ЯҢАЛЫКЛАР

8 майда Иске Икшермә авылында Бөек Җиңүгә багышланган тантаналы митинг - парад узды. Котлау сүзе белән Иске Икшермә авыл җирлеге башлыгы А.И. Биккинин,Башкарма комитет җитәкчесе урынбасары - Саба муниципаль районы башкарма комитеты аппараты җитәкчесе М. Р. Кәримов, Саба һәм Теләче районнары хәрби комиссары Ф. Ф. Закиров чыгыш ясадылар. Бәйрәм "Кояшкай" балалар бакчасы," Тургай " социаль приюты,  Байкиев К.С. исемендәге кадет-интернат мәктәбе, Иске Икшермә мәдәният йортының "Сударушки" ансамбленең чыгышлары белән дәвам итте. Һәйкәлгә чәчәкләр салганнан соң, Бөек Ватан сугышында һәлак булган авылдашларны бер минут тынлык белән искә алдылар. Бәйрәм Икшермә кадет мәктәбе кадетларының парад маршы белән тәмамланды.

8 майда Курсабаш мэдэният йорты,Очиле авыл клубы, Түбән Утарбиев авыл клубы,Курсабаш китапханәсе хезмәткәрләре "Георгий тасмасы"Бөтенроссия акциясендә катнаштылар.Акция Ватанны саклаганда һәлак булган сугышчылар турында истәлекне саклау максатыннан уза һәм 1941-1945 еллардагы Бөек Ватан сугышында Җиңүнең 78 еллыгына багышлана. "Георгий тасмасы" - бу бизәк кенә түгел. Бу безнең Ватанны саклаган һәм аны тышкы дошманнарның һөҗүмнәреннән саклаган кешеләргә горурлык һәм рәхмәт билгесе.Без тарихыбызны хәтерлибез, үткән һәм хәзерге геройларыбыз белән горурланабыз, Россия халыкларының иң яхшы традицияләрен саклыйбыз!

8 майда Курсабаш авыл мэдэният йорты, Очиле авыл клубы,Тубэн Утар авыл клубы,Курсабаш китапханәсе хезмәткәрләре "Хәтер бакчасы"акциясендә катнаштылар.Бу истәлекле көннәрдә ил буенча соңгы гасырның иң канлы сугышында һәлак булган 27 миллион кешенең истәлегенә агачлар утыртыла. Һәр агач тыныч буыннарның Хәтер һәм рәхмәт символы.

Утыртылган агач белән без хәзерге һәм киләчәк буыннарны герой ата-бабалары турында мәңге яшәүче хәтер белән тоташтырабыз. Алар безнең өчен зур җиңү яуладылар, безнең киләчәгебезгә, илебезгә, һәр гаиләгә иң кадерлесен — дөньяны бирделәр.

Агачларның утыртылган үсентеләре — Ватанны саклаучыларның мәңгелеккә киткәннәрен искә төшерүче Яшел һәйкәлләр.

Утыртылган агачлар турында кайгыртачакбыз һәм һәр тапкыр Ватанны саклаучылар турында искә алачакбыз, алар ярдәмендә без хәзер яшибез.

8 май көнне Керәнне авыл клубы каршында Бөек Ватан сугышында илебез азатлыгы өчен башын салган авылдашларыбыз хөрмәтенә куелган обелискны ачу тантанасы булып узды. Сагышлы да, куанычлы да әлеге тантананы Саба муниципаль  районынын мәдәният бүлеге җитәкчесе Захидуллин Рөстәм Фидәил улы ачып җибәрде. Рөстәм Фидәил улының тирән эчтәлекле чыгышыннан сон, Мичән җирле узидарәсе рәисе Айзат Әхмәтгали улы, "Мичән" күмәк хуҗалыгы җитәкчесе Рамил Рафик улы үзләренең изге теләкләрен җиткереп бәйрәм белән котладылар. Авылыбызның хәзрәте коръән аятләре укып, яу кырында башын салган hәм  сугыштан сон авыл зиратында җирләнгән бабайларыбыз рухына дога кылынды. Авылдашыбыз  Фәйзрахманов Инсаф Хисаметдин улы җитәкчелеккә авылдашларыбыз исеменнән олы рәхмәтләрен җиткерде. Бәйрәм тантанасы укучы балаларның hэм авылыбыз үзешчәннәренең патриотик  җырлары белән үрелеп барды. Яу кырында ятып калган якташларыбызны бер минут тынлык белән искә алып обелиск алдына чәчәкләр салынды.

8 май көнне Эзмә авыл мәдәният йорты хезмәткәрләре Эзмә урта мәктәбе укучылары белән берлектә Бөек Җиңүнең 78 еллыгына багышланган тантаналы митингны оештырдылар һәм үткәрделәр. Җиңү көне бик мөһим һәм тантаналы көн. Бу, чыннан да, күз яшьле бәйрәм. Бу-һәлак булган сугышчыларның күз яшьләре. Һәм явызлык өстендә җиңү яулаган өчен шатлык һәм горурлык яшьләре. Дан обелискы янында узган митингта тыл ветераннары да катнашты. Эзмә урта мәктәбе укучылары Дан обелискына веноклар куйдылар. Аннан соң балалар тынычлык һәм баш өстендә чиста күк символы буларак күккә шарлар очырдылар.

8 майда Яңа Мичән мәдәният йортында авыл китапханәсе белән берлектә стела янында митинг һәм мәдәният йортында Бөек Ватан сугышында Җиңүнең 78 еллыгына багышланган концерт оештырылды. Сугышта һәлак булган барлык солдатлар өчен бер минут тынлык игълан ителде. Сәнгать эшчәнлегендә катнашучылар һәм яшь артистлар сугыш елларының җырларын һәм биюләрен башкардылар . Тантаналы өлештән соң кунаклар бәйрәм өстәленә чакырылды.

8 май көнне Сабай авылында Мингәр китапханәсе, Тимершык авыл клубы белән берлектә Бөек Ватан сугышында катнашкан авылдашлар хөрмәтенә обелиск ачылды. Бөек Җиңү көне бер үк вакытта шатлыклы һәм моңсу бәйрәм. Туган якларына кайта алмаган кешеләрне искә төшердек. Татарстан Республикасы Саба районы Пенсия фонды бүлеге башлыгы Мөхтәсимов Марат Мәҗит улы һәм Тимершык авыл җирлеге башлыгы Хаҗиев Айдар Хәнифулла улы тантананы ачтылар һәм бәйрәм белән котладылар. Тантана мәктәп укучылары һәм үзешчән башкаручылар җырлары белән үрелеп барды. Бер минут тынлык белән обелиск каршына сугыш кырларында һәлак булган авылдашыбыз истәлегенә чәчәкләр куелды.

9 Май Җиңү көне. Россиядә иң дулкынландыргыч, иң күңелле ,данлыклы бәйрәм булып кала. Бернинди башка бәйрәмнәр дә аның белән тиңләшә алмый.  Быел без Бөек Җиңүнең 78 еллыгын билгеләп үтәбез. Геройларның батырлыгы алдында һәм батырларча хезмәт белән Җиңүне якынайтучыларга түбән баш иябез.

 8 май көнне Юлбат мәдәният йорты, китапханәсе, Тенеки, Ю-Алан авыл клубы хезмәткәрләре Бөек Ватан сугышына багышланган «Җиңү көне »дип исемләнгән митинг үткәрделәр

    Бөек Ватан сугышы геройларын искә алырга тыл ветераннары ,сугыш чоры балалары, Юлбат төп гомуми белем бирү мәктәбе коллективы, җирлек халкы җыелган иде. Митингта Саба муниципаль районы мәгариф идарәсе җитәкчесе И.Ф. Шакиров, “Юлбат төп гомуми белем бирү мәктәбе” директоры Хаҗиев И.И., туган иле өчен гомерләрен биргән солдатларга рәхмәт сүзләрен яңгыраттылар. Юлбат мәдәният йорты, китапханә, Тенеки, Йосыф-Алан авыл клубы хезмәткәрләре һәм "НУР" театры сөючеләр клубында катнашучылар тантаналы өлештә сугыш еллары турында күзаллаулар күрсәттеләр. Тенеки авыл клубы мөдире "Җиңү көне" җыры белән тамашаны тулыландырды.  Һәлак булган батырлар истәлегенә авыл җирлеге башлыгы Т.Р.Шәмсиевның чыгышы тыңланды . Һәлак булган авылдашларыбыз бер минутлык тынлык белән искә алынды. Һәйкәлгә чәчәкләр салынды һәм ветераннар, җитәкчеләр, махсус операцияда катнашучы егетебез  белән берлектә “Хәтер бакчасы” акциясенә кушылдылар. 

8 майда Ике басу Арташ мәдәният хезмәткәрләре тарафыннан һәм "Күбәлек" балалар бакчасы коллективы белән берлектә Бөек Ватан сугышында Җиңүнең 78 еллыгына багышланган үткәрелгән истәлекле митинг авылның үзәк урамында урнашкан мемориаль такта янында узды.

Сугыш кырларында һәлак булганнарны искә алу өчен авылдашлар, сугыш еллары балалары, яшьләр, мәгариф учреждениеләре вәкилләре килде. Традицион рәвештә истәлекле чара тантаналы өлештән башланды. Анда катнашучыларга хөрмәтле кунаклар мөрәҗәгать итте, Арташ выл җирлеге  башлыгы Агләмҗанов Алмаз  Ватанны, тыныч тормышны яклаучыларга изге теләкләрен җиткерде.

Сугыш һәр гаиләгә кагыла: ир-атлар фронтка китә, ә картлар, хатын-кызлар һәм балалар көннән-көн тылда эшлиләр. Чара барышында илебезне җимерекләрдән күтәрүчеләргә, әти-әнисез калган буын балаларын тәрбияләүчеләргә рәхмәт сүзләрен әйтергә онытмадылар. Балалар бакчасында тәрбияләнүчеләр тамашачыларга җырлар һәм шигырьләр бүләк иттеләр, бәйрәм белән котладылар. Бер минут тынлык белән бу коточкыч сугыш һәм тыл ветераннарын искә алдылар, алар инде исән түгел, мемориаль такта итәгенә таҗлар һәм чәчәкләр салдылар. Һәркемгә нык сәламәтлек, озын гомер, бәхет, һәм, әлбәттә, яраткан илебез өстеннән тыныч күк теләделәр.

8 май көнне Оет авыл клубы китапханә белән берлектә «Җиңү мае белән яз килә» дигән әдәби - музыкаль сәгать үткәрде. Чарада сугыш ветераннарына һәм сугыш чоры балаларына чын күңелдән рәхмәт хисләре белдерелде. Балалар башкаруында сугыш һәм Җиңү турында шигырьләр һәм җырлар яңгырады. Бер минут тынлык белән сугышта һәлак булганнарны искә алдык, Бөек Ватан сугышы елларында һәлак булган авылдашлар өчен обелискка чәчәкләр салдык.