«Ихлас күңелдән ...»-концерт программасы
8 март - Халыкара хатын-кызлар көне, бу - кешелекнең гадел яртысы бүләкләр һәм теләкләр кабул итә. Хатын-кызлар өчен күңелле вакыйгаларның берсе, 9 март көнне Юлбат мәдәният йортында узган авылдаш ир-атларыбызның бәйрәм концерты булды. Зал язгы кәеф, елмаю һәм тамашачыларның шатлыгы белән тулы булды.
Мәдәният йортында иң матур, иң яраткан хатын-кызларга соклану һәм мәхәббәт белән тулган "Ихлас күңелдән ..." концерт программасы тәкъдим ителде. Концерт номерларында катнашучыларыбыз, талантлары һәм җанлы, тәэсирле җырлары белән балкып торган хатын-кызларыбызны котладылар. Махсус хәрби операцияда катнашучы егетләребезнең әниләрен котлауга да аеруча игътибар бирелде.
Бөтен залда бәйрәм рухы һәм яхшы кәеф хөкем сөрде, бу вакытта сәхнәдән тормышны җылылыгы, матурлыгы белән тутырган кешеләргә мәхәббәт һәм рәхмәт сүзләре, котлаулар һәм теләкләр ишетелде, һәр тамашачылга чәчәкләр бүләк ителде.
Сәхнәдән үзешчән сәнгатьтә катнашучыларның игелекле, тәэсирле, эчкерсез җырлары яңгырады. Күп танылган халык җырлары Шамсиев Б.Р.ның җитәкчелегендә -баянда , Фатриевлар гаиләсенең- гитарада һәм район мәдәният үзәгенең тавыш инженеры Хамит Гилмутдинов музыкаль бизәлешендә узды.
Без барлык хатын-кызларга да, тормышларының һәр көненең бу искиткеч яз бәйрәме кебек булуларын теләдек - рәхмәт, хөрмәт, мәхәббәт һәм наз белән тулы булуын! Бәйрәм эчкерсез, күңелле һәм ихлас, чын күңелдән булды.