, Кызыл Мишәдән Галимовлар. Конкурсны ачу өчен Татарстан Республикасы Дәүләт архивы директорының фәнни тикшеренүләр һәм басмалар буенча урынбасары Сафиуллина Лиана Иреклям кызы, Саба муниципаль районы Башкарма комитеты җитәкчесе урынбасары – Башкарма комитет Аппараты җитәкчесе Кәримов Марат Рәшит улы, Саба муниципаль районының мәдәният бүлеге җитәкчесе Заһидуллин Рөстәм Фидаил улы чыгыш ясадылар. Жюри әгъзалары Казаннан килгән кунаклар: Мочалов Денис Владимирович – доцент, педагогика фәннәре кандидаты, югары сәнгать мәктәбе факультеты; Хөснетдинова Ләлә Марат кызы – театр, кино һәм телевидение факультеты магистры, театр иҗаты кафедрасы; Конкина Анна Сергеевна – югары сәнгать мәктәбе магистры, музыка сәнгате кафедрасы. Мәдәният йорты фойесында һәр гаилә күргәзмә оештырды, анда шәҗәрәнең тарихи фактлары сөйләнде һәм күрсәтелде. Аннары сәхнәдә «Знакомьтесь, моя семья, мой род!» шәҗәрә презентациясе белән һәр гаилә чыгыш ясады. Жюри нәтиҗәләрен чыгарган вакытта Шәмәрдән мәдәният йорты хезмәткәрләре концерт программасы оештырды. «Эхо веков в истории семьи – Тарихта без эзлебез» Республика конкурсының зона турында Тимершык авылыннан Хантимеровлар гаиләсе җиңү яулады.
26 февраль көнне Туктар авыл клубында Олы Нырты мәдәният йорты һәм Олы Арташ авыл клубы хезмәткәрләре “Язгы моңнар” дигән исем астында бәйрәм концерты үткәрелделәр. Бәйрәм кунакларын төрле кызыклы концерт программасы көтте . Концерт дәвамында сәхнәдән кызыклы скетчлар һәм котлаулар яңгырады. Чыгыш ясаучылар бик тырыштылар һәм катнашучыларга кызыклы иҗади программа бүләк иттеләр. Шулай ук балалар да тамашачылар күңелендә онытылмас тәэсирләр калдырды. Гомумән алганда, концерт җылы һәм дустанә шартларда узды. Бәйрәм бик матур чыгышлар белән истә калды,барлык катнашучыларга күтәренке кәеф бүләк итте.
Буыннар хәтере һәр кеше тормышында бик мөһим. Буынның никадәр күп булуын ачыклагач, без бөтен кешеләрнең һәм безнең белән яшәүче кешеләрнең никадәр көчле икәнен ачыклыйбыз. 27 февраль көнне , Шемордан м/й «Тарихта без эзлебез» Республика шәҗәрәләре конкурсының муниципаль турында Юлбат мәдәният йорты, китапханә, Тенеки һәм Йосыф-Алан авыл клубы хезмәткәрләре Рахимуллиннар нәселе командасында катнаштылар.
Командаларны бәяләү кунаклар-жюри әгъзаларын җыр белән каршу алу, буыннан-буынга күчеп килгән гаилә ризыкларын, нәсел күргәзмәсенең эксклюзив ядкарь экспонатлары, шәҗәрәне картиналарда һәм башка кул эшләрендә "Шәҗәрә" гаилә агачының чагылышы күрсәтү белән башланып китте.
Нәселебезнең казанышларын , аның үзенчәлеген билгеләүче тарихи фактларны кунакларга ТР Дәүләт архивы директорының фәнни тикшеренүләр һәм басмалар буенча урынбасары Сафиуллина Лиана Иреклямовнага, Саба муниципаль районы Башкарма комитеты җитәкчесе урынбасары – Башкарма комитет җитәкчесе Кәримов Марат Рәшит улына, Саба муниципаль районы мәдәният бүлеге җитәкчесе Заһидуллин Рөстәм Фидаил улына күрсәтелде. Жюри составында Казаннан килгән кунаклар да бар иде: Мочалов Денис Владимирович-доцент, педагогика фәннәре кандидаты, югары сәнгать мәктәбе факультеты, Хөснетдинова Ләлә Марат кызы –театр, кино һәм телевидение факультеты магистры, театр иҗаты кафедрасы, Конкина Анна Сергеевна-югары сәнгать факультеты магистры, музыкаль сәнгать кафедрасы,алар безнең чыгышларны фестиваль нигезләмәсе кретерийлары буенча бәяләделәр. Дәвамы сәхнәдә "Минем гаиләм, минем нәселем!" Шәҗәрә презентациясе белән якты концерт номерын үз эченә алды. Жюри нәтиҗәләрен чыгарган вакытта Шәмәрдән мәдәният йорты хезмәткәрләре концерт программасы оештырды. «Гаилә тарихында Гасырлар кайтавазы-тарихта без эзлебез!» муниципаль турының республика шәҗәрәсе фестивалендә Рәхимуллиннар гаиләсе 3 нче урынга лаек булды
Иске Мичән мәдәният йортында 26 февраль көнне Ватанны саклаучылар көненә багышланган "Кунак бит шоу" дип исемләнгән чара узды. Тантана авыл җирлеге башлыгы котлавыннан башланып китте. Чарада шулай ук Кызыл Мишә мәдәният йорты хезмәткәрләре дә катнашты.Бәйрәм атмосферасында бергәләп күңел ачып, бергәләп аралашу тамашачылар күңеленә бик хуш килде. Бәйрәм кичәсе тантанада катнашучыларның кәефен күтәрде, барысында да уңай тәэсирләр калдырды.
26 февраль көнне Елыш авыл клубында "Мәхәббәт турында җырлыйбыз" дип исемләнгән караоке-батл уздырылды. Хәр заманның яратып җырлый торган үз җырлары була. Әлеге уенда катнашучылар үзләренең яраткан җырларын искә төшерделәр, музыкаль викторинада катнаштылар,һәм уеннар уйнадылар. Җыр сүзләрен кем кубрәк белүдә үзләрен сынадылар, бергәләп күмәк җырлар башкардылар. Электә хәзер дә үзенең популярлыгын югалтмаган җырларны искә алдылар. Вакытның узганы сизелмәдедә. Җыр, уен-көлке белән һәркем үзенә уңай тәэсир алды.
23 февраль-хәрбиләр бәйрәме генә түгел, ул барлык ир-атлар өчен дә бәйрәм, чөнки һәр кеше күңелендә Ватанны, гаиләне, дусларны һәм, әлбәттә, хатын-кызларны саклаучы бит. 25 февраль көнне Юлбат мәдәният йортында Юлбат авыл җирлеге үзешчәннәренең «Солдат һәм җыр һәрвакыт бергә» патриотик номерларына бай тантаналы концерты узды .
Махсус операциягә мобилизацияләнгән катнашучыларның гимны булган җырлар, дулкынландыргыч патриотик шигырьләр, әниләр турында җырлар һәм төрле музыкаль инструментлар белән коллектив чыгышлары яңгырады. Чарада безнең яклаучылар, чын ир-атлар һәм Украинадагы махсус хәрби операциядә катнашучылар өчен горурлык яңгырады.
Концерт программасының һәр номеры Ватан алдындагы бурычларын лаеклы үтәүче бүгенге буын ир-атлары белән горурлыгыбыз турыда сөйләде. Тормышларын куркыныч астына куеп, алар кешеләрнең гомерләрен саклап калу, ил файдасына эшләр кылалар!
Бөек культурабыз безгә шәфкатьле булып калырга, бер-беребезне һәм туган җирне яратырга ярдәм итә. Ватанны саклаучылар көненә багышланган бәйрәм концерты тулы зал, уңай кәеф , уңай эмоцияләр , тәэсирләр, көчле алкышлар белән тәмамланды. Мәртен авыл клубы мөдире музыкаль бизәлештә катнашты.