« Без хәтерлибез! Без беләбез!» исемле мәгълүмат сәгате
30 октябрьдә Россиядә сәяси репрессия корбаннарын искә алу көне билгеләп үтелә. Ул вакытта меңләгән кеше нигезсез рәвештә репрессияләргә дучар ителгән, җинаятьләрдә гаепләнгән, төзәтү - хезмәт лагерьларына җибәрелгән, махсус җирлекләргә җибәрелгән һәм хәтта гомерләреннән мәхрүм ителгән. Бу фаҗигале көн алдыннан , 27 октябрьда, Юлбат мәдәният йорты һәм китапханә мөдирләре « Без хәтерлибез! Без беләбез!» исемле мәгълүмат сәгате үткәрде. Чара барышында катнашучыларны «Өзелгән очыш»-китап күргәзмәсендә булган әдәбият белән таныштырдылар һәм күзәтү ясадылар . Балалар зур террорчылык елларында атып үтерелгән Юлбат авыл җирлегендә яшәүчеләрнең фамилияләрен һәм Сафин И. Ф. «Юлбатым- Ямбулатым» китабының материалларын кызыксынып өйрәнделәр. Тенеки авылында яшәүче Мөнәвәрә Рәхимҗан кызы истәлекләре белән дә уртаклаштылар. 1933 елда әтисе Сабирҗанов Рәхимҗан кулга алына , бөтен гаилә таркала һәм Архангельск шәһәренә җибәрелә. Гаилә 1997 елда реабилитацияләнә.Без һәрвакыт шуны истә тотарга тиеш: совет чорының без горурланырлык героик сәхифәләр белән генә түгел, фаҗигаләре дә билгеләп үтелүен. Без -бу фаҗига кабатланмас дигән өметтә.