Автор башкаручы Илфир Искәндәровның концерты

Тылсымлы, сихри кыш хөкем сөргән әкиятләр дә бар.. Бөек язучылар иҗат иткән әкиятләр безне тылсымлы дөньяга алып китә, анда яхшылык һәрвакыт җиңә, ә яманлык һәрвакыт җәзага тартыла! Ә балалар кышкы әкиятләрне һәм әкият геройларын яхшы беләләрме? 9 январь көнне Иштуган мәдәният йорты белгечләре «Бер кар бөртеге, ике кар бөртеге» дигән викторина үткәрделәр . Балалар кышкы әкиятләр дөньясына кызыклы сәяхәт ясадылар: «Морозко», «Снегурочка», «Два Мороза», «По-щучьему веленью», «Снежная королева», «Серебряное копытце», «Госпожа метелица», «Лисичка-сестричка и серый волк».  Ә әдәби сәяхәт берничә биремне үз эченә алды: «Әкиятне табып бир», «Әйлән-бәйлән кышкы әкиятләр», «Рәсемне тап», «Әкият хаталары».«Кышкы әкиятләр» конкурсында Яңа ел һәм кышкы темага әдәби әсәрләр санап киттеләр. Вакыйгалар кыш көне барган әкиятләрне искә төшердек.Тасвирлама буенча әкият геройларын таныдылар, пазллар җыйдылар. Катнашучылар кышкы табышмакларга, викторина сорауларына бердәм җавап бирделәр. Балалар күңелле һәм мавыктыргыч итеп вакыт уздырдылар, уңай хис-кичерешләр һәм призлар алдылар.

8 гыйнварда Байлар Сабасы шәһәр тибындагы бистәсенең үзәк мәйданында Иштуган мәдәният йорты һәм китапханәсе,Шекше мәдәният йорты һәм китапханәсе, Сәрдә авыл клублары хезмәткәрләре оештырган чын бәйрәм рухы хөкем сөрде. Кечкенә кунакларны «Чыршы янында Яңа ел уеннары» мавыктыргыч чарасы көтте. Яраткан геройлары белән бергә балалар  Яңа ел сәгатьләре өчен югалган саннарны эзләргә киттеләр. Алардан башка бәйрәм башланып китә алмас иде, чыршы бизәлмичә, бүләкләр бирелмичә калыр иде.Күңелле уен барышында, тылсымлы конвертлардан биремнәр башкарып, балалар һәм аларның ата-аналары, Кар Кызы , Кыш бабай һәм башка әкият персонажлары җитәкчелегендә, онытылмаслык бәйрәм оештырдылар. Яшь талантлар үзләренең сәләтләрен шатланып күрсәттеләр: шигырьләр сөйләделәр, җырлар җырладылар, биюләр башкардылар, шуның өчен Кыш Бабайдан лаеклы бүләкләр алдылар.Бәйрәм рухы күңелле стартлар белән дәвам итте. Чарада катнашучыларның барысы да саф һавада күңел ачтылар, күңел күтәренкелеге алдылар

Яңа ел чаралары арасында Раштуа – яхшылыкка ышаныч, кешеләргә һәм тормышка мәхәббәт алып килүче искиткеч бәйрәм-аерым әһәмияткә ия. Раштуаның һичшиксез атрибуты булып фәрештә тора.Раштуа бәйрәме алдыннан, 4 гыйнварда Иштуган мәдәният йорты белгечләре Раштуа фәрештәсе символын ясау буенча мастер-класс үткәрделәр. Эш башланыр алдыннан катнашучыларга зур булмаган презентация күрсәтелде, анда катнашучылар бәйрәмнең тарихы, аның традицияләре һәм Раштуа символлары турында белә алдылар. Аннары барлык теләүчеләргә үз куллары белән кечкенә могҗиза - сөйкемле Раштуа фәрештәсе ясарга тәкъдим ителде. Мавыктыргыч шөгыль җыелганнарның барысын да мавыктырды. Ясауның катлаулы булмаган технологиясе, фантазия һәм сабырлык – һәм мастер-класста катнашучылар кулында искиткеч фәрештә булып чыкты. Бу фәрештә сезнең тынычлыгыгызны һәм җаныгызны сакласын! Өегездә бәхет китерерлек кечкенә фәрештәләр булсын! Бәхетле Раштуа!

Раштуа-бөтен дөньяда миллионлаган кеше өчен елның иң бәхетле, иң җанлы вакыты. Бу балалар һәм өлкәннәр өчен иң яхшы, көтелгән бәйрәм. 7 январь көнне Иштуган мәдәният йорты белгечләре "Рождество алдыннан могҗизалар" исемле балалар чыршысы үткәрделәр.Башта балаларга «Кар бабай ничек бүләкләрне югалткан»театральләштерелгән тамаша күрсәтелде. Төрле төстәге, ялтырап торган гирляндалар һәм бизәкле чыршы балаларга могҗиза тудырды. Спектакльнең башыннан ук Убырлы, Су иясе, Кар бабай һ.б. әкият геройлары балаларны Әкиятнең тылсымлы дөньясына җәлеп итте. Балалар бәйрәмчә маҗара атмосферасына чума алдылар, кызыклы конкурсларда катнаштылар. Кыш Бабай һәм Кар кызы килү белән чыршы тирәли җыр-биюләр, әйлән-бәйлән уйнау белән чын бәйрәм башланды. Ел дәвамында клубта һәм китапханәдә уздырыла торган чараларда, конкурсларда иң актив катнашучылар Кыш Бабайдан истәлекле бүләкләр алдылар. Балалар һәм ата-аналар уңай хис-кичерешләр һәм күтәренке Яңа ел кәефе алды. Ә бәйрәмне оештыручылар өчен Яңа елга иң яхшы бүләк – балаларның һәм рәхмәтле ата-аналарның бәхетле күзләрен күрү.