ЯҢАЛЫКЛАР

14 июнь көнне Шәмәрдән мәдәният йорты белгечләре «Радуга» мәктәп яны лагеры балалары өчен асфальтта «Пусть всегда будет солнце» дигән рәсемнәр конкурсы оештырдылар. Чара башында балалар җәйге ял турында үз тәэсирләре белән уртаклаштылар һәм җәй турында табышмакларны чиштеләр. Аннары балалар рәсем эшчәнлегенә керештеләр. Асфальтта төсле карандашлар белән буяу-безнең кечкенә рәссамнар өчен бәхет. Асфальт якты төсләр белән чәчәк аткан, сары кояш тигез булмаган нурлар белән балкыган, балалар шатланып чәчәкләр, күбәләкләр һәм табигатьне сурәтләгәннәр. Балалар бик тырыштылар һәм үз рәсемнәрен җентекләп буядылар. Конкурс кызыклы һәм күңелле узды, чара тәмамлангач, һәр отряд үз бүләген алды.

11 июнь көнне Олы Нырты авыл мәдәният йорты , Урта Нырты һәм Чабья Чирчи авыл клубы хезмәткәрләре , китапханә белән берлектә ,Олы Нырты авыл җирлеге һәм "Нырты" хуҗалыгы  белән берлектә, милли бәйрәмебез сабантуй үткәрделәр. Мәдәният хезмәткәрләре концерт номерлары белән чыгыш ясадылар, шулай ук балалар белән Сабантуй прологын оештырдылар, кызыклы уеннар, конкурслар үткәрделәр. Бәйрәмнең кунаклары район мәдәният йорты артистлары булды . Барысы да оешкан төстә узды, Сабан туе барысында да бик яхшы тәэсир калдырды.

Ел саен 23 июньдә бөтен дөньяда Халыкара Олимпия көне билгеләп үтелә, ул Олимпия хәрәкәтенең хәзерге формасында яңадан торгызылуы истәлегенә үткәрелә. Бу дата хөрмәтенә, 14 июньдә Кызыл Мишә авыл мәдәният йорты һәм китапханә хезмәткәрләре " Сәламәт яшәү рәвеше өчен дусларча, кыю, оптимизм белән!”.Чара башында китапханәче балаларны «Спорт энциклопедиясе» китабы белән таныштырды. Китапханәче сөйләгәннән соң, балалар хәрәкәтчән уеннар уйнадылар.

14 июньдә Эзмә мәдәният йортында балалар һәм яшүсмерләр белән гражданнар оборонасы буенча профилактик әңгәмә узды. Гражданнар оборонасы буенча уку-консультация пунктының бурычы-халыкны укуга максималь дәрәҗәдә җәлеп итү, һәр гражданның тыныч һәм сугыш чорындагы теләсә нинди гадәттән тыш хәлләрдә грамоталы эш итә алуына ирешү. Халык белән нинди кисәтү сигналлары булырга мөмкин, аларны кайда ишетергә, аларның һәрберсендә нинди гамәлләр башкарырга һәм гадәттән тыш хәлләр вакытында ничек эвакуацияләнергә мөмкинлеге турында әңгәмә уздырылды. Мондый чараларның максаты халыкны уяу булырга, практика бирергә һәм килеп туган шартларда паникасыз эш итәргә өйрәтү

2023 елның 14 июнендә Яңа Мичән мәдәният йорты мәдәният хезмәткәрләре «Кояшкай» мәктәп яны лагереннан балалар өчен "Башваткыч"интеллектуаль уены оештырды һәм үткәрде Һәрбер яшьтә «баш миен хәрәкәтләндерү» образлы итеп әйткәндә, таныш булмаган сорауларга җавап биргәндә бик файдалы. Шул рәвешле, кеше нинди өлкәдә өйрәнергә кирәклеген аңлый. Безнең кунакларыбыз - "Кояшкай" мәктәп яны лагереннән балалар, бу уенда зур рәхәтлек белән катнаштылар. Балалар сорауларга җавап биреп кенә калмадылар, үз сәләтләрен дә күрсәттеләр. Зал тамашачылары да актив катнашты, алар өчен без дә сораулар һәм бүләкләр әзерләдек.Сорауларга дөрес җавап биргән һәм   иң күп балл җыйган 4 нче сыйныф укучысы Гыйльметдинов Айгиз җиңүче булды һәм супер уен уйнарга карар кылды, анда ул абсолют җиңүче булды.

Россия көне Россия Федерациясенең мөһим дәүләт бәйрәме, 1992 елдан башлап ел саен 12 июньдә, 1990 елның 12 июнендә РСФСРның дәүләт суверенитеты турында Декларация кабул ителгән көнне билгеләп үтелә. Бу уңайдан Лесхоз мәдәният йорты хезмәткәрләре балалар белән «Россия турында җырлар» ял кичәсе үткәрәләр, анда балалар Россия турында җырлар җырладылар, шулай ук викторина сорауларына күңелле һәм актив җавап бирәләр.

14 июньдә Туктар авыл китапханәсе клуб белән берлектә «Бөек шагыйрь юлы»темасына әдәби сәгать һәм кычкырып уку оештырды. Чара бөек рус шагыйренең туган көненә багышланды.  Чара барышында шагыйрьнең иҗаты турында кыскача сөйләделәр һәм балаларны әсәрләре белән таныштырдылар. Чара ахырында теләге булган балалар яраткан шигырьләрен укыды: "Кышкы иртә" һ.б.

14 июнь конне Елыш авыл клубы модире балалар белэн бергэлэп велосипед ярышы уздырды. Ин беренче эш итеп балаларга велосипед белэн йору кагыйдэлэре анлатып утелде. Аннары хэр бала ин беренче килу телэге белэн ярышта катнашты. Соныннан хэрберсенэ баллы призлар таратылды.

Татарстанда яшәүче һәр халыкның тарихи-мәдәни мирасы бик зур һәм бай. Һәр халыкның үзенә генә хас милли киемнәрендә халыкның рухи дөньясы, милли үзенчәлекләре чагыла. Ата-бабаларыбыз тарафыннан кертелгән гореф-гадәтләр, гасырлар буе югалмый сакланып килгән милли киемнәребез - халыкны милләт итеп берләштерә торган чараларның берсе. Гореф-гадәтләр, йолалар, милли киемнәр халык тормышының, мәдәниятенең аерылгысыз бер өлеше булып тора. Саба Сабантуе мәйданында "Милли кием" фестиваленә йомгак ясалды. Милли кием үрнәкләрен халыкка таныту, аларны халыкка кире кайтару, милли үзаң, милли горурлык хисләре тәрбияләү максаты белән уздырылган әлеге бәйгедә Иштуганнан   төрле милләт вәкилләре дә катнаштылар.  Җиңүчеләрне район башлыгы Рәис Минниханов тәбрикләде,  дипломнар ,бүләкләр тапшырды.

Безнең көннәрдә балаларны Ватан мәдәнияте һәм тарихы хәзинәләренә тарту, туган һәм үскән җиргә мәхәббәт тәрбияләү, үз халкы һәм Ватаныбыз өчен горурлык хисе тәрбияләү бик мөһим. Фольклор – халыкыбыз хәзинәсе, бу безгә башка чорлардан килгән мөрәҗәгать, күңелләребез һәм намусыбыз өчен борчылу һәм чаң кагу. Татарстанда милли мәдәниятләр һәм гореф-гадәтләр елы кысаларында 14 июнь көнне Иштуган мәдәният йортында китапханә белән берлектә  балалар өчен «Борынгы халык уеннары» дигән фольклор программа булып узды, анда без үсеп килүче буынны халык гореф-гадәтләре белән таныштырырга, халык уеннары һәм әйлән-бәйлән уеннары белән таныштырдык. Без балаларны урамда каршы алдык һәм  "әйлән-бәйлән" уйнарга чакырдык. Музыка астында катнашучылар  түгәрәк буенча  әйлән-бәйлән оештырдылар. Аннан соң табышмаклар чиштеләр, тизәйткеч, мәкальләр һәм әйтемнәрне белүләрен күрсәттеләр. Барлык материал балаларга уен формасында бирелде. Бу программаны төрлеләндерергә аны балаларның исендә  калдырырлык итәргә мөмкинлек бирде. «Как у дяди Трифона», «Елга», «Яшерәм яулык», «Горелки», «Самовар», “Кәрия- Зәкәрия”кебек халык уеннарын балалар бик теләп уйнадылар. Балалар халык уеннарының бик күп төрлелегенә инандылар