ЯҢАЛЫКЛАР
Табигатьнең көзләре булган кебек, гомернең дә язлары, көзләре була. Олыгайган саен гомернең язларын, җәйлэрен сагына, моңсулана кеше. Табигатьтә алтын көз хакимлек иткән көннәрдә, 26 сентябрь көнне Керәнне авыл клубы мөдире, «Балкыш» клуб берләшмәсенә йөрүче өлкәннәрне көзге табигатькә «Көзләр җитә диеп моңсуланма» дип исемләнгән сәяхәткә чакырды. Өлкәннәр табигать кочагында күп темаларга кызыклы әңгәмә кордылар, яшьлекләрен искә алдылар, үзләре белән булган кызыклы вакыйгалар белән уртаклаштылар, үзләренең яшьлек җырлаларын җырладылар, көзге табигатьнең гүзәллегенә сокландылар. Сәяхәт барысына да бик ошады. Өлкәннәр яхшы кәеф белән таралыштылар.
Россиядә 1 октябрь конне Өлкәннәр көне билгеләп үтелә. Бу бәйрәм соңгы вакытта Россиядә бик популяр була. Бу көнне төрле хәйрия акцияләре үткәрелә. Олкэннэр көне-ул бик якты һәм игелекле бәйрәм, чөнки без бу көнне яраткан эби-бабайларыбызның аерым игътибар җәлеп итәбез. Бәйрәм алдыннан Сулэ авыл клубы «җылылык бүләк итәргә вакыт» акция - котлау үткәрде, өлкән буынны өйдә котладылар һәм бүләкләр тапшырдылар.
Татарстан Республикасында милли мәдәниятләр һәм традицияләр елы кысаларында, 26 сентябрьдә Яңа Мичән мәдәният йорты хезмәткәрләре авыл китапханәсе белән берлектә "Тан суы алу "фольклор йоласын үткәрәләр Барлык катнашучылар татар көнкүрешенә чума алдылар, бу кабатланмас һәм онытылмас колориттан ләззәт ала алдылар.Ибраһимова Сөембикә апа безгә "Таң суы алу"йоласын өйрәтте.Китапханәче Ф.Я. Сәйфетдинова җирле халыкның туган телен һәм гореф-гадәтләрен саклау турында сөйләде. Мәдәни традицияләрне саклау кешеләрне кеше итә, үткәннәрне онытырга ирек бирми. Традицияләрне саклау-үткән һәм киләчәк арасындагы күпер.
25 сентябрь көнне Шәмәрдән мәдәният йорты каршында эшләп килүче «Тулган ай» фольклор коллективы «Балкыш» социаль-тернәкләндерү үзәгендә ял итүчеләр өчен «Ә җырларым һаман яшь килеш» дигән хәйрия концерты үткәрде. Концерт программасы якты һәм бай булды. Программа гармун астында халык җырлары, матур шигырьләр, скетч белән алып барылды. Җырлар төрле телләрдә яңгырады. Ахырда ял итүчеләр әлеге чараны оештыручыларга рәхмәт белдерделәр.
25 сентябрь көнне Шәмәрдән мәдәният йорты белгече С.М.Фәтхуллина Шәмәрдәннең «Рост» лицее укучылары өчен Татарстанда милли мәдәниятләр һәм традицияләр елына багышланган «История, культура и быт» тарихи сәгате оештырды. Бу сәгатьтә укучыларга Татарстанда яшәүче мәдәниятләрнең һәм милли төркемнәрнең күптөрлелеге, бу төрле мәдәниятләрнең һәм традицияләрнең үзара бәйләнеше һәм үзара аңлашуга һәм хезмәттәшлеккә ничек ярдәм итүе турында җентекләп сөйләде. Чарада балаларга мәдәни традицияләр, республикабыз халыкларының үзенчәлекләре, аларның костюмнары, кулинариясе, һөнәрләре һәм көнкүрешнең башка аспектлары турында тарихи белешмәләр тапшырдылар. Шулай ук һәр милли төркемнең гореф-гадәтләрен ачык мисалларын күрсәттеләр. Бу тарихи сәгать укучыларга Татарстанның төрле халыклары арасындагы үзара бәйләнешне, хөрмәтне ныгытырга ярдәм итте, толерантлык һәм үзара хөрмәт үсешенә ярдәм итте.
24 сентябрь көнне Керәнне авыл клубында өстәл уеннары кичәсе уздырылды. Яшьләр бу кичне дуслары белән файдалы үткәрделәр. Егетләр дусларча аралаштылар һәм шаярттылар, телефоннардан ял иттеләр. Шашка һәм шахмат үзара аңлашуны тирәнәйтүгә, дуслык мөнәсәбәтләрен ныгытуга ярдәм итүче тере аралашу өчен искиткеч сәбәп. Бу күңел тынычлыгы китерүче уен гына түгел, ә бәлки тәрбия чарасы да. Шахмат һәм шашка уйнау фикерләүне, хәтерне, игътибарны, иҗади фантазияне, күзәтүчәнлекне, тырышлыкны үстерә, чагыштырырга, гомумиләштерергә өйрәтә. Шахмат һәм шашка уйнап уздырган вакыт – заяга узган вакыт түгел, бу файдалы узган вакыт.
Менә көз җитте, Коз җитүен без төрле төстәге яфраклар коела башлау белән үк таныйбыз. Кызыл, сары, көрән, алтынсу төстәге яфраклар җиргә коела. Сап-сары яссы келәм булып, алар җиргә яталар. 24 сентябрьдә Олы Нырты мәдәният йорты мәдәният хезмәткәрләре «Көзге патшалыкка сәяхәт» экскурсиясен үткәрделәр. Балалар елның бу искиткеч матур, мавыктыргыч вакытын сәяхәт барышында күзәттеләр. Чара барышында көзге табигатьтә соңгы атнада нәрсә үзгәргәнен күзәттеләр. Балалар көз билгеләре, аяк астындашаулаган сары яфраклар тавышын хозурланып тыңладылар.. Балалар көз билгеләре турында кызыклы мәгьлүматләр белделәр, мәкальләрне һәм әйтемнәрне искә төшерделәр.
24 сентябрь көнне Сәрдә авыл клубында "Пушкин картасы" программасы нигезендә гипстан фигуралар ясау буенча "Кул эшләре остаханәсе" мастер-классы уздырылды. Мондый мавыктыргыч һәм кызыклы күңел ачу ярдәмендә балалар үзләренең индивидуальлеген, фантазиясен, сәнгать сәләтләрен күрсәтәләр, кулларының вак моторикасын үстерәләр. Сәрдә авыл клубы мөдире балаларга гипсның нәрсә икәнен, аның белән ничек эшлисен, иҗат өчен нинди шартлар кирәклеген аңлатты. Катнашучылар акрил буяулар кулланып, алдан әзерләнгән фигураларны үзләре теләгән төсләргә буядылар. Әзер эш матур бизәк һәм искиткеч сувенир булып хезмәт итәчәк.
24 сентябрь конне Сулэ авыл клубында әзер камырдан уенчыклар ясау буенча мастер-класс узды.
Балалар Дымков уенчыгы барлыкка килу тарихы белән таныштылар һәм Дымков уенчыгы Россиянең иң борынгы сәнгать кәсепләренең берсе икәнен белделәр. Ул 400 елдан артык яши һәм әле дә популярлыгын югалтмаган. Киресенчә, ул безнең илдә дә, аннан читтә дә үзгәрешсез уңыш белән файдалана. Элеге уенчыкнын туган шәһәре-Киров шәһәре. Балаларның иҗади эшләре узенчэлекле, якты төсләрдә килеп чыкты. Кирэк жирдэ без гуашь белән буядык идек, кирэк санамаган жирдэ киптерергә генә калдырдык.Катнашучылар Пушкин картасы буенча 4 кеше.
24 сентябрьдә Туктар авыл клубы "Без коррупциягә каршы"дигән мәгълүмат сәгате үткәрде.
Коррупциягә каршы көрәш-хәзерге заманның төп мәсьәләләренең берсе. Чара әңгәмә формасында узды. Чарада «коррупция»төшенчәсе каралды. Чара башында коррупциянең нәрсә икәне, шулай ук аның билгеләре һәм коррупциянең зыяны турында сөйләштеләр.