Безнең авылда 1 май көнне балалар өйдән-өйгә йөреп йомырка җыялар. Традицияне саклап калу максатыннан, авыл клубы мөдире балалар өчен әлеге бәйрәмне оештырды.
Һәр йортта бу чарага алдан әзерләнәлэр. Йомырка, конфет һәм башка тәм-томнар әзерлиләр. Һәр йортта хуҗалар тынычлык, иминлек, мул уңыш теләп, балаларга күчтәнәчләр өләшәләр.
Йомырка җыю бәйрәме элек-электән күп кенә татар авылларында узган. Иң мөһиме-ул балаларны берләштерә, дуслыкка һәм татулыкка өнди. Халкыбызның матур традицияләре өлешчә булса да саклануы сөендерә. Әгәр безнең балалар аларны күрсәләр, киләчәк буыннарга да тапшырырлар дигән өмет бар.