«Без террорга каршы»
Яңа Мичән авыл мәдәният йортында урта мәктәп яшендәге укучылар белән «Без террорга каршы» дигән әңгәмә үткәрелде. Чара барышында «террорчылык», «теракт», «экстремизм», «террорист» кебек төшенчәләр һәм террорчылык актларын башкарырга теләк тудыручы сәбәпләр ачылды. Шулай ук теракт куркынычы килеп чыккан очракта һәм заложник итеп алу очрагында үзеңне ничек тотарга кирәклеге турында да сөйләнелде, экстремаль ситуацияләрдә үз-үзеңне тотуга аерым игътибар бирелде. Балалар әңгәмәдә актив катнаштылар, слайд – презентацияне зур игътибар белән карадылар.
Аннары катнашучыларның барысы да теракт куркынычы янаганда гамәлләр турында мәгълүмат, ашыгыч ярдәм күрсәтү өчен телефон номерлары, шартлаткыч җайланманы тапканда нишләргә һәм бу вәзгыятьтә үзеңне ничек тотарга кирәклеге турында белешмәләр алды.
Чарада катнашучылар толерантлык, үзара хөрмәт һәм уяулык кына террорчылыкны кисәтергә, җинаятьчеләрне җәмгыятьтә ярдәмгә өметсез итәргә мөмкинлек бирәчәк дигән нәтиҗә ясадылар.
p { line-height: 100%; text-align: justify; background: transparent; page-break-before: auto }p.western { font-family: "PT Astra Serif", serif; font-size: 14pt }p.cjk { font-size: 10pt }a:visited { color: #800000; so-language: zxx; text-decoration: underline }a:link { color: #000080; so-language: zxx; text-decoration: underline }