ЯҢАЛЫКЛАР
Яз! Яз, һава кебек чиста! Март ае җиткәч, балалар кояш, җылылык, беренче чәчәкләр турында хыяллана башлыйлар. Табигать ул бик яхшы рәссам. Яз җиткәч бар табигать уяна барлык төсләрне үз эченә алып сокландыра һәм гаҗәпләндерә башлый. Балалар барысын да ак биттә күрсәтергә телиләр. 26 мартта Урта Нырты авыл клубында «Яз килде»дип аталган рәсемнәр конкурсы үткәрелде. Конкурста балалар табигатькә булган мәхәббәтләрен, шулай ук бу матурлыкны кәгазьгә кисточка, буяулар һәм карандашлар ярдәмендә ничек җиткерә алуларын күрсәттеләр.
Милли мәдәниятләр һәм традицияләр елы кысаларында, милли бәйрәмгә, гореф-гадәтләргә һәм традицияләргә кызыксынуны үстерү максатыннан, 26 мартта Куюк клубында Нәүрүз бәйрәме уздырылды.Нәүрүз бәйрәме-Яңа елда беренче көн., кеше һәм табигатьнең яңартылуын символлаштыра. Бәйрәмдә кызлар һәм малайлар, аларның әниләре ,аби-бабайлары катнашуы сөендерә. Балалар һәм өлкәннәр рәхәтләнеп уйнадылар, ярыштылар, күңел ачтылар. Уеннардан соң барысы да кайнар камыр ризыклары, тәм-томнар белән сыйланды. Бүген Нәүрүз-игелек һәм үзара хөрмәт, мәрхәмәт һәм юмартлык символы, бу-дуслык бәйрәме.
25 мартта Өчиле авыл клубында Нәүрүз бәйрәме уздырылды.Зур казанда "Карга боткасы" пешерелде, самоварда чәй кайнап торды.Ә ботка пешкән арада, берничә уен уйнатылды.Аннары без түгәрәк өстәл янына җыелдык, ботка ашадык һәм тәмле чәй,коймак белән сыйландык.
26 мартта Лесхоз мәдәният йорты хезмәткәрләре китапханәче белән берлектә Сабабаш авылы халкы өчен «Хуш киләсең Нәүрүз» күңел ачу бәйрәме оештырдылар һәм үткәрделәр. Нәүрүз-язның килү бәйрәме, тынычлык һәм игелек, кунакчыллык һәм муллык бәйрәме. Милли бәйрәмнәр һәрвакыт үзенчәлекле атмосфера, гадәти булмаган традицияләр белән әйләндереп алынган. Бу көн табигатьне яңарту дигән сүз. Безнең чара бик җанлы, музыкаль, Кояшлы һәм тәмле үтте. Бәйрәм мәдәният йорты хезмәткәрләренең әзерләнгән сәхнәсе белән башланды, ә ул актив халык арасындагы ярышлар белән дәвам итте. Кечкенә балалар өчен дә ,абиләр өчен дә күңелле уеннар оештырылды. Актив уеннардан соң безне тәмле төшке аш көтә иде, «Нәүрүз» бәйрәме традициясе буенча бу казанда әзерләнгән «Карга боткасы», шулай ук тәмле чәй белән блиннар.
Милли мәдәниятләр һәм традицияләр елы кысаларында, милли бәйрәмнәргә һәм гореф-гадәтләргә, традицияләргә кызыксынуны үстерү максатыннан 25 марттта Олы Нырты мәдәният йорты хезмәткәрләре халык традицияләрен саклау йөзеннән мәктәп укучылары өчен-«Кич утыру» дигән фольклор бәйрәм үткәрделәр. Бәйрәмгә килгән балалар татар фольклоры жанрларының төрле булуын һәряклап исбат иттеләр. Алар мәкаль һәм әйтемнәрне, борынгы бишек җырларын искә төшерделәр, борынгы бабаларыбызның ничек яшәгәннәрен, нинди әкиятләр тыңлаганнарын, ничек киенгәннәрен һәм нәрсә уйнаганнарын белделәр. Татар җыры бөтен җирдә моңлы булуы белән дан тота. Халкыбыз аны эштә, кырда, туйларда һәм утырмаларда җырлаган.Фольклор бәйрәм- бию, шаяру, җыр-биюле уеннар һәм күңел ачулар белән үрелеп барды. "Гөлбану "," Наза" уеннары , катнашучылар башкарган җырлар һәркемнең күңеленә барып җитте.
25 мартта Сулэ авыл клубында "Без тарихта эзлебез" проекты буенча "Минем гаилэм-минем горурлыгым" дип исемлэнгэн зур бәйрәм узды.Бәйрәмдә Сулэ авылына нигез салган Эхми солдат нәселенең нэсел дэвамчылары катнашты. Бу бәйрәмгә элеге нәселнен матур гаиләләре җыелган иде.Үз чиратында, искиткеч гаиләләр әти-әниләре ,эби-бабайлары турында сөйләделәр.Матур хатирәләрне искә төшереп, алар белән уртаклаштылар.Һәр чыгарылыш презентация белән чиратлашып барды.Гаиләләр концерт номерлары да әзерләгәннәр иде.Килгән һәр кунак бу бәйрәм өчен рәхмәтен белдерде.Бу көн күпләрнең хәтерендә бик искиткеч һәм җылы көн булып калачак.Бәйрәм Корсабаш мәдәният йорты белгечләре һәм авыл китапханәсе мөдире белән берлектә үткәрелде.
25 мартта Сулэ авыл клубында "Без тарихта эзлебез" проекты буенча "Минем гаилэм-минем горурлыгым" дип исемлэнгэн зур бәйрәм узды.Бәйрәмдә Сулэ авылына нигез салган Эхми солдат нәселенең нэсел дэвамчылары катнашты. Бу бәйрәмгә элеге нәселнен матур гаиләләре җыелган иде.Үз чиратында, искиткеч гаиләләр әти-әниләре ,эби-бабайлары турында сөйләделәр.Матур хатирәләрне искә төшереп, алар белән уртаклаштылар.Һәр чыгарылыш презентация белән чиратлашып барды.Гаиләләр концерт номерлары да әзерләгәннәр иде.Килгән һәр кунак бу бәйрәм өчен рәхмәтен белдерде.Бу көн күпләрнең хәтерендә бик искиткеч һәм җылы көн булып калачак.Бәйрәм Корсабаш мәдәният йорты белгечләре һәм авыл китапханәсе мөдире белән берлектә үткәрелде.
Безнең мәдәният хезмәткәрләре һәрвакыт энтузиазм, иҗади планнар һәм кызыклы уйланулар белән тулы. Мәдәният йортларының тормышы кызыклы чаралар белән тулган. 25 март көнне Юлбат мәдәният йорты хезмәткәрләре, мәдәният хезмәткәрләре көненә багышлап, үзләренең һөнәри бәйрәмнәрен балалар белән билгеләп үттеләр. Бу көн туган җирнең рухи үсешенә һәм барлык сәнгать төрләрен популярлаштыруга бәяләп бетергесез өлеш кертүчеләрне берләштерә, кешеләргә яхшылык һәм елмаю бүләк итеп бәйрәм булдыручыларны берләштерә. Чарада катнашучылар стена газетасының дизайнын аеруча кәеф белән эшләделәр, чөнки бу бәйрәм турыдан-туры иҗатка кагыла һәм якынлашып килүче театр көнен берләштерә.
Юлбат мәдәният йорты чарада катнашучылар белән бергә мәдәният хезмәткәрләрен һөнәри бәйрәмнәре белән котлый! Сезгә иҗади илһам, фикерләр һәм фантазияләр очышы, яңа проектларны уңышлы тормышка ашыру! Бәхет һәм муллык!
25 март көнне Килдебәк мәдәният йорты хезмәткәрләре ,авыл китапханәчесе белән берлектә «Его величество театр» дип исемләнгән театр сәгате үткәрделәр. Чара театрның килеп чыгышы, тарихы турында сөйләү белән башланып китте. Балалар театр һөнәрләре турында кызыксындылар: актерлар һәм актрисалар, рәссамнар, режиссерлар, гримерлар, костюмерлар, суфлерлар, яктылык операторлары турында да аңлатылды. Балалар үзләре дә театральләштерелгән «Шалкан» сценкасында уйнап карый алдылар.
Халыкара театрга багышланган чара, балаларга матур сәнгать төре белән очрашу шатлыгын бүләк итте. Очрашу бик күп уңай эмоцияләр һәм тәэсирләр калдырды.
25 март көнне Лесхоз мәдәният йортында рус бильярды буенча зона ярышлары узды, анда Лесхоз бистәсендә, Юлбат авылында һәм Туктар авылында яшәүчеләр катнашты. Турнир әлеге спорт төрен хөрмәт итүчеләрне җыйды. Адреналин, дәрт, яхшы нәтиҗәне күрсәтү теләге уенчыларга бер генә минутка да тын алырга ирек бирмәде һәм катнашучыларны иң яхшы рәвештә җиңүгә этәрде. Уен барышында дуслык шартларында ныклы ярыш дәвам итте, турнирда катнашучыларның дәртләре , кичерешләре кайнады һәм беренче өч призлы урынның интригасы ахырга кадәр сакланды. Барлык катнашучылар да бильярд сөючеләр өчен яхшы һәм тигез уен күрсәттеләр. Нәтиҗә ясаганнан соң, безнең авылдан катнашучы Сәйфуллин Минсур призлы 3 урынны яулады.