"Физкульт-сәлам»-уен программасы

2025 елның 10 августы, якшәмбе
Мәктәп каникуллары дәвам итә һәм бу балалар өчен иң күңелле һәм шатлыклы чор. Чабья-Чурчи авыл клубы мөдире балаларның ялын төрлеләндерергә тырыша: викториналар, спорт, уен программалары үткәрә. 9 августта клубта Физкультурачылар көненә багышланган спорт-уен программасы үткәрелде. Чара сәламәт яшәү рәвешен һәм спортны популярлаштыруга багышланган иде. Һәр кешенең төп кыйммәте – сәламәтлек. Сәламәт, нык һәм көчле булып үсәргә спорт ярдәм итә. Физкультура белән шөгыльләнү файдалы, ә күңелле физкультура белән – икеләтә. Иң мөһиме спорт уеннарында нәтиҗә түгел, ә дуслар белән аралашу шатлыгы һәм сәламәтлеккә файда. Барлык катнашучылар да зур ләззәт һәм бик күп тәэсирләр алдылар. Бәйрәм балаларга ярышу рухын күтәрергә, командада эш итә белергә, авырлыкларны җиңәргә ярдәм итте.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International