"Озын гомер серләре" - сөйләшү

2023 елның 21 мае, якшәмбе

Сәламәтлек-кешелеккә табигать биргән кыйммәтле бүләк. Бу кешенең иң югары иминлеге. Ансыз тормышыбызны кызыклы һәм бәхетле итү мөмкин түгел диярлек. Күп кешеләр бу сәләтне юкка әрәм итәләр, кайвакыт сәламәтлекне югалту бик җиңел, ә менә аны кире кайтару бик авыр, ә кайвакыт кире кайтару мөмкин дә түгел икәнен оныталар. 21 майда Урта Нырты авыл клубы мөдире "Озын гомер серләре"темасына әңгәмә үткәрде. Әлеге чара хөрмәтенә без авылда яшәүче Гайнетдинова Каусария апаны туган көне белән котладык, аңа бүген 83 яшь тулды. Ул безгә олы яшьтә дә җәмгыятькә һәм үзеңә күп файда китерергә мөмкин, дип сөйләде. Ул шулай ук картлыктан качарга ярамый, әмма аңа бирешергә дә кирәкми, диде. Кеше аны бер - ике дистә елга күчереп куя ала. Барысы да үзебезгә генә бәйле. Яраткан эшең, яраткан шөгылең белән яратып шөгыльләнергә кирәк диде. Озак яшәү серләре. 1.Чисталыкны саклау. 2.Шәхси гигиена кагыйдәләрен үтәү. 3.Режим белән дөрес туклану. 4.Даими физкультура, спорт белән шөгыльләнү. 5.Организмны чыныктыру.