"Дуслык каруселе"

«Тылсымлы ил - балачак» исемле уен программалары 2026 елның 1 июнендә Халыкара балаларны яклау көне уңаеннан төрле учреждениеләрдә узды. Бездә Олы Арташ авыл клубында бу хәл бүген, 2 июньдә булды. Яшь кунакларны күңелле эстафеталар, хәрәкәтчән уеннар, табышмаклар һәм башваткычлар көттеләр, дәртле музыкага уеннар, шулай ук иҗади биремнәр - балалар асфальтта акбур белән кояш һәм үз хыялларын ясадылар.   

 1 июнь көнне Кече Шыңар мәдәният йорты һәм китапханә хезмәткәрләре "Дуслык" мәктәп  лагере белән берлектә "Дуслык каруселе"балалар сабантуе үткәрделәр. Бу бәйрәмдә,  балалар татар халкының гореф-гадәтләре, халык уеннары белән таныша , шуңа күрә мондый чараны оештыру балаларга патриотик, милли тәрбия бирүдә зур әһәмияткә ия. Тантаналы ачылыштан соң уеннар башланды. Чүлмәк вату, таяк һәм аркан тартышу, капчык киеп йөгерү - барлык бу ярышларда да балалар зур энтузиазм белән катнаштылар. Алып баручылар балаларның күңелен ачты-тизлеккә, бии белүгә һәм зирәклеккә милли конкурслар үткәрде! Балалар "Алтын балык" тотуда күзләрен йомып әйберләр кисүдә дә ярыштылар. Уеннарда катнашучыларның һәркайсы бүләккә лаек булды. Бәйрәм азагында күңелле көй уйнап җибәрде, барысы да туйганчы биеделәр. Балалар Сабантуе күңелле һәм эчтәлекле узды. Бер генә бала да призсыз калмады.

28 май көнне Иштуган мәдәният йорты белгечләре өлкән буын өчен «Бездән зарядка-сезнең өчен сәламәтлек»дигән флешмоб үткәрделәр. Барлык катнашучылар да ритмик музыка астында файдалы күнегүләр һәм бию хәрәкәтләрен рәхәтләнеп башкардылар. Җиңел йөгерү, иелү, гәүдәне бору, чүгеп утыру, кул хәрәкәтләре һәм башка бик күп күнегүләр. Зарядка организмны тонизацияли, сөяк-мускул аппаратының ныгуына, йөрәк-кан тамырлары, сулыш, нерв системаларының үсешенә ярдәм итә. Көн буена күтәренке, шатлыклы кәеф тудыра. Көндәлек күнегүләр белән шөгыльләнүгә гадәт тәрбияли.Барлык катнашучылар да яхшы кәеф һәм активлык йоктырдылар, зарядка, хәтта иң кыскасы да, көн буена күңел күтәренкелеге бүләк итәр .