ЯҢАЛЫКЛАР
1 октябрьдә Тенеки авыл клубы мөдире клубта күп еллар эшләп чыккан мәдәният ветеранын котлады. Ел саен, алтын көзге чорда, без хөрмәт иткән һәм яраткан кешеләрне хөрмәтлибез. Бу көннең икенче исеме-игелек һәм хөрмәт көне. Вакыт бер урында тормый. Тормышыбыздан да тизрәк. Ләкин олы яшьтәге кешеләр турында кайгырту-бер минут та онытылмаслык нәрсә. Нуриева Миңнегөл күп еллар авыл клубында эшли, авылдашларының мәдәни тормышына зур өлеш кертә. Иң яхшы теләкләр белән район җитәкчелеге һәм мәдәният бүлеге исеменнән бүләк пакетын тапшырдык.
1 октябрь көнне Сәрдә авыл клубында "Күңел яшь чакта" дип исемләнгән бәйрәм чарасы оештырылды. Бу бәйрәм лаеклы, зирәк, хөрмәтле- Өлкәннәребезгә багышланды. Бәйрәм концерт номерлары белән үрелеп барды. Кунаклар уеннарда катнаштылар, төрле темаларга аралаштылар, яшьлек хатирәләрен искә алдылар, гармун һәм тальян көйләренә халык җырларын башкардылар. Шулай итеп, алар тормышның һәр яшьтә дә матур һәм күңелле булуын исбатладылар.
Илебез буенча октябрь аенда Өлкәннәр декадасы уздырыла. Бу вакытта өлкәннәрне котлаулар, бүләкләүләр, искә алулар бара. Өлкәннәр көне уңаеннан 1 октябрь көнне Килдебәк авыл мәдәният йортында клуб хезмәткәрләре, китапханәче белән берлектә “Сез булганга – без бәхетле” исеме астында өлкәннәр өчен әдәби-музыкаль кичә оештырылды.
Өлкәннәрне яшьлек елларына кайтарып, төрледән-төрле матур концерт номерлары күрсәтелде, биюләр, котлаулар белән дәвам итте. Өлкәннәр үзләре дә җырлап, биеп күңел ачтылар. Бәйрәм кичәсеннән өлкәннәребез күтәренке кәеф белән таралыштылар.
Матур һава торышы, чиста һава, уңайлы шартлар, физик сәламәтлекне, ихтыярны, үз — үзеңә ышанычны ныгыту-менә велосипедта йөрү нәрсә ул! Балаларның яраткан ял итү төре буларак, велосипедта йөрү сәламәтлекне ныгытудан тыш, туристлык күнекмәләрен дә үзләштерә. Якты тәэсирләр, саф һавада системалы хәрәкәт белән бәйле физик күнегүләрнең артуы балаларның нерв системасына һәм бөтен организмына файдалы йогынты ясый.
1 октябрьдә бик матур кояшлы һава торышында без балалар белән кырларда велосипедта йөрдек. Кояш җылытты, әйтерсең лә безгә җәй кире кайтты, әмма шул ук вакытта аның нурлары агачларга алтын төсмер бирде. Маршрут кызыклы һәм күңелле мизгелләр белән тулы иде.
1 октябрьдә Кече Шинар мәдәният йорты каршында эшләүче "Мирас" фольклор коллективы, Саба мәдәният бүлеге составында Чаллы шәһәренең "Энергетик" мәдәният сараенда "Сабам минем-гүзәл ягым" ("Саба минем матур җирем") дигән зур концерт программасы белән чыгыш ясады. Мәдәният сарае фойесында Саба районы тарихына, аның мәдәни мирасына, күренекле шәхесләренә багышланган күргәзмә оештырылды.Фольклор коллективлар тарафыннан тере мәйданчыклар оештырылды, аларда гореф - гадәтләр , милли җыр-бию уеннары күрсәтелде. Безнең коллектив "Кич утыру куренеше" тәкъдим итте. Борынгы йортның чигелгән сөлгеләре, яулыклары, чигелгән мендәрләре, төрле чигүләр белән бизәлгән. Татар халык уеннары "Түгәрәк уен", "Назалы", "Чүпләм бию" оештырдылар, гармунга җырлап, татар халык җырларын җырлап, чигеп, кәҗә мамыгыннан шәл бәйләдек.. Барлык чыгышлар да Яр Чаллы халкына ошады,
1 октябрь көнне Оет авыл клубы китапханә белән берлектә Өлкәннәр көненә багышланган «Тормыш ямьле сезнең белән» дип исемләнгән бәйрәм концерты уздырды. Чара барышында өлкән яшьтәге кешеләр котлаулар һәм теләкләр кабул иттеләр. Катнашучылар әбиләрне һәм бабайларны шигырьләр, җырлар һәм биюләр белән котладылар. Концерт номерлары кәефне күтәреп кенә калмады, өлкән буын кешеләрен яшьлекләренә дә алып кайтты. Бу искиткеч бәйрәм өлкән буын вәкилләренә очрашу һәм ял итү мөмкинлеге бирә. Бәйрәм чәй өстәле артында дәвам итте.
1 октябрь көнне Өтернәс авыл клубында Өлкәннәр көне уңаеннан, «Гомер көзләрегез алтынга тиң булсын» дип исемләнгән бәйрәм чарасы үткәрелде. Бәйрәм барышында залда җылылык һәм шатлык нурлары балкыды, җырлар яңгырады, өлкәннәр үзләренә карата иң матур сүзләрне, иң матур теләкләрне кабул иттеләр. Бәйрәм чәй табыны янында дәвам итеп, биюләр белән тәмамланды.
1 октябрьдән 10 октябрьгә кадәр бөтен республика буенча Өлкәннәр декадасы бара. Исеменә карамастан, олы кеше көне җитәрлек яшь бәйрәм. Аны көзнең икенче аеның беренче көнендә 1 октябрьдә бөтен җирдә билгеләп үтү кабул ителгән. 1 октябрьдә Өлкәннәр декадасы кысаларында Эзмә мәдәният йорты хезмәткәрләре тарафыннан «Йөрәктән йөрәккә» адреслы хәйрия ярдәме оештырылды. Күп еллар мәдәнияттэ эшләп чыккан, мәдәният йортының мәдәни эшчәнлегенә зур өлеш керткән хезмәткәрләр янына бардылар. Чын күңелдән котлап, бүләкләр бирделәр.
Октябрь башында бәйрәмне – Өлкәннәр көнен билгеләп үтү яхшы традициягә әверелде. Бу көн лаеклы, акыллы, хөрмәтле, иң яраткан кешеләргә багышлана. Олы кеше көне-үзенчәлекле бәйрәм! Өлкәннәрне хөрмәт итү бәйрәме. Бу көнгә Тенеки клубында "Өлкәннар-алтын канат" концерт программасы белән очрашу кичәсе узды. Бәйрәм кунаклары җылы, уңайлы шартларда чәй эчәргә җыелдылар. Чарада яшьлекләренең серләре белән уртаклашалар, киңәшләр бирделәр, характерның төп сыйфатлары турында сөйләделәр, викторинада һәм музыкаль конкурсларда катнаштылар. Юлбат мәдәният йорты һәм китапханәсе, Сатыш мәдәният йорты хезмәткәрләренең һәм сәнгать эшчәнлегендә катнашучыларның иң яхшы концерт номерлары кунаклар өчен күңелле бүләк булды. Кунаклар үзләре дә пассив булмады. Шулай итеп, тормышның дәвам итүен һәм һәр яшьтә матур һәм кызыклы булуын тагын бер кат исбатлап. Юлбат авыл башлыгы Шәмсиев Т. Р. пенсионерларга Игелекле сүзләр һәм котлаулар белән мөрәҗәгать итте.Ул барысын да бәйрәм белән котлады һәм нык сәламәтлек, уңышлар һәм озын гомер теләде!Залда чыннан да җылы һәм күңелле атмосфера хөкем сөрде, чөнки безнең кадерле өлкәннәребезгә шулкадәр күңелле сүзләр һәм теләкләр әйтелде.Түгәрәк өстәл артында өлкән яшьтәге пенсионерлар күңелгә ятышлы ял иттеләр, үзләре өчен бик күп кызыклы һәм файдалы нәрсәләр белделәр. Барысы да проблемалар турында онытып һәм җан белән ял итеп, бик күп уңай эмоцияләр алдылар. Чара чәй эчү белән тәмамланды.
1 октябрь Өлкәннәр көне буларак билгеләп үтелә. Бигрәк тә бу бәйрәм көнендә аларны кайгырту һәм игътибар белән әйләндереп алырга, аларга җан җылысының бер өлешен бүләк итәргә кирәк. Бүген Лесхоз мәдәният йорты хезмәткәрләре бәйрәм концерты һәм чәй эчү оештырдылар. Килдебәк СДК мөдире катнашты гармун астында җырлар башкарылды. Шулай ук Шома бас бию коллективын өлкәннәр һәм балалар арасында тәкъдим иткән дәртле һәм җанлы җырлар, биюләр башкарыла. Бәйрәм чәй эчүдән башланып, күңелле концерт программасы белән дәвам итте. Би - бабаларыбыз рәхәтләнеп ял иттеләр һәм шатланып, яхшы кәеф белән рәхмәт белән өйләренә таралыштылар.