ЯҢАЛЫКЛАР
12 ноябрь көнне Эзмә мәдәният йортында тәмәке тартудан баш тарту көненә багышланган " Хәтта сынап карама!» дип исемләнгән профилактик сара утте. Ел саен ноябрь аенда дөньяда Халыкара тәмәке тартудан баш тарту көне билгеләп үтелә. Аның максаты-җәмгыятьнең игътибарын Тәмәкегә бәйлелек проблемаларына җәлеп итү, тәмәкегә каршы профилактикалау, тәмәкенең сәламәтлеккә зарарлы йогынтысы турында мәгълүмат бирү. Тәмәке тартучыларның күбесе беренче тапкыр тәмәке продукциясен яшүсмер чакта ук татып карый. Нәкъ менә шуңа күрә Халыкара тәмәке тартудан баш тарту көне яшь буынны тәмәке тарта башлау теләгеннән сакларга тиеш, чөнки никотинның организмга тәэсире гадәттән тыш җимергеч булып тора һәм беркайчан да эзсез үтми.
9 ноябрь көнне Иске Икшермә зонасында уздырылган "Шәҗәрә" фестивалендә- Олы Нырты мәдәният йорты һәм китапханәсе , Язлы Арташ, Чабья Чурчи, Урта Нырты авыл клублары берлектә, Әгъләмҗан нәселе шәҗәрәсен туплап, әзерләп тамашачыга тәкъдим иттеләр. Әлеге нәселнең төп тамырлары Язлы Арташ авылыннан башлана.Күркәм һәм борынгы 8 буыны билгеле булган Әгъләмҗан нәселе- киң тарихлы, бердәм, нәсел җепләрен бәйләп, аны саклап яшәүче гаилә. Бүгенге "Буыннар тарихы -гаилә ядкаре" бәйгесендә аларның 50 якын гаилә вәкиле катнашты. Нәсел агачы , милли ризыклар, гаилә ядкәрләре, кул эшләреннән торган кургәзмәне халык сокланып карады. Бабалары чын җир хуҗалары, урманчылар булган нәсел тарихы -сәхнәдә театральләштереп, әлеге гаиләнең үткәнен һәм бүгенгесен чагылдырды. Презентация барышында тамашачылар нәсел турында күбрәк мәгълүмат алды.Зур игътибар, әлбәттә инде, шәҗәрә агачына булды, аның белән шушы нәселнең дәвамчысы -Әгъләмов Хатыйп абый таныштырды. Әлеге бәйгедә катнашкан һәркем зур күңел күтәренкеле , яхшы кәеф белән таралды.
11 ноябрь көнне Шәмәрдән мәдәният йорты белгече Шәмәрдән лицее укучылары өчен наркоманияне профилактикалау буенча сораулар һәм җаваплар белән «Как распознать беду?» дигән әңгәмә үткәрде. Әңгәмә барышында балалар үсмерләр арасында наркоманиянең сәбәбе нәрсәдә икәнен аңларга тырышып карадылар. Белгеч балаларга наркотиклар һәм психоактив матдәләрнең зыяны, аларны куллануның яшүсмерләр тарафыннан сагышлы нәтиҗәләре турында сөйләде. Яшүсмерләргә хокук бозулар яки җинаятьләр кылган өчен балигъ булмаганнарны нинди җаваплылыкка тартырга мөмкин булуы турында аңлатылды. Әңгәмә барышында наркотикларга каршы юнәлештәге китаплардан кайбер фразалар укыдылар, төрле тормыш хәлләре турында фикер алыштылар, һәркем үз фикерен әйтте һәм кызыксындырган сораулар бирде.
10 ноябрьдә Бөтендөнья яшьләр көне билгеләп үтелә, ул Бөтендөнья демократик яшьләр федерациясенә нигез салу хөрмәтенә билгеләнгән. Бу вакыйга 1945 елның 29 октябрь — 10 ноябрендә Лондонда узган Бөтендөнья яшьләр конференциясендә була.Бу дата уңаеннан Туктар авыл клубы "бөтенроссия яшьләр көне"дигән мәгълүмат сәгате үткәрде. Бу тарихи конференция Икенче бөтендөнья сугышы вакытында фашизмга каршы көрәш өчен оештырылган Бөтендөнья яшьләр советы инициативасы белән оештырылган иде. Конференциягә беренче тапкыр 30 миллионнан артык яшь кешене берләштергән халыкара яшьләр хәрәкәте вәкилләре җыелды.
10 ноябрьдә Бөтендөнья яшьләр көне билгеләп үтелә, ул Бөтендөнья демократик яшьләр федерациясенә нигез салу хөрмәтенә билгеләнгән. Бу вакыйга 1945 елның 29 октябрь — 10 ноябрендә Лондонда узган Бөтендөнья яшьләр конференциясендә була.Бу дата уңаеннан Туктар авыл клубы "бөтенроссия яшьләр көне"дигән мәгълүмат сәгате үткәрде. Бу тарихи конференция Икенче бөтендөнья сугышы вакытында фашизмга каршы көрәш өчен оештырылган Бөтендөнья яшьләр советы инициативасы белән оештырылган иде. Конференциягә беренче тапкыр 30 миллионнан артык яшь кешене берләштергән халыкара яшьләр хәрәкәте вәкилләре җыелды.
Интернет челтәрендә битлек һәм хайван койрыкларын киеп йөрүче квадроберлар — яшүсмерләр турында сөйләшүләр тынмый. Кайберәүләр хайваннарга охшарга тырышу — ачыктан-ачык тайпылыш һәм аны тыярга кирәк дип саный. Субкультураның тискәре йогынтысын кисәтү максатыннан, 9 ноябрь көнне Иштуган мәдәният йорты белгечләре яшүсмерләр өчен "Квадроберлар турында сөйләшик" дигән профилактик әңгәмә үткәрделәр .Укучыларга «Квадробинг нәрсә ул? " дигән сорауларга җавап бирергә тәкъдим иттеләр.", "Ул куркынычмы?"һәм" Ни өчен хайваннар өчен азык ашарга ярамый?".Моннан тыш, аларга административ җаваплылыкка тартырга мөмкин булган гамәлләр турында искә төшерделәр. Дүрт аяклы хәрәкәт, хайваннарны сурәтләгән квадроберлар кебек үк, гәүдә торышын боза, чөнки хәзерге кеше өчен табигый түгел, дип билгеләп үттеләр. Шулай итеп, тыштан зыянсыз уен җитди нәтиҗәләргә китерергә мөмкин. Укучылар дөньяда кызыклы шөгыльләр: спорт, музыка, походлар, экскурсияләр күп дигән нәтиҗә ясадылар. Квадробинг белән тормышта максаты булмаган кеше генә шөгыльләнә. Әңгәмә тәмамлангач, тыңлаучыларга мәгълүмати белешмәләр бирелде.
Татарстанда иң яхшы яшьләр хәрәкәтләренең берсе – КВН- быел 30 еллыгын билгеләп үтә! Казан шәһәренең "УНИКС" спорт комплексында узган Чемпионнар кубогында тамашачылар күп санлы матур номерлар һәм онытылмас мәзәкләр бүләк иткән командаларының чыгышларын күрә алды! Шекше мәдәният йортының "Бөрлегән" үрнәк фольклор коллективы (җитәкчесе Л.А.Хисмәтова, аккомпаниаторы Р. Н. Шәрипов) юбилей уенында катнашып, Зур алтын чемпионнар кубогына ия булган «Татар лигасы» командасы составында чыгыш ясады.
Районыбызда "Шәҗәрә фестивале" бара, бәйге буларак оештырылучы бу чарада Шекше җирлеге данын зур һәм борынгы, 9 буыны, 17 тармагы билгеле булган Әндәр нәселе яклады. Алан-Елга, Шекше, Сәрдә авылларындагы күпсанлы гаиләләрне, 1191 кешене берләштерүче әлеге нәсел оныклары районкүләм "Буыннар тарихы -гаилә ядкаре" бәйгесе кысаларында чыгыш ясады. Тематик исемнәр астында тупланган күргәзмә өлешендә комиссия һәм килгән кунаклар "Әндәр бабай капкасы" аша үтеп тарихи материаллар, буыннан-буынга тапшырылып килүче ядкарьләр, уңышлар, казанышлар, хезмәт династияләре, гаилә ашлары белән танышты. Зур игътибар, әлбәттә инде, шәҗәрәгә булды, аның шушы нәсел кияве Фәнил Гарәфетдинов ясап биргән зур форматы иң түрдән урын алды. Шәҗәрәне төзүче Гөлгенә Раиф кызы тулы мәгълүматлар бирде, кызыклы фактлар хакында сөйләде. Нәсел белән таныштыру сәхнәдә дәвам итте, "Агачның тамыры җирдә, безнең тамыр туган-ыруда" дип исемләнгән визитка олешендә илледән артык катнашучы чыгыш ясады.
8 ноябрь көнне Туктар авыл клубы яшьләр белән "һәр кеше җәмгыятьтә үз урынын таба һәм файдалы була ала"дигән темага әңгәмә үткәрде.Яшьләр чыгыш ясаучыларны кызыксынып тыңлады.Балалар үз фикерләре белән уртаклаштылар .Бер бизнесмен үзенең карьера үсеше турында сөйләде һәм яхшы киңәшләр бирде.
8 ноябрь көнне Туктар авыл клубы яшьләр белән "һәр кеше җәмгыятьтә үз урынын таба һәм файдалы була ала"дигән темага әңгәмә үткәрде.Яшьләр чыгыш ясаучыларны кызыксынып тыңлады.Балалар үз фикерләре белән уртаклаштылар .Бер бизнесмен үзенең карьера үсеше турында сөйләде һәм яхшы киңәшләр бирде.