ЯҢАЛЫКЛАР

19 нчы августта Килдебәк мәдәният йорты территориясе янында «Җәйге кичәләр» дип аталган урам концерты узды. Концерт күңелле, шаян килеп чыкты. Тамашачылар уңай эмоцияләр һәм яхшы кәеф алдылар. Концерт программасында Килдебәк, Лесхоз мәдәният йортларының үзешчән сәнгатьтә катнашучылары һәм сәнгать җитәкчесе  катнашты.

19 август конне Сулэ авыл клубында "Руммикуб" уен сәгате узды. Руммикуб уенының гадәти булмаган, әмма чынлыкта гади механикасы бар. Бу җыелма җиде яшьтән башлап уенчыларга исәпләнгән, бу уенны ничек уйнарга икәнен аңлау бик авыр түгел. Бер үк вакытта күңел ачуда дүрт кеше катнаша ала. Балаларга бу уен бик ошый. Күңелле вакыт үткәрдек.

19 нчы август көнне Яңа Мичән мәдәният йорты хезмәткәрләре клуб берләшмәсенә йөрүче балалар белән Лесхозга экскурсия оештырдылар. Истәлекле урыннарда булып,каникулның бер көнен файдалы һәм күңелле итеп ял иттеләр.

 "Мирас" фольклор коллективы "Бистә шәле" халык һөнәренең  Республика фестивалендә катнашты. Фестиваль программасында "Бистә ярминкәсе" остаханәләр ярминкәсе, "Иңкреативлы шәл", "Иң тиз   бәйләүче " остаханәләр бәйгесе, бәйләүҗебе һәм аксессуарлардан ясалган әйберләр коллекциясенең дефилесы, осталарның иҗади очрашулары, мастер-класслар, презентацияләр, Татарстанның һәвәс кәрколлективларының чыгышлары узды. Сәхнәдә коллектив "Шәл өмәсе" фольклор йоласын тәкъдим итте, лауреат дипломы белән бүләкләнде

Август уңыш җыю вакыты һәм традиция буенча урып-җыю вакытында мәдәният хезмәткәрләре  авыл хуҗалыгы хезмәткәрләренең көнкүрешен төрлеләндерү, бизәү максатыннан басуларга, амбарга, фермага концерт номерлары белән киләләр. 18 августта Олы Нырты мәдәният йорты,Олы Арташ һәм Язлы Арташ авыл клубы хезмәткәрләре «Юлдаш булсын җырларыбыз хезмәт юлыгызда»  дигән концерт программасы белән СХП «Нырты» һәм шулай ук КФХ «Зиятдинов Р.Г” фермасында  эшләүче терлекчеләр алдында чыгыш ясадылар. Агитбригада чыгышы зур кызыксыну белән каршы алына. Күңелле җырлар, җиңел булмаган хезмәтләре өчен авыл хуҗалыгы хезмәтчәннәренә рзхмәт сүзе булып яңгырый. Авыл хуҗалыгы хезмәткәрләре мәдәният хезмәткәрләренә күңелле ял минутлары өчен рәхмәт белдерделәр.

18 августта Эзмә мәдәният йортында УенФест проекты кысаларында «Самовар» уены уздырылды. Бу чара балаларны милли мәдәнияткә җәлеп итү максатыннан, аларның традицион халык уеннарын, йолаларын өйрәнү аша оештырыла, алар үсеп килүче буынның тәрбия процессында уенның мөһимлеген искә төшерергә тиеш. Бүген балалар белән уйнадык һәм әбиләребез уйнаган халык уенын, «Самовар» ны искә төшердек, уен кагыйдәләрен аңлаттык. Татар халык уены балаларга ошар һәм зур тәэсир калдырыр дип ышанасы килә.

18 августта Тенекеи авыл клубы мөдире «өченчесе артык " спорт программасын үткәрде. Алып баручы домино уен кагыйдәләрен аңлатты, алар гади һәм хәтта яңа башлаучылар өчен дә кыенлыклар тудырмый. Уен процессы логик чылбыр булдырудан гыйбарәт, анда сөякләр бер үк яртылар белән генә тоташа ала. Һәр уенчының ахыргы максаты-тиз арада костяшкалардан котылу һәм призлы очколар алу. Барысы да уенчыларның саны һәм аларның домино уенында осталык дәрәҗәсенә бәйле. Домино-универсаль уен. Бала домино өлешләреннән зур конструкцияләр ясый ала, алар ярдәмендә ул җитезлек һәм саклык күнектерә. Домино балалар өчен олыларга охшаса да, ул һәрвакыт төрлерәк һәм күңеллерәк чыга. Балалар бик күп уңай эмоцияләр һәм яхшы кәеф алдылар.

18 нчы август көнне Шәмәрдән мәдәният йорты белгечләре «СССР уеннары» дип исемләнгән күңел ачу программасы оештырдылар. Чара барышында балалар элекке уеннарның хәзерге заман уеннарыннан да кызыклырак икәнен аңладылар. Бу чара балаларга совет чоры атмосферасына чумарга һәм ул вакытта популяр булган уеннарны искә төшерергә ярдәм итте. Аларга төрле уеннар тәкъдим ителгән иде: «Классики», «Резиночка», «Колечко» һәм башка күп нәрсәләр. Чарада катнашучылар бу уеннарның төрлелегенә һәм алып баручыларның дәртле итеп сөйләүләренә гаҗәпләнделәр. СССР уеннары балаларда уңай хисләр уятты. Бу чара үзара бәйләнешне уңай атмосферага этәргеч булдыруга ярдәм итә.

17 август көнне Килдебәк авыл мәдәният йорты хезмәткәрләре, китапханәче белән берлектә "Коррупцигә, юк!" исемле әңгәмә үткәрделәр. Мәдәният хезмәткәрләре коррупцияне вазифаи затның үз вазифасына бәйле хокукларны шәхси баету максатларында турыдан-туры куллану белән бәйле процесс дип аталуын, башкача әйткәндә, шәхси файда алу максатында вазифа урыныннан файдалану икәнен сөйләделәр. Коррупция проблемасы бөтен дөньяда иң кискен проблемаларның берсе булып тора. Яшьләр коррупция төрләрен искә төшерделәр: көнкүреш коррупциясе, эшлекле коррупция, югары хакимият коррупциясе, югары уку йортларында коррупция.

Ахырда барысы да коррупция белән көрәшергә мөмкин һәм кирәк дигән фикергә килде, чөнки бу күренеш бөтен җәмгыятькә зыян китерә.

17 августта Россиядә самовар  көне билгеләп үтелә .  Татарстан Республикасында милли мәдәниятләр һәм традицияләр елы уңаеннаЯңа Мичән й авыл китапханәсе  мәдәнят йорты белән берлдектә "Самовар куйдым күмерсезисемле " тематик кичә үткәрделәр...Чара барышында самоварның барлыкка килү тарихы,төрләре, төзелеше белән таныштылар. Самоварның туган иле Тула дип санала. Шулай ук самоварның муллык, иминлек, гаилә уңайлылыгы, бәхет символы булып саналуын да белделәр. Чара кунаклары викторина сорауларына актив һәм бердәм җавап бирделәр, табышмакларны чиштеләр, мәкальләрне искә төшерделәр. Бәйрәм концерт номерлары белщн аралаштырылып алып барылды.Күргәзмә оештырылды. Чара ахырында самовардан чәй эчтеләр.