ЯҢАЛЫКЛАР

9 январь көнне Шәмәрдән мәдәният йорты белгече «Үсеш» лицееның беренче сыйныф укучылары өчен «Необыкновенные превраәения» мастер-классы үткәрде. Балалар энтузиазм белән булачак матрешка курчакларының детальләрен кисеп алдылар. Төсле кәгазьдән яшь осталар ачык йөзләр һәм матур күлмәкләр ясаганнар. Эш барышында балалар вак моторика, иҗади хыял һәм кәгазь белән эшләү күнекмәләрен үстергәннәр. Мастер-класс беренче сыйныф укучыларына иҗат шатлыгы һәм үз куллары белән оригиналь эшләнмәләр ясау мөмкинлеге бүләк итте.

8 январь көнне Олы Нырты мәдәният йорты, китапханә  , Язлы Арташ , Чабья-Чурча авыл клублары белән берлектә балалар өчен "Кышкы уеннар"дип исемләнгән искиткеч экскурсия оештырдылар. Балалар тауда  шуып һәм кышкы шатлыклардан ләззәтләнеп вакытларын күңелле үткәрделәр. Актив шуганнан соң алар попкорн белән кызыклы кино карадылар, бу бәйрәм атмосферасын өстәде. Балалар шулай ук шигырьләр әзерләделәр, алар Кыш бабайга һәм Кар кызына шатланып сөйләделәр, моның өчен бүләкләр белән бүләкләнделәр. Бу онытылмаслык, шатлыклы һәм кызыклы  кышкы маҗара иде!

7 январь көнне Олы Нырты мәдәният йорты хезмәткәрләре Саба район мәдәният йортына Х.Тимербаевның юбилей кичәсен карарга бардылар. Кичәдә ,аның хезмәтен хөрмәтләп килгән, зур дәрәҗәле кунаклар катнашты. Казан шәһәреннән килгән артистлар матур чыгышлары белән халыкны ял иттерделәр. Иҗат  кичәсе югары дәрәҗәдә оештырылган иде,һәркем ял итеп , юбилярның иҗат юлына сокланып ,горурланып утырды.

 Балалар өчен кыш, көтеп алынган һәм яраткан вакыт! Сер түгел, балаларның физик үсешен, организмын ныгыту өчен мөмкин кадәр күбрәк вакытны саф һавада үткәрергә кирәк. Балалар, өлкәннәр өчен иң гади һәм үтемле сәламәтләндерү чарасы булып саф һавада  йөрү тора. 7 гыйнвар көнне Олы Нырты авыл мәдәният йорты  хезмәткәрләре ,укучылар өчен,  « Кышкы каникулларны күңелле үткәрәбез» дигән исем астында ,сәламәт яшәү рәвешенә һәм актив ял итүгә багышланган, тимераякта шуу оештырдылар. Без барыбыз да Лесхоз бистәсендәге -«Нарат» боз сараенда урнашкан "Боз әкияте "нә эләктек. Кемнәр шуа белэ, алар  җиңел генә тимераякта  шуалар, ә кайберлэре  беренче тапкыр тимераякка бастылар. Тимераякта шуу, көч һәм батырлык белән бергә, тигезлекне саклап,  егылмыйча хәрәкәт итүне тәлап итә. Саф салкын һава да, күңелле музыка астында, күңелле кәеф тә, өлкәннәрнең ышанычлы җилкәсе булуы да балаларга ышаныч өстәде.

7 январь  көнне Югары Шытсу мәдәният йорты хезмәткәрләре “Сюрпризлы чыршы” дигән Яңа ел кичәсе үткәрделәр. Чыршыда артларына уен-сюрпризлар язылган уенчыклар ээленгән иде. Кыш бабай кигәннән соң балалар уенчыкларны сайлап, кызыклы биремнәр үтәделәр, клоун белән “Шариклар”, “Чыршыкайлар” һәм башка уеннар уйнадылар. Һәркем Кыш бабайдан күчтәнәчләр алды. Шулай ук Кыш бабай әтиләре МХОда булган балаларны котлады, бүләкләр тапшырды. Кичә бик күңелле үтте, барлык балаларга да ошады.

8 январь көнне Лесхоз мәдәният йорты хезмәткәрләре һәм «Яшьлек» яшьләр үзәге тренеры Вәлиев Илназ белән берлектә балалар өчен өстәл теннисы буенча «Кыш Бабай призына» Яңа ел турниры оештырдылар. Турнир җылы, дустанә шартларда узды. Чарада катнашучылар үзләренең осталыкларын һәм җитезлекләрен күрсәттеләр. Спорт бәйрәменең төп бүләге уңай хис-кичерешләр һәм яхшы кәеф булды. Ярышта Н. Әхмәтшин җиңде, икенче урынны С.Хаҗиәхмәтов алды, өченче урында Э. Новиков урнашты. Барлык җиңүчеләрне котлыйбыз һәм барлык катнашучыларга матур уеннары өчен рәхмәт белдерәбез.

Килдебәк мәдәният йорты хезмәткәрләре 8 январь көнне балалар белән рәсем конкурсы уздырдылар .Балалар тырышып  үзләренең рәсемнәрен ясадылар.Рәсемнәрен ясап бетергәннән соң, барлык катнашучы балалар үзләренең  һәм башкаларның эшләренә соклану мөмкинлеге булды.Алар үзләренең фантазияләрен һәм иҗатын күрсәттеләр. Балалар үз эшләрендә кышны бөтен матурлыгы, ялтырап торган кар һәм каты салкынны күрсәттеләр. Кышкы пейзажлар, тәрәзәдәге сәер бизәкләр сурәтләнгән иде. Борынгы ышанулар буенча, аларны Кыш бабай үзе ясый диптә әйтелде. Конкурс тылсымлы бәйрәм атмосферасын булдыру өчен оештырылды.

8 январь көнне Лесхоз мәдәният йорты хезмәткәрләре дендрология бакчасында туристлар өчен Яңа ел тамашасы куйдылар. Кукмара һәм Сабадан килгән кунаклар квест-уен ярдәмендә югалган Кыш бабайны һәм Кар кызын эзләделәр. Кунакларны сөйкемле Эт белән Мәче каршы алды. Кыш бабай белән Кар кызын Убырлы карчык урлаган икән. Убырлы карчыкның биремнәрен үтәгәннән соң гына алар белән очрашырга мөмкин иде. Балалар биремнәрне үтәп җырладылар, биеделәр, әйлән-бәйлән уйнадылар. Кыш бабай белән очрашудан соң кунакларны мастер-класс һәм мичтән коймак белән чәй көтте. Бәйрәм күңелле узды һәм балаларга бик күп шатлык китерде. Без һәр баланың күңеленә бәйрәм рухы кертә алуыбыз белән куандык. Һәм һәр бала Кыш бабай белән Кар кызы әкиятенә мөмкин кадәр озаграк ышансын иде!

8 январь көнне Шәмәрдән мәдәният йорты хезмәткәрләре Шәмәрдән авыл китапханәсе белән берлектә Иштуган мәдәният йорты балалары өчен «Приключения Веснушки и Кипятоши» дигән балалар спектакле күрсәттеләр. Феерик геройларның тылсым дөньясындагы мавыктыргыч маҗаралары кечкенә тамашачыларга мавыктыргыч вакыйгалар һәм Яңа ел могҗизалары белән тулы гаҗәеп тарихка чумарга мөмкинлек бирде. Бу спектакль талантлы белгечләр тарафыннан тәкъдим ителә, алар балаларга шатлык һәм онытылмас тәэсирләр китерү өчен зур ярату һәм мавыгу белән бу тамашаны әзерләгәннәр. Бөтен бәйрәм дәвамында бәйрәм атмосферасы, тылсым хөкем сөрде, уңай эмоциональ кәеф сизелде.

7 гыйнвар көнне Туктар авыл клубы православие бәйрәме Раштуа көненә багышланган әңгәмә үткәрде. Чарада катнашучылар белән безнең күпмилләтле илдә яшәвебез һәм башка милләтләрнең бәйрәмнәрен хөрмәт итәргә һәм белергә тиешлегебез турында сөйләштеләр.