Әңгәмә “ Начар гадәтләрдән сак булыйк!”

2024 елның 2 ноябре, шимбә

2 ноябрь көнне Олы Нырты мәдәният йорты хезмәткәрләре тарафыннан «Зарарлы гадәтләрдән сак булыйк” дигән профилактик әңгәмә үткәрелде .Чара башында балалар гадәтнең нәрсә икәнен ачыкладылар? һәм кеше гадәтләрен икегә бүлделәр: файдалы һәм зарарлы. Файдалы гадәтләргә шәхси гигиена, көн режимы, дөрес туклану, спорт белән шөгыльләнү һәм башка яхшы эшләр һәм гамәлләр кертелде. Бу гадәтләр сәламәтлекне ныгыта. Начар гадәтләргә сәламәтлеккә зыян китерүчеләрне: уеннар уйнау, тәмәке тарту, токсикомания, алкоголь һәм наркоманияне керткәннәр. Наркомания, алкоголизм һәм тәмәке тартуга аеруча зур игътибар бирелде. Әңгәмә аралашучан һәм бик яхшы шартларда узды. Соңыннан балалар бергәләп теннис уйнадылар.