ЯҢАЛЫКЛАР
Балачакның шатлыклы һәм дулкынландыргыч дөньясы нәрсәдән башлана? Әнинең бишек җырларыннан, әтисенең көчле кулларыннан, әбинең пироглары исеннән һәм Александр Сергеевич Пушкин әкиятләреннән. Бөек рус шагыйре иҗаты безне гомер буе озата бара. 16 августта Лесхозский СДК «Мин искиткеч мизгелне хәтерлим» әдәби флешмобын эшли башлый. Әлеге акциядә катнашучыларга классикның танылган әсәрләреннән шигырьләр яки өзекләр тәкъдим иттеләр.
16 нчы август көнне Шәмәрдән мәдәният йортында «Помоги собраться в школу» дип исемләнгән хәйрия акциясе узды. Бу чараны кереш сүз белән Саба муниципаль районы башлыгы урынбасары Закирҗанов Р.Р., Шәмәрдән авыл җирлеге башлыгы Вәлиев А.К. һәм Шәмәрдән «Үсеш» лицее директоры Мөхәммәтов И.Р. ачып җибәрделәр. Хәйрия акциясендә халыкка социаль хезмәт күрсәтү учреждениеләре, коммерция оешмалары һәм шәхси эшмәкәрләр катнашты. Балаларга портфельләр һәм уку өчен кирәк-яраклар тапшырылды. Шулай ук акция бию номерлары һәм җырлар белән аралаштырылып алып барылды. Әниләр һәм әтиләр балаларга яңа уку елына ярдәм күрсәткәннәргә зур рәхмәтләрен белдерделәр. Ә без, үз чиратыбызда, балаларга шулай итеп булышкан һәркемгә дә чын күңелебездән рәхмәтебезне белдерәбез.
16 август көнне Сәрдә авыл клуб мөдире балалар өчен "Татар халык уеннары" дип исемләнгән мәгълүмат сәгате үткәрде. Балалар халык уеннарының күп гасырлык тарихы барлыгын белделәр, алар безнең көннәргә тирән борынгыдан килеп җиткәнен, буыннан-буынга тапшырылып үз эченә иң яхшы милли традицияләрне алганын белделәр. Аннары катнашучылар стена газетасы бизәделәр һәм Халыкара традицион халык уеннары фестиваль-конкурсы кысаларында "Түбәтәй" халык уенын уйнадылар. Халык уеннары балаларны интернациональ, сәнгать һәм физик тәрбияләүнең аерылгысыз өлеше булып тора.
16 август конне Сулэ авыл клубында "шырпы балаларга уенчык түгел"дигән танып белү сәгате уздырыла.Чара барышында модир балаларга шырпының ни өчен кирәклеге һәм аларның ни өчен куркыныч булуы турында сөйләде. Балалар янгынның сәбәпләре һәм өйдә яки урамда янгын чыкса, ничек дөрес эш итәргә кирәклеге турында белделәр. Әңгәмә барышында балалар тема турында актив фикер алыштылар, үз белемнәре һәм тормыштан алынган хикәяләре белән уртаклаштылар. Янгын куркынычсызлыгы кагыйдәләре белән таныштык, янгын сүндерү часте 01 һәм ашыгыч чакыру 112 номерларын искә төшердек. Барысы бергә табышмакларны чишкәннәр, «мөмкин-ярамый» сүз уены уйнаганнар, сорауларга җавап биргәннәр, берничә варианттан дөрес җавап сайлаганнар.
16 августта Лесхоз инвалидлар һәм өлкәннәр өчен интернат-йортында Лесхоз мәдәният йорты хезмәткәрләре "Җанны җылы белән җылытабыз" дип аталган концерт оештырдылар. Концерт программасы кысаларында моңлы җырлар яңгырады, яндыргыч биюләр биеде. Интернат-йортта яшәүчеләр аларны алкышлар белән каршы алдылар һәм артистларыбыз белән бергә җырладылар. Киләсе көннәрдә безнең чыгышларыбыз интернат-йортта яшәүчеләргә шатлык һәм яхшы кәеф бүләк итәр дип өметләнәбез.
Югары Симет мәдәният йортында "Эпоксидлы сумаладан бизәкләр" буенча мастер-классы уздырылды. Эпоксид-уникаль әйберләр ясау өчен иң кызыклы материалларның берсе. Эпоксидлы сумаладан туган гаҗәеп бизәнү әйберләре катнашучыларыбызны үзенең тышкы кыяфәте белән озак сөендерәчәк, чөнки ул зарарланмый, бозылмый һәм чагыштырмача озак формада тора. Һәр катнашучы үзенчәлекле бизәкләр ярдәмендә бик матур алкалар, муенсалар ясадылар.. Мастер-класс тәмамлангач, мәдәният йорты хезмәткәрләре бизәнү әйберләрен эшкәртү үзенчәлекләрен һәм көндәлек тормышта аларны ничек итеп саклау серләре турында сөйләделәр.
16 нчы август көнне «Ночь кино» акциясе кысаларында Шәмәрдән мәдәният йорты һәм Район мәдәният йорты хезмәткәрләре Җиңү Паркы территориясендә авыл халкы өчен фильм һәм мультфильм күрсәтүне оештырды. Ачык һавадагы кино яшьләр һәм өлкәннәр өчен дә бик күңелле булды. Өлкән буын өчен җәйге кинотеатр яшьлек хатирәләрен исләренә төшерде. Яшьләр өчен киресенчә, җәйге ялларын тагын да төрләндерде, алар барысы да дуслары белән урам киносына бик теләп җыелды, хәттә үз парлары белән дә тамашага кушылучылар булды. Саф һавада фильм һәм мультфильм карау авыл халкының кәефен күтәрде.
Сәламәтлек турында бер көндә генә түгел даими кайгыртырга кирәк. Сәламәтлек һәркемгә – балаларга да, өлкәннәргә дә, хәтта хайваннарга да кирәк. Сәламәтлек турында кайгырту һәм белү өчен нәрсә эшләргә кирәк? Сәламәтлегеңне сакламасаң, аны югалтырга мөмкинсең. Сәламәт булырга безгә нәрсә ярдәм итә, нинди процедуралар үткәрергә кирәк? 15 август көнне Юлбат мәдәният йорты һәм китапханә хезмәткәрләре яшьләр белән «Сәламәт булу бик яхшы»дип исемләнгән әңгәмә үткәрделәр. Чарада катнашучылар әңгәмә барышында спорт белән шөгыльләнергә, иртәнге гимнастика ясарга, ешрак хәрәкәт итәргә һәм сәламәт яшәү рәвеше алып барырга кирәк дигән нәтиҗәгә килделәр. Начар гадәтләрнең кеше сәламәтлегенә куркыныч булуы турында аңлатылды.
«Сәламәтлек байлыктан кыйммәтрәк», «Сәламәтлекне сатып алып булмый»дигән мәкальләрнең мәгънәсен төшендердек.
Флористика-композицияләр: букетлар, коллажлар, веноклар һәм тере чәчәкләрдән бутоньерлар ясау сәнгате. Бу юнәлешнең популярлыгы шунда ки, безнең һәрберебез тере чәчәкләрне ярата һәм алардан бик күп уңай тәэсирләр һәм онытылмаслык эмоцияләр ала. Флористик композицияләр ясау баланы да, өлкәннәрне дә битараф калдырмаячак. Флористика сихерли, тәм, Гармония, фантазия, иҗади сәләтләр үстерә. Бу процесслардан аерылып булмый. 15 августта Яңа Мичән мәдәният йорты авыл китапханәсе белән берлектә тере чәчәкләрдән флористика буенча мастер-класс үткәрделәр.Балалар бик кызыксынып, тырышып эшләделәр. Һәркемнең чын сәнгать әсәре барлыкка килде.
15 августта Тенеки авыл клубында «Күңелле җәй»рәсемнәр күргәзмәсе узды. Балалар елның бу чоры белән бәйле иң мөһим нәрсәләрне сурәтләргә тырыштылар. Алар үз иҗатын карандашлар, буяулар белән сурәтләгәннәр. Һәр рәсем үзенчә матур булып чыкты чәчәкләр белән, якты кояш белән, утрау белән, гомумән, балалар чын җәйне күрергә теләгәнчә. Балалар тырыштылар, бер-берсенә ярдәм иттеләр, матур һәм уникаль булган рәсемнәр ясадылар.