ЯҢАЛЫКЛАР

13 мартта Габдулла Тукай исемендәге Татар дәүләт филармониясендә Татарстан киносының йөз еллыгына багышланган тантаналы чара узды. Бәйрәмдә БДБ илләре киностудияләре җитәкчеләре, республика кино тармагы ветераннары, режиссерлар, продюсерлар һәм Татарстан кино учреждениеләре хезмәткәрләре, шулай ук Мәскәүдән һәм Россиянең башка төбәкләреннән «Татаркино» дуслары һәм партнерлары катнашты. Тантанада Саба районы мәдәният хезмәткәрләре делегациясе дә катнашты.Юбилей котлаулар, бүләкләр тапшырулар, "Таткино" һәм "Татаркино"кинематография берләшмәсе төшергән хроникаль кадрлар күрсәтү белән үрелеп барды. Чын профессионаллар: "La Primavera" Казан камера оркестры, театр һәм кино йолдызлары, ТРның атказанган һәм халык артистлары башкарган музыкаль номерлар тантананың матур бизәге булды. Саба районы мәдәният хезмәткәрләре, истә калырлык матур һәм эчтәлекле юбилей чарасында катнашып, мәдәният бүлеге башлыгы Р.Ф. Заһидуллинга әлеге тантанада катнашу мөмкинлеге тудырганнары һәм сәфәрне оештырганнары өчен рәхмәт белдерәбез.

Сәламәтлек – кешенең иң кыйммәтле әйбере, ул теләсә нинди байлыктан кыйммәтрәк. "Акчаны югалттым - берни дә югалтмадым, вакыт югалды-күп нәрсәне югалттым, сәламәтлегем югалттым-барысын да югалттым»дип тикмәгә генә әйтмиләр. Шуңа күрә балачактан үз сәламәтлегеңә сакчыл карау бик мөһим.13 март көнне Иштуган мәдәният йорты белгечләре «Сәламәтлек  әлифбасы»дигән әңгәмә уздырдылар. Фельдшер сәламәт яшәү рәвешенең әһәмияте, аның кыйммәте, һәр кешенең тормышындагы роле турында сөйләде. Чара барышында көндәлек режим, дөрес туклану,витаминнар,зарарлы гадәтләр турында фикер алыштылар. Сәламәт диета һәм үләннәр, җиләк-җимешләрнең дәвалау үзенчәлекләре турында сөйләштеләр. Сәламәтлек өчен физкультура һәм спорт белән шөгыльләнү бик файдалы, дип сөйләделәр. Укучылар үзләренең белемнәре, көн тәртибе белән уртаклаштылар, сәламәтлек турында сөйләштеләр. Чара барышында укучылар рәхәтләнеп зарядка ясадылар, викториналарда һәм «Спорт һәм туклану», «Хисләр органнары», «Мәкальне тәмамла» конкурсларында катнаштылар. Үткәрелгән чара барышында балалар сәламәт яшәү рәвеше буенча кирәкле белемнәр, күнекмәләр алдылар һәм аларны көндәлек тормышта кулланачаклар.

15 март көнне район мәдәният йортында В.Г. Тимирясов исемендәге Казан инновацион университеты дипломнарын тапшыру тантанасы булды. Котлау сүзе белән Саба муниципаль районы мәдәният бүлеге башлыгы Р.Ф. Заһидуллин, бизнес-белем бирү һәм цифрлы технологияләр институты директоры Мөхәммәтханова Неля Илдус кызы, куратор, бизнес-белем бирү һәм цифрлы технологияләр институтының укыту-методик бүлеге җитәкчесе Луконина Фирүзә Дамир кызы чыгыш ясадылар. Саба муниципаль районы мәдәният бүлегенең 15 хезмәткәре «Мәдәният өлкәсендә менеджмент» программасы буенча һөнәри өстәмә укулар үттеләр.

 Халкыбызның гореф-гадәтләрен саклау-яшьләрнең рухи тәрбиясенең мөһим өлешләренең берсе. Бу олы буын тәҗрибәсен яшьләргә тапшыру. 14 март көнне Юлбат мәдәният йорты һәм китапханә хезмәткәрләре «Әбием сандыгы» -исем астында гаилә серләре сәгате үткәрделәр . Йолаларны искә төшерделәр һәм буыннан-буынга тапшырыла торган борынгы кыйммәтле ядкарьләрне күрсәттеләр.Зирәклекнең барлык серләре сандыкка җыелган. Халыкта әбиләребезнең сандыгы зирәклек һәм белем хәзинәсе дип сөйлиләр. Яшьләрнең гаилә гореф-гадәтләрен  һәм ядкарьләрен саклауның мөһимлеген аңлаулары безне шатландыра.

2024 елның 13 мартында Яңа Мичән мәдәният йортында авыл китапханәсе белән берлектә«Без булачак сайлаучылар»дигән мәгълүмат сәгате уздырылды. Балаларны бәйрәмнең барлыкка килү тарихы белән таныштырдылар, сайлаулар үткәрү кагыйдәләре һәм һәр тавышның дәүләт өчен мөһимлеге турында сөйләделәр. Шулай ук катнашучыларны"Яшь сайлаучылар-хәзерге Россиянең өмете»китап күргәзмәсендә тәкъдим ителгән сайлау хокукы турында әдәбият белән таныштырдылар. Балалар сайлау алды программасы, бюллетень, урна, тавыш бирү өчен кабина, кандидат төшенчәләренең мәгънәсен белделәр, тавыш бирү участогы бинасыннан тыш тавыш бирүнең ничек узуы турында белделәр.

13 нче март көнне Шәмәрдән мәдәният йорты белгече С.М.Фәтхуллина Шәмәрдән лицееның 4 нче «В» сыйныфында укучы балалары өчен Россия Федерациясендә гаилә елына багышланган «Проблемы современной семьи» дип исемләнгән тематик сәгать үткәрде. Чара хәзерге гаиләнең мөһим аспектлары, аның проблемалары һәм кыйммәтләре турында фикер алышудан башланып китте. Шулай ук гаилә мөнәсәбәтләренә, үзара аңлашуга һәм гаилә эчендәге бурычларга кагылышлы темалар да күтәрелде. Ачык дискуссиядә балалар гаилә кыйммәтләренә үз фикерләре һәм карашлары белән уртаклаштылар, шулай ук алар өчен уен формасында төрле кызыклы биремнәр оештырылган иде. Тематик сәгать гаилә традицияләре һәм кыйммәтләре турында җылы әңгәмә белән тәмамланды.

13 март көнне Габдулла Тукай исемендәге Татар дәүләт филармониясендә татар киносының йөз еллыгына багышланган тантаналы чара узды. Бәйрәмдә СНГ илләре киностудияләре җитәкчеләре, республика кино тармагы ветераннары, режиссерлар, продюсерлар һәм Татарстан кино учреждениеләре хезмәткәрләре, шулай ук Мәскәүдән һәм Россиянең башка төбәкләреннән «Татаркино» дуслары һәм партнерлары катнашты. Тантанага чакырылган кунак-Саба районы мәдәният хезмәткәрләре делегациясе, аның җитәкчесе - «Саба ЦСКС» (РДК) МБУ директоры А.Н.Гүзәлов. Юбилей котлаулар, бүләкләр тапшырулар, «Таткино» һәм «Татаркино» кинематография берләшмәсе төшергән хроникаль кадрлар күрсәтү белән үрелеп барды. Чын профессионаллар: «La Primavera» Казан камера оркестры, театр һәм кино йолдызлары, ТРның атказанган һәм халык артистлары башкарган музыкаль номерлар тантананың матур бизәге булды. Шәмәрдән мәдәният йорты белгечләре истәлекле матур һәм эчтәлекле юбилей чарасында катнаштылар.

  10 мартта Гаилә елы кысаларында Югары Шытсу мәдәният хезмәткәрләре китапханәче белән берлектә “Кунакка рәхим ит” исеме астында урам бәйрәме оештырдылар. Бу көнне бигрәк тә балалар көтеп алды. Алар белән бергә ботка өчен ярма, Нәүрүз бәйрәме өчен бүләкләр, күчтәнәчләр җыелды. Һәр өйгә иминлек теләнде, шигырьләр белән һәркем бәйрәмгә чакырылды. Авылдашлар чакыруны бик теләп кабул итте. 

7 мартта  Халыкара хатын-кызлар көненә Югары Шытсу мәдәният йорты хезмәткәрләре китапханәче белән берлектә махсус хәрби операциядәгеләрнең гаиләләренә ярдәм йөзеннән “Чын күңелдән” дигән бәйрәм кичәсе – хәйрия концерты оештырдылар. Бәйрәмгә уллары махсус хәрби операциядә булган әниләр дә чакырылган иде. Башта бәйрәм белән авыл җирлеге башлыгы башлыгы Мәүлетов Б.М., “Шытсу” җәмгыяте вәкиле Салихов И.Х. котладылар һәм җыр бүләк иттеләр. Программа заманча һәм халык җырлары, биюләре белән үрелеп барды, халык музыка уен коралларында көйләр башкарылды. Тематик китап күргәзмәсе тәкъдим ителде. “Чын күңелдән” дигән бәйрәм кичәсеннән һәркем шәфкатьлелек хисләре, яхшы кәеф белән таралышты. 

12 март конне Сулэ авыл клубында "Кошлар - безнең дуслар"дигән әңгәмә уздырылды.Кеше гомере буе кошлар, зур һәм кечкенә, кыргый һәм йорт кошлары белән уратып алынган. Алар безне үз җырлары белән сөендерәләр, бакчаларны һәм агачларны саклыйлар, зарарлы бөҗәкләрне юк итәләр. Ләкин кошлар да кеше ярдәменә мохтаҗ, бигрәк тә кышкы вакытта, аларга азык җитмәгәндә. Балалар канатлы планетаның кайбер вәкилләре, кошлар тормышыннан кызыклы мизгелләр турында белделәр.

   Чара барышында балалар үзләренең белемнәре белән уртаклаштылар: нинди кошлар бездән көз көне очалар, ә кайсылары безнең белән ел әйләнәсе яшиләр.Викторина сорауларына рәхәтләнеп җавап бирделәр, кошлар турында табышмаклар чиштеләр. Ахырда Без кышлаучы кошларны рэсемдэ ясадык.